Tibɔkpiirkaan 11:17 - UWONBƆR A GBƆNPƆŊ LIKƆƆNL

¹⁷ ki len ke: “Ti tenniŋ kunɔɔpoog, Uyudaan Uwonbɔr wan jɔɔ npɔɔn biɛn, Wan pii nan be ki le la biɛ nin be, nan bu-n a gaa a pɔɔm man yaba le ki piin a naam a ŋmagim.

Uwumbɔr aagbaŋ

¹⁷ ki len ke, “Tidindaan Uwumbɔr, u yeh mpɔɔn mɔmɔk, ki nan bi, ki beenin bi na, ti dooni si; ba pu? aa di saapɔɔn sakpiin ki joo dulnyaa wee.

Tibɔkpiirkaan 11:17 ပူးပေါင်းရင်းမြစ်များ

Matiu 11:25

Iyaayoo nmɔn le Yisa len ke, “N Baa wan ye paab nin tum a Yudaau nan, n pooriŋ, nan bu-n a ta a bɔrin ki woon bilandam nin bibiɛndam, amaa le ki kpiir ti ki wɔɔn nbuwaab finfim;

Tibɔnyaan ti Luk ŋmee ti na 10:21

Iyaayoo nmɔn, Kasi a Naaŋ kaah nan gbeen Yisa ni nmɔn ni, le u ke, “N Baa, paab nin tum a yudaau, n pagiŋ, nan bu-n ŋaah ta tibɔr nan ki woon bilandam nin bibiɛndam, amaa le ki sin kpiir wɔɔn nbuwaab finfim. Nn, n Baa, ŋaah ban nin tun man le yen.

Jɔnn 11:41

Le bi loor litangbagilin. Le Yisa lig paab le ki ke, “Baa, N pooriŋ pam nin ŋaah gbir ki gaa n wonmiɛl.

2 Korenti 2:14

Amaa Uwonbɔr le ye kunɔɔpoog, nan bu-n iyoo biɛn U lii ti sam ki pee nnyaŋim a naatuŋ Masiya a pɔɔm bu. U bɔr mɔ le ke tulaali a baam kaah mɔ man ni, le u che ti mɔɔn ti ilog biɛn.

2 Korenti 9:15

Ni che ti sei Uwonbɔr kunɔɔpoog, nin waah sei ti ipiin yan kaa jɔɔ nmagimi.

1 Timoti 1:12

N poor ti Yudaau Masiya, nin waah seim npɔɔn, ki ŋaam yada daan, ki taam ŋa u toon yin.

Tibɔkpiirkaan 1:4

Min Jɔnn, le sɔb kugbɔŋ nan ki tenn biwonjiɛm a laginn tilile tan be Asiya a yerin ni: Linyunyunbasanl nin nposɔɔn lan nyan Uwonbɔr ban li be nin ni, Uma wan be, nin wan nan be, nin wan yin dan, ki ji nyan ntinaam milile man be u naangbɔŋin u nintogilin li be ni ban.

Tibɔkpiirkaan 1:8

“Min le ye Npiinim nin Njoorim,” Uyudaan Uwonbɔr le len man, “Min wan be, nin wan nan be, nin wan yin dan, npɔɔn biɛn daan.”

Tibɔkpiirkaan 11:15

Le malaka wan kpiɛ milile mu pee u naatuŋ, le ikukɔpɔɔr be paab ki tann ki len ke: “Dulinya a naam kpann ti Yudaau nin U Masiya yaala, le u li ŋmag u naam hali nin isaŋ yan kaa jɔɔ diɛm.”

Tibɔkpiirkaan 15:3

le ki gaa Moziz a Wonbɔru a toontunnu nin Kipeebigin a lai-n: “A ŋaar ye tiŋaar gbingbem le nin ligaril, Uyudaan Uwonbɔr Npɔɔn biɛn daan. A sam ŋan le ki ye ibamɔn, Fin le ye iyaayoo a bɔru

Tibɔkpiirkaan 16:14

Bi ye npɔniim a naam ban ŋaan ligaril a siɛra, le bi chaa dulinya munl nan biɛn a bɔrtiib ban, ki lagin bi ke bin to bitɔb Uwonbɔr Npɔɔn biɛn daan a datakpenl daal.

Tibɔkpiirkaan 16:5

Le n gbir malaka wan ŋmag nnyumin kaah len ke: “A bɔjil i nan ye ibamɔn le, fin wan be nin wan nan be, kasidaan nin, nan bu-n A jin tibɔr nin ibamɔn na;

Tibɔkpiirkaan 16:7

Le n gbir likukɔl kaah nyan libinbinlin ban ki len ke, “Nn, Uyudaan Uwonbɔr Npɔɔn biɛn daan, a bɔjil ŋan le ki ye ibamɔn.”

Tibɔkpiirkaan 18:8

Mambu weemba daal u magil nmɔn na li nyaŋ u: Nkum, nin tikpemɔr nin nkom na li choo u. Nŋmi le na li gaa u, nan bu-n Uyudaan Uwonbɔr wan ye npɔɔn daan le ji u tibɔr.

Tibɔkpiirkaan 19:11

Le n nan kan paab kaah loor, le utanpeen si niin n nintogil, le wan jig ki a yinl ye yada daan nin ibamɔn. Le u ji tibɔr nin tibuchinn, ki tog bitɔb.

Tibɔkpiirkaan 19:6

Iyaayoo le n ji gbir nan nann kuninfogbaluŋ a fur, le ki nann nnyum puukaam a fur bee utaal kaah tann a fur ki len ke, “Ti don Uwonbɔr a yinl! Nan bu-n ti Yudaau Uwonbɔr wan ye Npɔɔn biɛn daan nin le ŋmag ti.