Tibɔkpiirkaan 2:14 - UWONBƆR A GBƆNPƆŊ LIKƆƆNL

¹⁴ Ni biɛn yɔli, n jɔɔ tiwann wama nan che n galin ni: Ni jɔɔ bininfob biba be ni ban ki ŋmag Balaam a wɔɔmin, wan nan tinn Balag waah li ŋa man wee Iziral yaab n tun tibir ki ŋman tibawonann, ki li tun iwanchɔgin toon.

Uwumbɔr aagbaŋ

¹⁴ Tɔ, m mu galn nimi tibɔr tibaa pu. Ba pu? Ni ponn ni bibaa joo Balaam aamɔkm; uma le nan mɔk Ubɔr Balak waah ga ŋa pu ki tɔŋ Israel yaab bi ti ŋmɔ libaawol aanann, ki gɔr kidagook, aan Uwumbɔr daa bitafal na.

Tibɔkpiirkaan 2:14 ပူးပေါင်းရင်းမြစ်များ

Matiu 18:7

“Woo, nton li be dulinya nan a ninfob ban lar bitab wee bi tun titoonbir nan bu. Libiginl ma li dan, amaa ni li bir ki sei uninfo wan bu wee libiginl nmɔn nɔɔ ki lur bininfob bu-n.

Lituln 15:29

Ni laa ji tijiir tan wee bi ta mann ibawoli, ni laa ji nchami, ni laa ŋma kuwankobug kan wee bi ŋmaan ŋmaan ku a nann ni, wee ki laa tun iwanjaab toon lipiibanlin bee lijabanlin ni. Ni pɔɔn niba wee ki nya ni niɛ nan yaan na. Ni laan paara.

Lituln 21:25

Amaa ban kaa ye Juu yaab wee ki ye biwonjiɛm nan ma, ti pii sɔb kugbɔŋ sei bi ki wɔɔn bi ke, bi laa ji tijiir tan wee bi ta mann libawoli, bee ki ŋman nchami, bee kuwankobug kan wee bi ŋmaan ŋmaan ku, ki laa tun iwanjaab toon lipiibanlin bee lijabanlin ni.”

Rom Yaab 11:9

Le ubɔr Defid len ke: “Che bi jijibol n kpann kupeŋ ki chor bi, nin litangbagil gbiɛrikaal nin litudaril ki sei bi.

Rom Yaab 14:13

Mambu ni che ti ta tab a bɔr a jim jiɛn na. Ki che ni li be ni sufu ni ke naa yin ye litangbag gbiɛrikaal bee naa yin leg ni nabig a sami.

Rom Yaab 14:21

Naa ŋan nin a ŋman tinann bee a nyu ndaam bee a tun nan li che a nabig n lu.

Rom Yaab 9:32

Ba ŋa wee baa kan naa? Nan bu-n baa nan nɔɔ ke bi yada le yin che bin kan ni, amaa bi nan ŋaan le ke bi toon yin li yin che bin kan nin. Le ki gbiɛr “litangbagil gbiɛrikaal.”

1 Korenti 1:23

amaa ti mɔɔn Masiya a kum lidapunpunl bu nle: Tibɔr nmɔn ye litangbag gbiɛrikaal le Juu yaab ban, le ki ji ye ijɔr leen ban kaa ye Juu yaabin ban.

1 Korenti 7:2

Amaa iwanjaab toon kaah yab nbu, ni ŋan nin uja biɛn li jɔɔ u poo, le upii biɛn mu li jɔɔ u chal.

Hiibru Yaab 13:4

Lipiikɔɔnl nin lijakunl ye ti biɛn li tenn li jilima le, lipiikɔɔnl nin lijakunl a didɔɔbol ye ni li be kasi le, nan bu-n Uwonbɔr na li ji ban tun iwanchɔgin toon nin tibɔr bipiib banlin nin bija banlin.

1 Piita 2:8

nin, “Litangbagil lan che bininfob gbiɛr nin litangbagil takpenl lan che bininfob lur.” Bi gbiɛr li le, nan bu-n baah kaa chee Uwonbɔr a bɔrin bu, wee ni mu ye Uwonbɔr kaah siin bi man le yen nin.

2 Piita 2:15

Bi ta nsan man telin le gab ki bor ki nɔɔ Balaam Bɔɔr a bija, wan ban npooton a yɔrin.

Juud 1:11

Bi woo tibɔbir be bi bu! Bi gaa Kenn a toon le, bi ban tinyɔɔr le weem weem le ki kɔɔ Balaam kaah kɔnn nin bininkpeeb; le ni bii bi Kɔra mɔyiilin bu.

Tibɔkpiirkaan 2:20

Ni biɛn yɔli, Nan wee n jɔɔ ki galin ni sɔ: Ni cheel tenn upii wan wee bi yi u ke Jezebiɛl, wee u yi uba ke ulinlenn nin. Upii nmɔn a wɔɔm che n toontum kɔɔ iwanchɔgin toon nin lipiibanlin nin lijabanlin nin tibawojiir a jimin.

Tibɔkpiirkaan 2:4

Amaa nan bu wee n galin ni sɔ: Ni jiɛ-n ni chinchinn a jiɛmin nna.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”

Tibɔkpiirkaan 22:15

Ban kaa na yin be kitiŋ nmɔn a poolin ye: Ibɔ, nin ban tun inyɔg a toon, nin ban tun iwanchɔgin toon lipiibanl nin lijabanl, nin bininfokub, nin bibawomanib, nin ban jiɛ ki sin tun tibɔkar a toon.