Tibɔkpiirkaan 21:18 - UWONBƆR A GBƆNPƆŊ LIKƆƆNL

¹⁸ Sataŋ le bi nan ta maa ligonl nmɔn, le kitiŋin baantɔɔl ye salima bamɔn, ki nyagin ke niɛnu a maar.

Uwumbɔr aagbaŋ

¹⁸ Bi nan di litakpanyaan li kpa kidaak aan bi yin li ke jaspa na le maa ligoln ngbaan. Kitiŋ ngbaan ye salmaa u bi chain na, ki wiin ke kinimbilik ki bi chain na.

Tibɔkpiirkaan 21:18 ပူးပေါင်းရင်းမြစ်များ

Tibɔkpiirkaan 21:11

Ki nyagin nin Uwonbɔr a pag, ki ŋan ki nyagin ke nliɛm man a daag pɔɔ, ki be ke sataŋin, le ki ji ween ke niɛnu a maarin.

Tibɔkpiirkaan 21:19

Bi nan ta itangbag yan jɔɔ kudaapɔɔrug le balbal ki mann kitiŋ nmɔn a gon a fiɛl, chinchinn a fiɛl a tangbagilin le nan ye sataŋ, lan kpiɛ ilee nan ye litangbag buginu, le lan paa itaa nan ye litangbag sɔɔn kpiɛ kpiɛ, lan paa ina a tangbag nan nann kisikpinnsiig,

Tibɔkpiirkaan 21:21

Le itimansanmɔn piig nin ilee nmɔn nan ye nliɛm piig nin milee le, le ntimansanmɔn nba biɛn nan ye nliɛm nba le. Kitiŋ nmɔn a sanjal nan ye salima bamɔnl le ki ga ke niɛnu-n.

Tibɔkpiirkaan 4:6

Le niwann niba mu nan be kunaangbɔŋ nmɔn a nintogil ki nann niɛnu a maar tan yaalin ke limɔgilin. Niɛnu a maarin a sisiigin, kunaangbɔŋ nan be, le tiwann naan wann tan fo tina nan be ki gɔɔn ki. Le bi bɔɔn nin bi nintogil biɛn nan ye inunbil.