Tibɔkpiirkaan 14:6 - UWONBƆR A GBƆNPƆŊ LIKƆƆNL

⁶ Le n kan malaka uba kaah be paab ki yugir, ki ŋmag tibɔŋann tan kaa diɛrin ke un pag sei bininfob ban be kutingbɔŋ nan yaan, ibol, nin imaal, nin ileen nin bininfob biɛn.

Uwumbɔr aagbaŋ

⁶ Le m kan Uwumbɔr aatuun uken laani paacham, ki joo ni tibɔnyaan ti bi n‑yoonn mu kaa kpa ndoon na, ki ti di ti tuk ŋitimbol mɔmɔk aanib bi bi dulnyaa wee ni ki len iliin imɔk bi dulnyaa wee ni na.

Tibɔkpiirkaan 14:6 ပူးပေါင်းရင်းမြစ်များ

Matiu 10:27

Nan wee n bei ni libunbɔnlin nan, amaa ni pag nween nin na, nan mu wee n lɔɔg ki bei ni nan, ni mɔɔn npaan nin na.

Tibɔnyaan ti Mak ŋmee ti na 16:15

Le u ji bei bi ke, “Ni li chaa ki tan mɔɔn tibɔŋann nmɔn ki wɔɔn uninfo biɛn, kutingbɔŋ nan yaan biɛn na.

Rom Yaab 16:25

Daandaan nan che ti pag Uwonbɔr wan fir ta ni siin tibɔŋann nin bu nin maah mɔɔn Yisa Masiya wan nin bu, ki ta jiin tibɔkpiirikaar tan nan woo hali yaayoo-n nin,

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

2 Tesalonika 2:16

Ti Yudaau Yisa Masiya nin ti Baa Uwonbɔr, wan jiɛ ti nin U nyunyunbasanlin bu n kɔɔn ti lipoobil ki sei ti tama ŋaŋ,

Hiibru Yaab 13:20

Uwonbɔr wan ye nposɔɔndaan wan nan ta tipoor tan kaa jɔɔ diɛmin a cham ki fiin ti yudaau Yisa wan ye upeekpaaŋanin nkumin nin,

1 Piita 1:25

amaa Uyudaan a mɔleen ma le gbaa be le.” I ma ye imɔleen yan wee bi nan ta mɔɔn sei ni.

Tibɔkpiirkaan 10:11

Le bi nan beim ke, “Ni kpaa le nin a pag ilinlen leen ki jiin bininfob, nin ibol, nin ileen balbal, nin bibɔrtiib paam takpem.”

Tibɔkpiirkaan 10:7

Amaa idaa yan wee malaka wan kpiɛ bilile-n na yin pee u naatuŋ ke, Uwonbɔr a wool a bɔr li gbee, a li ke waah nan bei u toontum bilinlemin man nin.”

Tibɔkpiirkaan 13:7

Bi nan sei u npɔɔn ke un kɔnn Uwonbɔr a ninfogannkaab wee ki nyaŋ bi. Le bi ji sei u tininkper a pɔɔm ke u li ye imaal, nin bininfob, nin ileen, nin ibol biɛn.

Tibɔkpiirkaan 3:10

Naah nyigin wee ki jɔɔ limɔril ki ŋmag n siimin bu, n na li nyan ni limugil lan yin foon ki nan mag ban be dulinya nan yaan biɛn nin.

Tibɔkpiirkaan 5:9

Le bi gaah ilan pɔɔn ki ke, “Fin le kpaan nin a yuur kugbɔŋ nmɔn ki loor ndaagimin, nan bu-n fin le bi nan kɔr, le a ta a cham ki da bininfob ki sei Uwonbɔr ki nyan imaal biɛn nin ileen biɛn, nin bininfob biɛn nin ibol biɛn ni.

Tibɔkpiirkaan 8:13

Iyaayoo le n lig, ki gbir libaanweenl kaah be paab ki laan ki mɔr nkukɔpɔɔn ki ke: “Ni li bir! Ni li bir! Ni li bir ki sei dulinya, nan bu-n malakam bita ban gur wee ki la yin pee bi naatunn nbu!”