Tibɔkpiirkaan 14:13 - UWONBƆR A GBƆNPƆŊ LIKƆƆNL

¹³ Le n gbir likukɔl nyan paab ki len ke, “Sɔba: Tikaar be bitakpiib ban kpo nin Uyudaan nin, naah nyan daandaan nan ki jɔɔ chaa.” Le Kinaaŋ len ke, “Nn, bi li foor bi baginn nin, bi ŋaar nmɔn li nɔɔ bi.”

Uwumbɔr aagbaŋ

¹³ Le m ŋun nneel len paacham ke, “Ŋmee ke: Bitekpiib bi nan dii Tidindaan na, waanyoor bi bi pu dandana wee ki joo cha.” Le Uwumbɔr Aafuur Nyaan kii ke, “Ni ye mbamɔn; ba pu? bi nan tun litunyaan linimaln. Baah kpo na, le bi fuur. Baah tun pu na mu dii bi.”

Tibɔkpiirkaan 14:13 ပူးပေါင်းရင်းမြစ်များ

Matiu 3:17

Le likukɔl nyan paab ni ki len ke, “N bija sɔ, u ma le N jiɛ, u ma le N num gbee.”

Tibɔnyaan ti Luk ŋmee ti na 16:25

“Amaa le Abiraham nan jiin u ke, ‘N big, li tiɛr ŋaah nan be a miɛfolin ni a nan gaa a wan ŋann na, le Lazarusi mu nan gaa nan kaa ŋan na, amaa daandaan nan u ni be lifooril ni le a mu be limugil ni.

Tibɔnyaan ti Luk ŋmee ti na 16:9

N bei ni le, ni ta dulinya nan a jɔɔm ki ban jɔtiib, wee ni nan diɛ ke, ni li kan nkikaa ŋan man be Uwonbɔr a niin kaa jɔɔ ndiɛmin.

Rom Yaab 14:8

Ni ye ti fo be ke, ti be ki sei Uyudaan le, ni ye ti ji kpo ke, ti kpo ki sei Uyudaan le. Ni ma bu ti fo bee ti kpo ke, Uyudaan le ye ti.

1 Korenti 15:18

Ni bi wɔɔn ke ban kpo nin Masiya-n bora.

1 Korenti 15:20

Amaa ni ye ibamɔn le, Masiya sin nan fii nkumin na, u ma ye chinchinn a ninfou wan fii nkumin.

1 Korenti 15:58

Mambu n nabum, ni mann sir nbamɔma. Ni laa che niba n boon ni, ki li tun u yudaan a toon yin iyoo biɛn na, nan bu-n ni nyi ke ni toon yan wee ni tun ki tenn u yudaan ni kaa yin gab yɔli.

2 Korenti 5:8

N len na, ti jɔɔ tidindann, n bi li ban ke na ti pii bi nyan tigbanann a niin nan yaan na ki kun Uyudaan ban na.

Filipi 2:17

Hali ni ye bi kpaarim le wur ke libawol a daam le bi ta mann kumanug ki jiin ni yada kan wee ni jɔɔ nin Uwonbɔr n bu ke, n pool peen le ni mɔm ni biɛn nan bu.

1 Tesalonika 4:14

Ti ŋa yada ke Yisa kpo ki fii nkumin na, ni ma bu che ti jɔɔ yada ke Uwonbɔr le ŋmagin ban nan dɔɔn jiɛn Yisa nni ki dan.

1 Tesalonika 4:16

Uyudaan baan tɔɔl li nya papaab ki jiirin, ki nan sei bimɔb nin nkukɔ pɔɔn wee ti gbir malakam a ninkpelu a kukɔl nin Uwonbɔr a natun yinkaagin a mɔr, le bininfob ban nan gaa Yisa wee ki nin kpe-n li chinn fii nkumin.

1 Tesalonika 5:10

U kpo tim bu le, a lig le bee a jiɛn le ke ni, ti na li lagin ki be nin U.

1 Timoti 5:24

Bininfob bibam a bir pii dɔ npaan ni le, ki pii chinn dɔ ki ye bin ji bi tibɔr le; le bi ba mu a bir na li nya npaan ni ni bɔɔn bu.

1 Timoti 5:25

Man mu le ji ye ni, itoon ŋan mu be npaan ni le, hali itoon ŋan yan kaa be npaan ni nin kaa li fir woon ni.

Tibɔkpiirkaan 1:11

ki len ke, “Sɔb nan wee a kan nan ki ŋa kugbɔŋ kpabkaagin ki ta tan sei biwonjiɛm a laginn a kerim milile-n na: Ti ma ye Efesusi, nin Simarina, nin Pagamum, nin Tayatira, nin Sadusi, nin Filadelifiya nin Laodisiya.”

Tibɔkpiirkaan 10:4

Utaal a tiɛm kerim milile nmɔn kaah pag ki diɛ, le n ŋa sili ke n sɔb; amaa le n ji gbir likukɔl liba nyan paab ki len ke, “Li ŋmag utaal kaah tiɛn nkerim milile man nin a sufu-n na, wee ki laa sɔb ti ki bili.”

Tibɔkpiirkaan 11:15

Le malaka wan kpiɛ milile mu pee u naatuŋ, le ikukɔpɔɔr be paab ki tann ki len ke: “Dulinya a naam kpann ti Yudaau nin U Masiya yaala, le u li ŋmag u naam hali nin isaŋ yan kaa jɔɔ diɛm.”

Tibɔkpiirkaan 11:19

Le Uwonbɔr a wonjiɛn niin yan be paabin loor, le n kan Uwonbɔr a kaal adaka iwonjiɛn niin a poolin. Le utaal a jugin nyagin ki dun ki tann, le kutingbɔŋ dam, le itanyunbɔl gbingbem nan lunn.

Tibɔkpiirkaan 16:17

Le malaka wan kpiɛ bilile mu kpaar nan be u yiigin ki jaa nfaamin, le nkukɔpɔɔn nyan kunaangbɔŋ n-yaan ki tiɛn iwonjiɛn niin nin ke, “Ni ŋaau!”

Tibɔkpiirkaan 19:9

Le malaka-n beim ke, “Sɔb ke: ‘Tikaar be ban wee bi yin bi ke bi nan ji Kipeebigin a piichanil a jiir nan bu!’ ” Le ki ji len ke, “Ni niɛ nan le ye Uwonbɔr a mɔleen ibamɔn.”

Tibɔkpiirkaan 2:1

Le u beim ke, “Sɔb sei Efesusi a wonjiɛm a malaka ke: Wan ŋmag iŋmabil ilile u nɔɔjiimin wee ki choon salima a filaam a tɔɔnbol ilile-n a mɔleen sɔ:

Tibɔkpiirkaan 2:7

Wan jɔɔ litul ke, ni che un gbir Kinaaŋ kaah bei biwonjiɛm a laginn man. Wan fir nyaŋ ke, n li sei u npaan wee un ji limiɛfol a siig a looi, yan be Uwonbɔr a kpaabin.”

Tibɔkpiirkaan 20:6

Tikaar nin kasi be ban kpiɛ wee Uwonbɔr chinn fiin bi nkumin nin bu. Nkum man yin kpiɛ milee-n kaa jɔɔ bi pɔɔmi, amaa bi na yin ye Uwonbɔr nin Yisa a minmanib le, bi ma nin Yisa na li lagin ki ŋmag nnaam ki tan kpaa ibin turil.

Tibɔkpiirkaan 21:5

Le wan nan ka kunaangbɔŋ bu-n len ke, “Lig, n ŋaan niwann biɛn niwann pɔnn le!” Le ki ji len ke, “Sɔb ki bila, nan bu-n imɔleen nmɔn ye ibamɔn le ki ye gaa ji.”

Tibɔkpiirkaan 22:17

Le Kinaaŋ nin ki bɔɔnh nin len ke, “Dan!” Wee ki che wan gbir nlen ke, “Dan!” Nnyunyum jɔɔ wan ke, ni che un dan; le wan ban ke ni che un gaam limiɛfol a nyum sei kaam man ye yɔli.

Tibɔkpiirkaan 6:11

Le bi nan sei bi biɛn daalapeen fufɔbir, ki bei bi ke bin guur wamau hali nin bitoontum tab nin bi nabum ban wee bi na yin ku ke baah nan ku bi miɛnin man nin a kanlin nan foo.