Tibɔkpiirkaan 21:23 - UWONBƆR A GBƆNPƆŊ LIKƆƆNL

²³ Kitiŋ nmɔn kaa ban nween bee uŋmal a wonweem li nyagin ki bu, nan bu-n Uwonbɔr a pagin le tenn ki nwonween, le Kipeebigin ye nin yaan a fila.

Uwumbɔr aagbaŋ

²³ Kitiŋ ngbaan aa ban nwiin ni uŋmal li wiin ki ponn ni; ba pu? Uwumbɔr aah wiin pu na woln ki ponn ni. Kaakaryaa ye Upihbo ngbaan la.

Tibɔkpiirkaan 21:23 ပူးပေါင်းရင်းမြစ်များ

Matiu 16:27

Nan bu-n uninfosaal a Big na li jirin nin u Baa a pag, nin u malakam iyaayoo nmɔn, u na li yɔ uninfo biɛn nin u toon kaah ye man.

Tibɔnyaan ti Mak ŋmee ti na 8:38

Wan mu san ifa nin un ta n bɔr nan ki wɔɔn titoonbirdam nin tukangbirdam dulinya nan yaan ke, wee Uninfosaal a Big nan jiirin nin u Baa Uwonbɔr a pɔɔm nin u malakam ke, u mu na li san u ifa nin un ta u ki kpiɛ u ninfobin.

Tibɔnyaan ti Luk ŋmee ti na 2:32

U li ye nwonween ki kpiir a samin ki wɔɔn ban kaa ye Iziral yaab nan, Ki ji ta kupag ki sei a tɔɔl a ninfob Iziral yaab.”

Jɔnn 1:14

Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Jɔnn 1:18

Uba kaa nyi kan Uwonbɔr i, amaa U ma Uwonbɔr a binba, wan be Baa-n a logilin che bi biɛ wa.

Jɔnn 1:4

U ni le limiɛfol nan be, limiɛfol nmɔn nan ye usaal a wonweem le.

Jɔnn 1:9

Ibamɔn a wonweem man tenn uninfosaal biɛn nwonween nin nan chaan dulinya nan yaan le.

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Jɔnn 5:23

ke bininfob biɛn li tenn Bija-n jilima ke baah tenn Baa-n jilima nan nin. Wan kaa sei Bija-n jilima ke waa sei Baa wan nan tun win, jilima.

Lituln 22:11

N ninɔɔtab le nan ŋmag n nɔɔ ki dam foo Damasiko, nan bu-n nwonween man nan nyagir n num paamin nan jɔɔn ma.

Tibɔkpiirkaan 14:4

Bi ma ye ban kaa bii biba lipiibanlin ni, nan bu-n bi ŋmag biba le chasi. Bi nɔɔ Kipeebigin kaah chaa nan yaan biɛn le. Bi ma ye ban wee Uwonbɔr nan da bininfob a sisiigin, ke bin ŋa chinchinn a ninfob ki sei Uwonbɔr nin Kipeebigin.

Tibɔkpiirkaan 18:1

Ni bɔɔn bu le n ji kan malaka kaah nyan paab ki chaa jiirin. U nan jɔɔ tininkper a pɔɔm takpem. Le u wonweem man nyan u ni wonn dulinya biɛn bu.

Tibɔkpiirkaan 21:11

Ki nyagin nin Uwonbɔr a pag, ki ŋan ki nyagin ke nliɛm man a daag pɔɔ, ki be ke sataŋin, le ki ji ween ke niɛnu a maarin.

Tibɔkpiirkaan 21:25

Lidaal kaa be wee ki timansanmɔn li loon ni, nan bu-n kunyiɛg kaa na yin be niin ni.

Tibɔkpiirkaan 22:5

Kunyiɛg kaa ji na yin be nin yaan ni. Baa ji na li ban fila a wonweemi, bee nween a wonweemi, nan bu-n Uyudaan Uwonbɔr na li sei bi nwonween. Le bi na li ji nnaam ki li be hali nin iyoo yan kaa jɔɔ ndiɛm.

Tibɔkpiirkaan 5:6

Le n kan Kipeebig, le ki nann ke bi kɔr ki le-n, le ki si Kunaangbɔŋin a sisiigin, le tiwann naan wann tan fo tina-n nin bininkpeebin gɔɔn u. Kipeebig nmɔn nan jɔɔ iyinh ilile le nin inunbil ilile, ni ma nan ye Uwonbɔr a naam milile ban wee u nan tun bi dulinya nan a logi ina-n yaan biɛn ni.

Tibɔkpiirkaan 7:17

Nan bu-n Kipeebig kan ka kunaangbɔŋ bu ki be bi sisiigin nin, le yin ye bi peekpaaru; u li ta bi ki jo limiɛfol a nyunbuŋin. Le Uwonbɔr li pir bi num a nyinyinn biɛn.”