Tibɔkpiirkaan 20:13 - UWONBƆR A GBƆNPƆŊ LIKƆƆNL

¹³ Le limɔgil nan nyan bitakpiib ban be li ni ki jaa, le nkum nin kitakpiin tiŋ nyan bitakpiib ban be bi ni ki jaa. Le bi jin bi biɛn tibɔr baah tun nan bu.

Uwumbɔr aagbaŋ

¹³ Le bitekpiib mɔmɔk nyan ni kitekpiitiŋ ni, ki si nima; binib bi nan bee nnyusakpem ponn ni na, bi mu nyan ni ki si nima. Le u jin bi mɔmɔk tibɔr baatuln aah ye pu na.

Tibɔkpiirkaan 20:13 ပူးပေါင်းရင်းမြစ်များ

Matiu 11:23

Ke nim Kapeniɛm yaab, Uwonbɔr na li don ni papaab baa? Aai. Ni yin jiir kitakpiin tiŋ le, ni ye ligaril a toon gbingbemi nan, nan bi tun Sodom a tiŋ ke naah tun man ni tiŋ nan ke, Sodom a tiŋ la bi li be.

Matiu 16:27

Nan bu-n uninfosaal a Big na li jirin nin u Baa a pag, nin u malakam iyaayoo nmɔn, u na li yɔ uninfo biɛn nin u toon kaah ye man.

1 Korenti 15:26

Kidataag kan wee u na li bii joor ye nkum le.

Tibɔkpiirkaan 1:18

N ye Wan Fo-n le; N nan kpou, liga n fii nkumin na ki ye wan fo-n le hali nin iyoo yan kaa jɔɔ diɛm! Le ki ŋmag Nkum nin Kitakpiin tiŋ a naanganl a piin.

Tibɔkpiirkaan 2:23

N li ku u buwaab. Le biwonjiɛm a laginn biɛn n biɛ ke min le ye wan dibir bininfob a sufu nin bi potiɛl, le n li yɔ ni biɛn ni ŋaar bu.

Tibɔkpiirkaan 20:12

Le n kan bitakpiib, ban gbee bitakpiib nin ban kaa gbee bitakpiib kaah si kunaangbɔŋin a nintogil, le tigbann kpaar. Le kugbɔŋ kuba mu ji kpaar, ki ma ye limiɛfol a gbɔŋ. Le bi jin bi tibɔr baah tun nan wee Uwonbɔr sɔb ŋa tigbann nmɔn yaan nin.

Tibɔkpiirkaan 20:14

Le u ta nkum nin kitakpiin tiŋ ki gab nŋmi a mɔgilin yaan. Nŋmi a mɔgil nmɔn le ye nkum man kpiɛ milee.

Tibɔkpiirkaan 21:4

Uwonbɔr na li pir bi num a nyinyinn biɛn. Iyaayoo nkum bee tikpemɔr bee timɔr bee nan wu kaa ji na li be, nan bu-n niwann kpegin nin biɛn fɔɔra”

Tibɔkpiirkaan 6:8

Le n lig ki kan utanpeen lalag! Le wan jig utaan nmɔn a yinl ye Nkum, le Kitakpiin tiŋ yaab nɔɔ u bɔɔn ki mal u. Le Uwonbɔr sei bi npɔɔn ke bin ku dulinya nan a ninfob nbɔgirim mina a poolin nkerim nbau, ke bin ta takoobi, nin nkom, nin iwiɛn, nin dulinya nan a wan bir ki ku bi.