Tibɔkpiirkaan 14:10 - UWONBƆR A GBƆNPƆŊ LIKƆƆNL

¹⁰ udaan mu li nyu Uwonbɔr a ŋuufiiŋ a daam man wee U minn ŋa U ŋuufiiŋ a dapɔɔrim a yiigin. Bi na li ta lichibil a ŋmiim ki mugir udaan malakam ban be kasi nin Kipeebigin a nintogil.

Uwumbɔr aagbaŋ

¹⁰ ga nyu ndaan mu ye Uwumbɔr aaŋuul, le u kpir ŋa kiyikuuk ni, kaa di nnyun kpee mu pu. Nima le mɔk waaŋuul sakpen, le bi ga li bi waatuuntiib bi bi chain na, ni Upihbo ngbaan aanimbiin ni, ki ga ji falaa sakpen mmii ni chirbil ponn ni.

Tibɔkpiirkaan 14:10 ပူးပေါင်းရင်းမြစ်များ

Matiu 20:22

Yisa nan bei bi ke, “Naa nyi naah miɛ nan ni. Ni li fir nyu kiyiinyɔɔg kan wee n yin nyu nan naa?” Le bi jiin ke, “Ti li fir.”

Matiu 25:41

“Le u na li bei ban si u nɔɔgam paamin, ‘Nim ban wee limɔpool nɔɔ nan, fɔɔr n ban na, ki li chaa ki tan kɔɔ nŋmi man gaan kaa jɔɔ njunim wee Uwonbɔr mann ki guun ulinlaril nin u malakam mi.

Matiu 26:39

Le u fɔr ki jon bi nintogil wama, ki gbaan le u yutunl tan ma tum, le ki miɛ Uwonbɔr ke, “N Baa, ni bi li fir ke, a laa che n nyu kiyiinyɔɔg nan yaan ni. Amaa che a bam le n tun, wee ni laa ye min a bami.”

Tibɔnyaan ti Mak ŋmee ti na 8:38

Wan mu san ifa nin un ta n bɔr nan ki wɔɔn titoonbirdam nin tukangbirdam dulinya nan yaan ke, wee Uninfosaal a Big nan jiirin nin u Baa Uwonbɔr a pɔɔm nin u malakam ke, u mu na li san u ifa nin un ta u ki kpiɛ u ninfobin.

Lituln 10:22

Le bi jiin ke, “Kɔnelu le tun ti, u ye Rom yaab a tɔtogib a sanliiru le, ki ye uninfo buchin, ki san Uwonbɔr, le Juu yaab biɛn tenn u jilima. Kasi a malaka le dan ki nan bei u ke un yiŋ wee a dan u niin, wee un gbir nan wee a li pag sei u.”

2 Tesalonika 1:7

ki sei nim ban wee bi mugir ni-n lifooril, nin ti biɛn. Ni na yin ŋa n-yonn man wee Uyudaan Yisa nan kpiir ki nyan papaab nin nŋmipeen nin u malakam ban jɔɔ npɔɔn nin.

Juud 1:7

Ni ye man le a li ke, Sodom nin Gomoriya nin ntim man nan mal bin a ninfob kaah nan tun iwanchɔgin toon bi piibanlin nin bi jabanlin nin ichɔgin. Bi ma ye limagil ki wɔɔn ban nan yin kɔɔ nŋmi-n a fala a jim kaah na li ye man.

Tibɔkpiirkaan 15:7

Le tiwann naan wan tan fo tina-n a ni uba ta salima a yir tilile tan gbee nin Uwonbɔr wan be wee ki li gbaa be kaa jɔɔ kumin a ŋuufiiŋin ki sei malakam bilile nmɔn.

Tibɔkpiirkaan 16:19

Le kitintakpeŋin bɔgir nkerim mitaa bu, le ibol a tim lur. Le Uwonbɔr nan tiɛr Babilɔnn kan ye kitintakpeŋin bu, le ki ta U ŋuul a yiinyɔɔg kan gbee nin u ŋuufiiŋ a daami ki sei Babilɔnn yaab ke bin nyu mi biɛn na.

Tibɔkpiirkaan 18:3

Nan bu-n kutingbɔŋ nan a ninfob pii nyun ndapɔɔrim ke u wanchɔgin toon yin. Dulinya a bɔrtiib tun iwanchɔgin toon nin wa, le kpoŋkpoŋ dam kpann biwandam u wanŋan banl nmɔn bu.”

Tibɔkpiirkaan 18:6

Ni jiin sei u waah sei ni nan nin; Ni yɔ waah ŋa nan ki sei ni a kerim mileeu. Ni ŋmarin ndapɔɔrim nkerim milee u tɔɔl a yiinyɔɔgin ki sei wa.

Tibɔkpiirkaan 19:15

Le takoobi kan ka nyan u mɔn, le u li ta ki kɔn nyaŋ ibol. “U li ta kukurug a jaangbiɛg ki ŋmag bi.” Ki li taan bi ke baah taan isiloon a daam man nin, ni ma ye Uwonbɔr wan ye npɔɔn biɛn daan a ŋuul nin u ŋuufiiŋ.

Tibɔkpiirkaan 19:20

Amaa bi nan choo kuwanbiig nmɔn na nin tibɔkar a linlenu wan nan sir u taalin wee ki tun ligaril a siɛra-n. Siɛram nan le u nan ta bii ban nan gaa kuwanbiigin a daagim a potiɛl le bi jiɛn u nunaŋin. Bi bilee nmɔn la nan fo le bi ta bi jaa lichibil a ŋmiim a mɔgilin yaan.

Tibɔkpiirkaan 20:10

Le Sintani wan lar bin, Uwonbɔr ta u ki gab lichibil lan gaan nŋmi-n ni a mɔgilin yaan, nan yaan wee bi nan ta kuwanbiigin nin tibɔkar a linlemin ki gabin. Ni yaan le bi yin ji fala nween nin kunyiɛg hali nin iyoo yan kaa jɔɔ diɛm.

Tibɔkpiirkaan 20:14

Le u ta nkum nin kitakpiin tiŋ ki gab nŋmi a mɔgilin yaan. Nŋmi a mɔgil nmɔn le ye nkum man kpiɛ milee.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”