Tibɔnyaan ti Mak ŋmee ti na 9:43 - UWONBƆR A GBƆNPƆŊ LIKƆƆNL

^43-44 Mambu, ni ye a nɔɔ li che a yiim ke, a gaa mi ki gen na. Ni ŋan nin uninfo li jɔɔ nnɔɔ nba ki tan kan limiɛfol lan kaa jɔɔ ndiɛm ki jon uninfo li jɔɔ inɔɔ ilee wee ki tan kɔɔ nŋmi-n man kaa jɔɔ njunim nan yaan na.

Uwumbɔr aagbaŋ

⁴³ Aa yaa gee tiwan ke saah gee aaŋaal pu na aan tiwan ngbaan yaa tɔŋ si ke aa tun titunwanbir kan, di ni lii. Aa yaa lann ŋŋaal mbaa, ki kan limɔfal li kaa kpa ndoon na kan, ni soor ni aa li kpa iŋaal ilee, ki koo mmii mu kaan junn na ni. [

Tibɔnyaan ti Mak ŋmee ti na 9:43 ပူးပေါင်းရင်းမြစ်များ

Matiu 17:27

Amaa taah kaa ban ti bii bi sufu-n bu, li chaa limɔgilin ki tan ta njanpiin ki jaau. Ujan wan wee a chinn choo-n, a yaar u mɔb, a li kan ilig yan li fir yɔ min nin fin bu wee a ta yɔu.”

Matiu 25:41

“Le u na li bei ban si u nɔɔgam paamin, ‘Nim ban wee limɔpool nɔɔ nan, fɔɔr n ban na, ki li chaa ki tan kɔɔ nŋmi man gaan kaa jɔɔ njunim wee Uwonbɔr mann ki guun ulinlaril nin u malakam mi.

Matiu 3:12

U ŋmag u dilenn yikpeŋin le ki yin lenn idi nmɔn biɛn nbamɔm, ki nyan ndibimin ki ŋuun u binbolin, le ki nyɔɔ kufoŋin nŋmi man kaa jɔɔ njunimi.”

Matiu 5:22

Amaa N bei ni le ke uninfo wan fiin u ŋuul u nabig bu ke u li kan litudaril tibɔr a ji daal. Le wan mu ji sug u nabig ke, ‘wan yɔli nan’ ke, ni ye bin ta u ki jo Juu yaab a yudam a laguŋ ban le. Bee wan mu ji sug u nabig ke, ‘kujɔrug nan!’ Ke, u na li be nŋmi man kaa jɔɔ ndiɛmin a daŋin.

Tibɔnyaan ti Luk ŋmee ti na 14:13

Amaa ni ye a yin yin bininfob tijiir a jim ke, a yim faladam, nin nwɔbim, nin ndiɛm, nin bijɔɔm,

Tibɔnyaan ti Luk ŋmee ti na 14:21

“Le u toontunn nmɔn jir kun u yudaau n ban, ki tan bei u bi biɛn kaah len man. Le liŋuul choo u. Le u bei u toontum n ke, ‘Ni li chaa kitiŋ poolin a sambu ki tan yin bilanjiim nin nwɔbim nin bijɔɔm nin ndiɛm ke bin dan.’

Tibɔnyaan ti Luk ŋmee ti na 3:17

U ŋmag u dilenn yikpeŋin le u nɔɔn ke un lenn nbamɔm, ki nyan ndibimin ki ŋuun u binbolin, amaa le ki sin ta kufoŋin ki jaa nŋmi man gaan kaa jɔɔ njunimin yaan.”

Rom Yaab 8:13

Ni ye ni nɔɔ tigbanann a bamin kaah wɔɔn ni man nin ke, ni li kpo; amaa ni che Uwonbɔr a Naaŋin ku tigbanann a bam a toon yin ke, ni li fo,

1 Korenti 9:27

Aai, n mug n gbanann le ki ŋa ti tiyomir, ke maah mɔɔn tibɔŋannin ki tenn n tab man ni, ni bɔɔn bu min tɔɔl n laa nan lann n yɔri.

Galantiya 5:24

Masiya kaah ye ban nin ta tigbanann a kɔlisa nin bi binben biimin biɛn ki kpaa lidapunpunl buu.

Kolosiya 3:5

Mambu ni ku nan ye dulinya nan a binbem man be nin ni na: Nan ye iwanchɔgin toon, nin ni piibanlin bee ni jabanlin, nin tijaginn a toon, nin nmɔsanyunsɔɔm, nin titoonbir nin kujaŋuuŋ ni ma ye libawol manil.

Taitus 2:12

U nyunyunbasanl nmɔn wɔɔn ti ke ti yiim nan kaa ye nwonjiɛn binben nin dulinya nan a kɔlisa birug biɛn, wee ki li chor ti ba ki li ye ban jɔɔ lasaab, ki li jɔɔ nwonjiɛn binben n-yonn man wee ti be nan yaan.

Hiibru Yaab 12:1

Mambu taah jɔɔ siɛradam takpem ban gɔɔn jin ti nan, ni che ti ta nan biɛn li legin ti samin ki gab nin tibir tan fir chor ti-n, ni che ti nyigin ki guun ti taguunl lan dɔ guu ti nan.

1 Piita 2:1

Mambu, ni jiɛn niwann nan ye kininaŋ nin kularug, nin bilinlarib a toon nin linunchɔril nin kutingbiig a booli biɛn na.