Tibɔkpiirkaan 1:11 - UWONBƆR A GBƆNPƆŊ LIKƆƆNL

¹¹ ki len ke, “Sɔb nan wee a kan nan ki ŋa kugbɔŋ kpabkaagin ki ta tan sei biwonjiɛm a laginn a kerim milile-n na: Ti ma ye Efesusi, nin Simarina, nin Pagamum, nin Tayatira, nin Sadusi, nin Filadelifiya nin Laodisiya.”

Uwumbɔr aagbaŋ

¹¹ ki bui mi ke, “Ŋmee saah ga kan pu na kigbaŋ ni, ki di kigbaŋ ngbaan tun Yesu aanib bi bi Asia aatim mulole ni na chee, bi bi Efesus aatiŋ ni, ni Simina aatiŋ ni, ni Pegamum aatiŋ ni, ni Tiataira aatiŋ ni, ni Sadis aatiŋ ni, ni Filadelfia aatiŋ ni, ni Laodisea aatiŋ ni na.”

Tibɔkpiirkaan 1:11 ပူးပေါင်းရင်းမြစ်များ

Lituln 16:14

Bipiib ban nan ka pelig tibɔr nmɔn, bi ni u ba a yinl le nan ye Lidiya, u nan nyan Tayatira le, ki choon kɔɔr ikinken man yan a daag pɔɔ, ki jiɛn Uwonbɔr. Le Uyudaan loor u sufu le u chee tibɔr tan wee Pɔɔl pagin.

Lituln 18:24

Juu a jau uba le nan be, le u yinl ye Apolosi, amaa bi nan ma u Alɛgzandira le, le u nan dan Efesusi. U nan ye ubiɛndaan le, ki nyi Uwonbɔr a gbɔŋ nbamɔm.

Lituln 20:17

Le Pɔɔl tun ntoon, ke bin nya Miletusi a tiŋin, ki jo Efesusi ki tan yin biwonjiɛn ninkpeebin ni.

1 Korenti 15:32

Ke ni ye n kɔn Efesusi a tiŋ a ninfob ban nann kulɔŋ a wankorin bininfob a potiɛri bu ke, ba a nyɔɔr wee n kan naa? Ni ye nkum a fiim kaa be ke, “Ni che ti ji ki nyu, wee won ke ti won kpo.”

1 Korenti 16:8

N li be Efesusi a tiŋin hali ki tan kpaa Pentikosi a daal,

Efesusi 1:1

Min Pɔɔl wan ye Masiya a toom Uwonbɔr a bamin nin, N sɔb kugbɔŋ nan ki tenn Uwonbɔr a ninfogann kaab ban be Efesusi, ki si bi yada-n Masiya ban nin:

Kolosiya 2:1

Nan bu-n n ban ni biɛ maah gbaar nim nin Laodisiya yaab bu man le, nin ban kaa laa nyi kan min tɔɔlin.

1 Timoti 1:3

Ke maah pii nan beiŋ man n-yonn man wee n nan jon Masedoniya-n, li be Efesusi wee ki che bininfob bibam nlaa ji wɔɔn tibɔkari,

Tibɔkpiirkaan 1:17

Maah nan kan u n-yonn man nin le n lu u ta tum ke utakpiirin. Le u ta u nɔɔjiim ki paan nbu ki len ke, “Laa san bijawaami. Min le ye Npiinim nin Njoorim.

Tibɔkpiirkaan 1:19

“Mambu, sɔbim ŋaah kan nan na, nan be daandaan nan nin nan na yin ŋa ni bɔɔn.

Tibɔkpiirkaan 1:2

le Jɔnn nan jin siɛra waah kan nan biɛn nin bu, ti ma ye, Uwonbɔr a mɔleen nin Yisa Masiya a siɛra.

Tibɔkpiirkaan 1:20

Ŋaah kan iŋmabil ilile yan n nɔɔjiim paamin nin salima a filaam a tutɔɔnbol ilile liwoolin nin a taai ye nan le: Iŋmabil ilile-n ye biwonjiɛm a laginn tilile-n a malakam le, le salima a filaam a tutɔɔnbol ilile-n mu ye biwonjiɛm a laginn tilile-n.

Tibɔkpiirkaan 1:4

Min Jɔnn, le sɔb kugbɔŋ nan ki tenn biwonjiɛm a laginn tilile tan be Asiya a yerin ni: Linyunyunbasanl nin nposɔɔn lan nyan Uwonbɔr ban li be nin ni, Uma wan be, nin wan nan be, nin wan yin dan, ki ji nyan ntinaam milile man be u naangbɔŋin u nintogilin li be ni ban.

Tibɔkpiirkaan 1:8

“Min le ye Npiinim nin Njoorim,” Uyudaan Uwonbɔr le len man, “Min wan be, nin wan nan be, nin wan yin dan, npɔɔn biɛn daan.”

Tibɔkpiirkaan 10:4

Utaal a tiɛm kerim milile nmɔn kaah pag ki diɛ, le n ŋa sili ke n sɔb; amaa le n ji gbir likukɔl liba nyan paab ki len ke, “Li ŋmag utaal kaah tiɛn nkerim milile man nin a sufu-n na, wee ki laa sɔb ti ki bili.”

Tibɔkpiirkaan 14:13

Le n gbir likukɔl nyan paab ki len ke, “Sɔba: Tikaar be bitakpiib ban kpo nin Uyudaan nin, naah nyan daandaan nan ki jɔɔ chaa.” Le Kinaaŋ len ke, “Nn, bi li foor bi baginn nin, bi ŋaar nmɔn li nɔɔ bi.”

Tibɔkpiirkaan 19:9

Le malaka-n beim ke, “Sɔb ke: ‘Tikaar be ban wee bi yin bi ke bi nan ji Kipeebigin a piichanil a jiir nan bu!’ ” Le ki ji len ke, “Ni niɛ nan le ye Uwonbɔr a mɔleen ibamɔn.”

Tibɔkpiirkaan 2:1

Le u beim ke, “Sɔb sei Efesusi a wonjiɛm a malaka ke: Wan ŋmag iŋmabil ilile u nɔɔjiimin wee ki choon salima a filaam a tɔɔnbol ilile-n a mɔleen sɔ:

Tibɔkpiirkaan 2:12

Ki ji ke “Sɔb ki sei Pagamum a wonjiɛm a malaka ke: Wan jɔɔ takoobi kaaŋ imɔɔŋ ilee-n a mɔleen sɔ.

Tibɔkpiirkaan 2:18

Ki ji ke “Sɔb sei Tayatira yaab a wonjiɛm a malaka ke: Uwonbɔr a bija wan a numbili nann nŋmipeen wee u taafar nyagin ke kukurug kan nyagin nin a mɔleen sɔ.

Tibɔkpiirkaan 2:24

Daandaan nan n bei nim ban gur be Tayatira, wee kaa nɔɔ upii nmɔn a wɔɔm wee kaa ji tinn Sintani kaah yi nan ke tibɔwoonkaarin (Maa yin ta litugil liba tun ni):

Tibɔkpiirkaan 2:8

Le u ji ke “Sɔb sei Simarina a wonjiɛm a malaka ke: Wan ye Npiinim nin Njoorim, wan nan kpo wee ki ji fii nkumin nin a mɔleen sɔ.

Tibɔkpiirkaan 21:5

Le wan nan ka kunaangbɔŋ bu-n len ke, “Lig, n ŋaan niwann biɛn niwann pɔnn le!” Le ki ji len ke, “Sɔb ki bila, nan bu-n imɔleen nmɔn ye ibamɔn le ki ye gaa ji.”

Tibɔkpiirkaan 22:10

Le u beim ke, “Laa ta tiwann tabin wann ki tabin ilinlen leen a mɔboi yan be kugbɔŋ nan yaan bu, nan bu-n iyoo mala.

Tibɔkpiirkaan 22:16

“Min, Yisa, le tun n malaka ke u nan sei biwonjiɛm a laginn siɛra nan. N ye Defid a tuŋ le ki ye u yaabil, ki ye kutaayɔg a ŋmabil lan ween.”

Tibɔkpiirkaan 3:1

Ki ji ke, “Sɔb sei Sadisi yaab a wonjiɛm a lagim a malaka ke: Wan ŋmag Uwonbɔr a naam milile nin iŋmabil ilile-n a mɔleen sɔ. N nyi ni ŋaar kaah ye man; bininfob nyi ke ni fo le amaa ni kpou.

Tibɔkpiirkaan 3:14

Le ki ji ke, “Sɔb ki sei Laodisiya a wonjiɛm a malaka ke: Wan a yinl ye Ibamɔn nin, nin ibamɔn a yada a siɛradaan wee ki ŋmag nan biɛn wee Uwonbɔr naan nin a mɔleen sɔ.

Tibɔkpiirkaan 3:4

Amaa ni jɔɔ bininfob wama Sadisi ban kaa che bi wan yɔɔr gbarin niba. Min nin bi ma na yin lagin chonn ki yee tiwanpenn, nan bu-n bi kpaan nin man le.

Tibɔkpiirkaan 3:7

Ki ji ke, “Sɔb sei Filadelifiya a wonjiɛm a laguŋ a malaka: Wan be kasi ki ye ubamɔndaan ki ŋmag Defid a naanganl a piimin a mɔleen sɔ. U loor nan ke uba kaa li fir loon ni, le nan mu wee u loon ke uba kaa be ki li fir loor ni.