Tibɔkpiirkaan 13:16 - UWONBƆR A GBƆNPƆŊ LIKƆƆNL

¹⁶ Le u mu ji mug bininfob biɛn, ban kaa gbee bininfob nin ban gbee bininfob, ban jɔɔ nin ban kaa jɔɔ, ban ye biba nin ban ye biyom, ke un daag bi nɔɔjiim bee bi yutun bu ndaagim,

Uwumbɔr aagbaŋ

¹⁶ ki cha bi daan binib mɔmɔk biŋangii pu, bee biyigbeer pu. U nan cha bi daan biwaatiib, ni bisakpem, ni biwankpadam, ni bigiim, ni binaagbiib, ni bimalb.

Tibɔkpiirkaan 13:16 ပူးပေါင်းရင်းမြစ်များ

Lituln 26:22

Amaa n kan Uwonbɔr a teril le ki nan kpaa dinan, le n be ki ji ni siɛra ki tenn ban gbee bininfob nin ban kaa gbee bininfob. Maah len man nan kaa lagir Uwonbɔr a linlem nin Moziz kaah nan len ke ni li tun man nin ni,

1 Korenti 12:13

Ti biɛn nan fun Kasi a Naaŋ nmɔn le nin kinaaŋ kiba nin gbanann tiba, ŋaah ye Juu a ninfou bee Girig a ninfou wi, ŋaah ye uyom bee ŋaah ye a ba, Kinaaŋ kiba nmɔn le bi nan ta sei ti nyun.

Galantiya 3:28

Mambu, nbɔgirim kaa ji be ban ye Juu yaab nin ban kaa ye Juu yaab a sisiigin ni, kaa be biyom nin ban ye bi ba nan a sisiigin ni, kaa be bijab nin bipiib mu a sisiigin ni, ni ma bu ni biɛn ye nba le Masiya ni.

Galantiya 6:17

N bɔjoor kaar ye nan le, uba laa ji mugirimi, n pii jɔɔ Yisa a daagim n gbanann nin.

Efesusi 6:8

Nan bu-n ni nyi ke Uyudaan na li yɔ uninfo biɛn u toon ŋan kaah ye man, ŋaah ye uyom bee ŋaah ye a ba.

Kolosiya 3:11

Ni ma kaa jɔɔ nbɔgirim ban ye Juu yaab nin Girig yaabin, ban jii bi pun nin ban kaa jii bi pun, ban ye bicham nin bidindamin, nin ban jɔɔ kulɔŋ a binbem nin ban jɔɔ kufɔŋ a binbem, biyom nin ban ye bi ba, amaa Masiya le ye bi biɛn le ki be bi biɛn ni.

2 Timoti 3:8

A li ke Janesi nin Jambiresi kaah kaa nan chee sei Moziz man ni, man le bininfob nan mu kaa chee sei ibamɔn nni, bi tiɛr nan bir le, kaa jɔɔ yada.

Tibɔkpiirkaan 11:18

Le ibol a ŋuui fii; le A ŋuufiiŋ foon. Isaŋ foou nin bitakpiib a bɔr a jima nin A yɔ A toontum ban ye bilinlemin, nin A ninfogannkaab nin ban tenn A yinl jilima-n, ban gbee bininfob, nin ban kaa gbee bininfobi, ki bii ban bii dulinya.”

Tibɔkpiirkaan 15:2

Le n kan niba le ni nann limɔgil lan ween ke niɛnu-n ki ŋmar nin nŋmi, le ban kɔn ki nyaŋ kuwanbiigin nin kuwanbiig a nunaŋin nin u yinl a kanlin kaah si tab limɔgilin ki ŋmag tibiɛr tan wee Uwonbɔr sei bin,

Tibɔkpiirkaan 19:18

wee ni fir ŋman bibɔrtiib, nin bitɔtob a yudam, nin bipɔɔndam, nin itaan nin bitanjigib, nin bininfob biɛn ban ye bi ba nin ban ye biyom, ban gbee bininfob nin ban kaa gbee bininfob a nann.”

Tibɔkpiirkaan 19:20

Amaa bi nan choo kuwanbiig nmɔn na nin tibɔkar a linlenu wan nan sir u taalin wee ki tun ligaril a siɛra-n. Siɛram nan le u nan ta bii ban nan gaa kuwanbiigin a daagim a potiɛl le bi jiɛn u nunaŋin. Bi bilee nmɔn la nan fo le bi ta bi jaa lichibil a ŋmiim a mɔgilin yaan.

Tibɔkpiirkaan 19:5

Le likukɔl nyan kunaagbɔŋin yaan ki len ke: “Ni don ti Wonbɔru, nim ban biɛn ye u toontum, wee ki san u, ban kaa gbee bininfob nin ban gbee bininfob!”

Tibɔkpiirkaan 20:12

Le n kan bitakpiib, ban gbee bitakpiib nin ban kaa gbee bitakpiib kaah si kunaangbɔŋin a nintogil, le tigbann kpaar. Le kugbɔŋ kuba mu ji kpaar, ki ma ye limiɛfol a gbɔŋ. Le bi jin bi tibɔr baah tun nan wee Uwonbɔr sɔb ŋa tigbann nmɔn yaan nin.

Tibɔkpiirkaan 20:4

Iyaayoo le n kan tinaangbann, le bi sei ban ka ti bu-n tininkper a pɔɔm ke bi li ji tibɔr. Le n kan baah nan tugir ban a yuli yin a naam, baah nan jin Yisa a siɛra nin Uwonbɔr a mɔleen n bu. Baa nan jiɛn kuwanbiigin bee ki nunaŋi, kaa gaa ki daagim bi yutun bu bee bi nɔɔi bu. Bi jirin bi miɛfolin le bi ma nin Yisa lagin ŋmag nnaam ibin turil.

Tibɔkpiirkaan 6:15

Le dulinya a bɔrtiib, nin nbɔrbum, nin bitɔtogib a sanliib, nin biwandam, nin ininfojal, nin biyom biɛn nin ban kaa ye biyom woo titangbafiɛrin nin titanpirin.

Tibɔkpiirkaan 7:3

“Ni laa sei kutingbɔŋ bee limɔgil bee isiig kidaŋi, hali nin taah na li ta tiwann tabin wann ki tabin ti Wonbɔru a toontum a yutun bu.”