Tibɔkpiirkaan 3:7 - UWONBƆR A GBƆNPƆŊ LIKƆƆNL

⁷ Ki ji ke, “Sɔb sei Filadelifiya a wonjiɛm a laguŋ a malaka: Wan be kasi ki ye ubamɔndaan ki ŋmag Defid a naanganl a piimin a mɔleen sɔ. U loor nan ke uba kaa li fir loon ni, le nan mu wee u loon ke uba kaa be ki li fir loor ni.

Uwumbɔr aagbaŋ

⁷ “Ŋmee kigbaŋ tii maanib bi bi Filadelfia aatiŋ ni na aatuun, ke min Yesu u ye chain, ki ye mbamɔn, ki kpa Ubɔr David aasaafii na, yaa piir mbisamɔb kan, ubaa aan ŋmaa piin mu; m yaa piin mu mu kan, ubaa aan ŋmaa piir mu,

Tibɔkpiirkaan 3:7 ပူးပေါင်းရင်းမြစ်များ

Matiu 16:19

N li seiŋ paab a naamin a naanganpiim; nan wee a li lol dulinya nan yaan, ni ma le yin lol paab, nan wee a ji lor jaa dulinya nan yaan ni, man mu le ni yin lor jaa paab.”

Matiu 24:35

Paab nin tum na li jo, amaa n bɔr kaa jɔɔ tin jo.

Tibɔnyaan ti Mak ŋmee ti na 1:24

“Fin Yisa, Nazarif a ninfou nan tim nin fin babu? A dan ke a nan bii ti lee? N nyi ŋaah ye wan, a ye Uwonbɔr a Kasi daan nle.”

Tibɔnyaan ti Luk ŋmee ti na 1:32

U na yin ye lininfo takpenl le, le bi li yin u ke Uwonbɔr wan be paab nan a Bija. Uyudaan Uwonbɔr li che un ji u yaaja Defid a naam.

Tibɔnyaan ti Luk ŋmee ti na 4:34

“Fin Yisa wan ye Nazarif a ninfo nan, a ban baa ti ban naa? Aah! A dan ke a nan bii tim lee? N nyi ŋa ye wan, a ye Uwonbɔr a kasi a toom le.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Lituln 3:14

Ni yii Kasi daan nin Ubuchin daan le ki bei Palati ke un nyan uninfo kurin ki sei ni.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.

Tibɔkpiirkaan 1:11

ki len ke, “Sɔb nan wee a kan nan ki ŋa kugbɔŋ kpabkaagin ki ta tan sei biwonjiɛm a laginn a kerim milile-n na: Ti ma ye Efesusi, nin Simarina, nin Pagamum, nin Tayatira, nin Sadusi, nin Filadelifiya nin Laodisiya.”

Tibɔkpiirkaan 1:18

N ye Wan Fo-n le; N nan kpou, liga n fii nkumin na ki ye wan fo-n le hali nin iyoo yan kaa jɔɔ diɛm! Le ki ŋmag Nkum nin Kitakpiin tiŋ a naanganl a piin.

Tibɔkpiirkaan 1:5

Linyunyunbasanl nin nposɔɔn lan ji nyan Yisa Masiya, wan ye ibamɔn a siɛradaau win, kibininkpeeg kan chinn fii nkumin, nin wan ye dulinya nan a bɔrtiib biɛn a bɔru win li be ni ban. Wan jiɛ ti wee ki ta u cham ki nyan ti tibirin nin,

Tibɔkpiirkaan 15:3

le ki gaa Moziz a Wonbɔru a toontunnu nin Kipeebigin a lai-n: “A ŋaar ye tiŋaar gbingbem le nin ligaril, Uyudaan Uwonbɔr Npɔɔn biɛn daan. A sam ŋan le ki ye ibamɔn, Fin le ye iyaayoo a bɔru

Tibɔkpiirkaan 16:7

Le n gbir likukɔl kaah nyan libinbinlin ban ki len ke, “Nn, Uyudaan Uwonbɔr Npɔɔn biɛn daan, a bɔjil ŋan le ki ye ibamɔn.”

Tibɔkpiirkaan 19:11

Le n nan kan paab kaah loor, le utanpeen si niin n nintogil, le wan jig ki a yinl ye yada daan nin ibamɔn. Le u ji tibɔr nin tibuchinn, ki tog bitɔb.

Tibɔkpiirkaan 19:2

nan bu-n U bɔjil ŋan le ki ye ibamɔn. U bii lipiijagɔɔril takpenlin na, wan ta iwanchɔgin toon ki boon kutingbɔŋin. U dar u tul ki jiin U toontumin a cham buu.”

Tibɔkpiirkaan 2:1

Le u beim ke, “Sɔb sei Efesusi a wonjiɛm a malaka ke: Wan ŋmag iŋmabil ilile u nɔɔjiimin wee ki choon salima a filaam a tɔɔnbol ilile-n a mɔleen sɔ:

Tibɔkpiirkaan 21:5

Le wan nan ka kunaangbɔŋ bu-n len ke, “Lig, n ŋaan niwann biɛn niwann pɔnn le!” Le ki ji len ke, “Sɔb ki bila, nan bu-n imɔleen nmɔn ye ibamɔn le ki ye gaa ji.”

Tibɔkpiirkaan 3:14

Le ki ji ke, “Sɔb ki sei Laodisiya a wonjiɛm a malaka ke: Wan a yinl ye Ibamɔn nin, nin ibamɔn a yada a siɛradaan wee ki ŋmag nan biɛn wee Uwonbɔr naan nin a mɔleen sɔ.

Tibɔkpiirkaan 4:8

Tiwann naan wan tan fo tina nmɔn biɛn nan jɔɔ tikpinkpann tiloloob, le bi gbanann biɛn ye inunbil, hali nin bi ŋmiɛn nin na. Le nween nin kunyiɛg biɛn baa jiɛn ni le ki ke, “Kasi, kasi, kasi, le ye Uyudaan Uwonbɔr Npɔɔn biɛn daan, wan nan be, ki la be, ki la yin dan.”

Tibɔkpiirkaan 5:9

Le bi gaah ilan pɔɔn ki ke, “Fin le kpaan nin a yuur kugbɔŋ nmɔn ki loor ndaagimin, nan bu-n fin le bi nan kɔr, le a ta a cham ki da bininfob ki sei Uwonbɔr ki nyan imaal biɛn nin ileen biɛn, nin bininfob biɛn nin ibol biɛn ni.

Tibɔkpiirkaan 6:10

Le bi nan yin nin nkukɔpɔɔn ki ke, “Uyudaan wan jɔɔ npɔɔn biɛn, fin wan ye kasi nin ubamɔndaan, ni yin yuur ki tan kpaan niin a tarig wee a ji dulinya nan yaab tibɔr ki jiin ti cham a pɔnlaa?”