Tibɔkpiirkaan 17:2 - UWONBƆR A GBƆNPƆŊ LIKƆƆNL

² Kutingbɔŋ a bɔrtiib dɔɔn nin wa, le kutingbɔŋ nan yaab nyun u wanchɔgin toon yin a daam ki gbeeu.”

Uwumbɔr aagbaŋ

² Dulnyaa aabɔrb gɔr chaa upiidagoor ngbaan chee. Dulnyaa aanib mu gɔr chaa u chee ki nyu waadagoor aadaan ki gbii.”

Tibɔkpiirkaan 17:2 ပူးပေါင်းရင်းမြစ်များ

Jɔnn 2:10

le ki ke, “Bininfob biɛn chinn tol ndaŋam le, le bicham nan gbee ke bi nin tol kidabirug, amaa fin ma woon man ŋan le, ki nin nan jɔɔ mi tol daandaan nan.”

Tibɔkpiirkaan 14:8

Le malaka wan kpiɛ milee nɔɔ u bɔɔn ki len ke, “Ki lu! Babilɔnn kan ye kitiŋ takpeŋ wee ki nan mug bininfob a booli biɛn wee bi nyun ndapɔɔrim ke u wanchɔgin toon yin luu.”

Tibɔkpiirkaan 17:13

Lol liba le bi jɔɔ ki na li ta bi pɔɔm nin bi ninkper a pɔɔm ki sei kuwanbiigin.

Tibɔkpiirkaan 17:17

Nan bu-n Uwonbɔr le nan ta ibon nmɔn ki ŋa bi potiɛmin ke bin tun Uma Uwonbɔr kaah lol man, ni bu le U che bi ŋa mɔbiba ki ta npɔɔn sei kuwanbiigin, hali nin Uma Uwonbɔr a bɔr kaah na li gbeen.

Tibɔkpiirkaan 17:5

Liyinl le nan sɔb paa u yutunl bu ke, TIBƆWOONKAAR BABILƆNN KITINTAKPEŊIN IPIIJAGƆƆR BIƐN A NA KUTINGBƆŊ NAN A WANBIR BIƐN A NA

Tibɔkpiirkaan 17:8

Kuwanbiig kan wee a kan nin, nan be le, le kaa ji be daandaan nan ni, le ki na li nyan libogil lan nyɔɔ n-yaan ki jo nan yaan wee bi li bii u. Le kutingbɔŋ yaab ban a yin kaa sɔb be limiɛfol a gbɔŋin n-yaan dulinya a piinimin nin, bi nan kan kuwanbiig nmɔn ke ni li gar bi, nan bu-n u pii nan be, le kaa ji be daandaan nan nin, le ki ji na li dan.

Tibɔkpiirkaan 18:23

Le fila a wonweem kaa ji na li won a bu jigin ni. Lipiichanil daan nin u bɔɔnh a kukɔl kaa ji na li gbir a ban ni. A kpoŋkpoŋ damin nan ye dulinya a ninfob gbingbemin le. A nyɔgimin kɔɔn ibol biɛn kulɔŋa.

Tibɔkpiirkaan 18:3

Nan bu-n kutingbɔŋ nan a ninfob pii nyun ndapɔɔrim ke u wanchɔgin toon yin. Dulinya a bɔrtiib tun iwanchɔgin toon nin wa, le kpoŋkpoŋ dam kpann biwandam u wanŋan banl nmɔn bu.”

Tibɔkpiirkaan 18:9

“N-yonn man wee kutingbɔŋ nan a bɔrtiib ban tun iwanchɔgin toon nin upii nmɔn nin ki jin u wanŋan banlin a mɔmin nan kan nŋmi man gaan win a kpinnyir kaah dug ke, bi li mɔɔ tikpemɔr upii nmɔn bu.

Tibɔkpiirkaan 2:22

Mambu n li che un dɔɔn nin iwiɛn, ki che ban dɔɔn nin win n ji fala takpem, man ke bi kpenn ki nyan upii nmɔn a binbemin.

Tibɔkpiirkaan 3:10

Naah nyigin wee ki jɔɔ limɔril ki ŋmag n siimin bu, n na li nyan ni limugil lan yin foon ki nan mag ban be dulinya nan yaan biɛn nin.

Tibɔkpiirkaan 9:21

Le kaa chee kpenn bi binben ki jiɛn lininfokuli, nin inyɔg a toon, nin iwanchɔgin toon, nin nnaayigimin.