Tibɔkpiirkaan 22:15 - UWONBƆR A GBƆNPƆŊ LIKƆƆNL

¹⁵ Ban kaa na yin be kitiŋ nmɔn a poolin ye: Ibɔ, nin ban tun inyɔg a toon, nin ban tun iwanchɔgin toon lipiibanl nin lijabanl, nin bininfokub, nin bibawomanib, nin ban jiɛ ki sin tun tibɔkar a toon.

Uwumbɔr aagbaŋ

¹⁵ Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.

Tibɔkpiirkaan 22:15 ပူးပေါင်းရင်းမြစ်များ

Matiu 7:6

“Ni laa ta niwann nan be kasi ki sei ibɔ, ni laa ta nan ye tinyɔɔr a wann ke salima-n ki gab idooli. Ni ye a ŋa man ke bi li ta bi taafar ki ta i bu ki jin labir ki tɔr tɔriŋ.

Matiu 8:12

Amaa nim ban ye nnaam nmɔn a ninfob nan, bi na li ta ni ki gab ngbaan, libunbɔnlin; nin yaan nmɔn le ni tan yin fabin ki mɔr ki ŋma inyin.”

Jɔnn 8:46

Ni ŋma li fir nyan wɔɔn ke n jɔɔ tibiraa? Ni ye ke n len ibamɔn ke, ba ŋaa naa ŋaam yadaa?

Lituln 8:11

Nan bu-n u nyɔgi a toon nmɔn nan ŋa bi ligaril le ke ni yuur, ni bu le che bi nan chee sei u ki nɔɔ u.

Filipi 3:2

Ni li nyi bininfob ban ye ibɔ nan, ki ye titoonbirdam wee ki jiil bi gbanann chɔr nan bu.

Kolosiya 3:6

Ni niɛ nan bu Uwonbɔr a ŋuufiiŋ chaan ban tun man nmɔn bu.

1 Timoti 1:10

nin ban tun iwanjaab toon, nin ban yii bi piib wee ki dɔ nin bijab tabin, nin ban jɔɔ biyom kpeŋ nin ban ye tibɔkardam, nin ban ji tibɔkar a siɛra, nin ban biɛn kaa nɔɔ ibamɔn a wɔɔnimin,

Tibɔkpiirkaan 18:23

Le fila a wonweem kaa ji na li won a bu jigin ni. Lipiichanil daan nin u bɔɔnh a kukɔl kaa ji na li gbir a ban ni. A kpoŋkpoŋ damin nan ye dulinya a ninfob gbingbemin le. A nyɔgimin kɔɔn ibol biɛn kulɔŋa.

Tibɔkpiirkaan 21:27

Le niwann nan biɛn jɔɔ tijaginn bee ban biɛn tun ifa bee kularug a toon kaa na li kɔɔ kitiŋ nmɔn yaan ni, amaa ban a yin sɔb be Kipeebigin a miɛfol a gbɔŋin a binba.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”