Tibɔkpiirkaan 21:27 - UWONBƆR A GBƆNPƆŊ LIKƆƆNL

²⁷ Le niwann nan biɛn jɔɔ tijaginn bee ban biɛn tun ifa bee kularug a toon kaa na li kɔɔ kitiŋ nmɔn yaan ni, amaa ban a yin sɔb be Kipeebigin a miɛfol a gbɔŋin a binba.

Uwumbɔr aagbaŋ

²⁷ Tiwan ni kpa tijɔŋ na nibaa aan koo ni ki ponn ni. Binib bi dii ŋiwaa na ponn ni ubaa aan koo ni. Binib bi mɔln inyamɔn na ponn ni ubaa mu aan koo ni. Binib bi aayimbil ŋmee Upihbo ngbaan aamɔfal aagbaŋ ni na baanja le ga koo ni.

Tibɔkpiirkaan 21:27 ပူးပေါင်းရင်းမြစ်များ

Matiu 13:41

Uninfosaal a Big na li tunn malakam bi nan gann tininfobir ban che bi tab tun titoonbir nan biɛn, nin tibir dam nan biɛn.

Tibɔnyaan ti Mak ŋmee ti na 7:2

Le ki kan ke u bɔɔnɔɔb biba ji tinɔɔjaginn le kaa nir bi nɔɔi.

Tibɔnyaan ti Luk ŋmee ti na 10:20

Amaa ni laa che ni mɔ ni nnaanbiim kaah chee ni mɔbin a binba bu, ni che ni li mɔ na ni yin kaah sɔb dɔ Uwonbɔr a niin nin bu.”

Efesusi 5:5

Ni nyi ni niɛ nan bu: Ke uninfo wan tun iwanchɔgin toon upiibanlin bee ujabanlin, bee tijaginn a toon, bee kujaŋuuŋ ke, u yaa daan ye utingban kɔɔr le, le kaa na yin kan niba Masiya nin Uwonbɔr a naamin ni.

Filipi 4:3

Ni ye ibamɔn le n bei nim ban ye n naajadaag tug tab bamɔm nan, ni ter bipiib ban pɔɔn biba ki kpiɛ n bu wee ti mɔɔn tibɔŋann nan na, nin Kilɛmenn nin ban biɛn ye n toontunn tabin, wee bi yin be limiɛfol a gbɔŋin yaan nin.

1 Timoti 1:10

nin ban tun iwanjaab toon, nin ban yii bi piib wee ki dɔ nin bijab tabin, nin ban jɔɔ biyom kpeŋ nin ban ye tibɔkardam, nin ban ji tibɔkar a siɛra, nin ban biɛn kaa nɔɔ ibamɔn a wɔɔnimin,

Hiibru Yaab 12:14

Ni pɔɔn niba ki li jɔɔ nposɔɔn nin bininfob biɛn wee ki li be kasi; naa jɔɔ kasi a binbem ke uba kaa li fir kan Uyudaan ni.

2 Piita 3:13

Amaa taah ŋmag U mɔsiinlin, tim le guu papaab pɔŋ nin tum pɔŋin le, bibuchim a niin yin.

Tibɔkpiirkaan 13:8

Bininfob ban biɛn be dulinya nan yaan wee bi yin kaa sɔb ŋa Kipeebig kan wee bi nan ku-n a miɛfol a gbɔŋin yaan dulinya nan a piimin nin, bi biɛn nan yin jiɛn kuwanbiig nmɔn le.

Tibɔkpiirkaan 20:12

Le n kan bitakpiib, ban gbee bitakpiib nin ban kaa gbee bitakpiib kaah si kunaangbɔŋin a nintogil, le tigbann kpaar. Le kugbɔŋ kuba mu ji kpaar, ki ma ye limiɛfol a gbɔŋ. Le bi jin bi tibɔr baah tun nan wee Uwonbɔr sɔb ŋa tigbann nmɔn yaan nin.

Tibɔkpiirkaan 20:15

Ni ye wan a yinl kaa nan sɔb ŋa limiɛfol a gbɔŋin yaan ke, bi nan ti ta u le ki gab nŋmi a mɔgilin yaan.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”

Tibɔkpiirkaan 3:5

Wan fir nyaŋ ke u li yee tiwanpenn ke baah yee man nin. Maa li nyan udaan a yinl limiɛfol a gbɔŋin yaan ni, amaa le ki na li tiɛr u yinl n Baa nin U malakam a nintogil.