Tibɔkpiirkaan 13:11 - UWONBƆR A GBƆNPƆŊ LIKƆƆNL

¹¹ Le n ji kan kuwanbiig kuba kaah nyan dulinya nan yaan. U nan jɔɔ iyin ilee le a li ke kipeebig, amaa le ki pag a li ke kutunwiɛŋin.

Uwumbɔr aagbaŋ

¹¹ Le m kan upeel leler nyan ni kitiŋ ni. U nan kpa iyiin ilee i naahn upihbo aayiin na, le ki len ke kipeewanbiik aah len pu na.

Tibɔkpiirkaan 13:11 ပူးပေါင်းရင်းမြစ်များ

Matiu 7:15

“Ni li nyi tibɔkar a linlem nan bu, ban chaan ni ban ki nann ipee, wee ki sin ye igbingbel bamɔn nan.

Rom Yaab 16:18

Bininfob nmɔn a booli kaa tun tenn ti Yudaau Masiya, amaa bi tun bi tɔɔl a kɔlisa bu le. Bi jɔɔ kulandiiŋ nin nmɔmɔm le ki lar bininfob ban a lam par bi-n.

2 Tesalonika 2:4

Waa yin chee sei iween yan wee bi jiɛn nni, le ki sin yuur uba paab ki jo iween nmɔn, le ki ta uba ki siin Uwonbɔr a binbebol ki ke u ye Uwonbɔr le.

Tibɔkpiirkaan 11:7

N-yonn man wee bi nan diɛ bi siɛra a toon nmɔn ke, kuwanbiigin na li nyann libogil lan nyɔɔ wee kaa jɔɔ tarigin yaan ki to bi bitɔb ki nyaŋ ki ku bi.

Tibɔkpiirkaan 12:17

Iyaayoo le kutunwiɛŋ nmɔn a ŋuul nan fii upii nmɔn bu, le u lol bitɔb ki jon ke un tan tob upii nmɔn a buwaab ban gurin, ban chee Uwonbɔr a siim wee ki jɔɔ Yisa a siɛra-n.

Tibɔkpiirkaan 13:1

Le kutunwiɛŋ nan sir limɔgil a dool. Le n kan kuwanbiig kaah chaa nyan limɔgilin. Ku nan jɔɔ iyinh piig le nin iyul ilile, ki chig nnaam a yuchigirim piig u yin bu, le iyin yan sugir Uwonbɔr nan sɔb paa u yuli nmɔn biɛn bu.

Tibɔkpiirkaan 13:17

wee nin che uba laa ji fir da niba bee ki kɔɔr niba wee naa ye udaan jɔɔ kuwanbiig nmɔn a daagim le, ndaagim man ye u yinl nin u kanl.

Tibɔkpiirkaan 13:4

Le bininfob nan jiɛn kutunwiɛŋ nmɔn waah ta tininkper a pɔɔm ki sei kuwanbiigin nbu, le bi ji nan jiɛn kuwanbiigin mu ki len ke, “Ŋma nann kuwanbiig nan naa? Ŋma be ki li fir to kuwanbiig nan bitɔbaa?”

Tibɔkpiirkaan 16:13

Le n nan kan nnaanbiim mitaa le bi nann ke ititalin, bi nan nyan kutunwiɛŋin, nin kuwanbiigin nin tibɔkar a linlemin a mɔɔŋin le.

Tibɔkpiirkaan 17:6

Le n kan ki miin upii nmɔn nyun Uwonbɔr a ninfogannkaab a cham le ki gbee, ban a cham nan jin siɛra Yisa bu-n. Maah nan kan win, le ni ŋaam ligaril takpem.

Tibɔkpiirkaan 17:8

Kuwanbiig kan wee a kan nin, nan be le, le kaa ji be daandaan nan ni, le ki na li nyan libogil lan nyɔɔ n-yaan ki jo nan yaan wee bi li bii u. Le kutingbɔŋ yaab ban a yin kaa sɔb be limiɛfol a gbɔŋin n-yaan dulinya a piinimin nin, bi nan kan kuwanbiig nmɔn ke ni li gar bi, nan bu-n u pii nan be, le kaa ji be daandaan nan nin, le ki ji na li dan.