Tibɔnyaan ti Mak ŋmee ti na 9:31 - UWONBƆR A GBƆNPƆŊ LIKƆƆNL

³¹ ki wɔɔn u bɔɔnɔɔbin ni, le ki bei u bɔɔnɔɔbin ke, “Bi na li ta Uninfosaal a Big ki ŋubin bininfob a nɔɔn le bin ku u, amaa ni ween itaa daal, u li fii nkumin.”

Uwumbɔr aagbaŋ

³¹ U bui bi ke, “Bi ga di min Unibɔn Aabo, ki di ŋa binib aaŋaal ni, le bi ku mi. Bi yaa ku mi kan, iwiin itaa daal le m ga fikr nkun ni.”

Tibɔnyaan ti Mak ŋmee ti na 9:31 ပူးပေါင်းရင်းမြစ်များ

Matiu 16:21

Naah nan nyan iyaayoo ki jɔɔ chaa, le Yisa nan piin ki bei u bɔɔnɔɔb ke ni kpaa le ke un jo Jerusalam, amaa kitiŋ a ninkpeeb, nin biminmanib a yudam, nin ban wɔɔnn Uwonbɔr a siim nan, li mugir u takpem ki ku u; amaa iweehn itaa daal Uwonbɔr li fiin u nkumin.

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Matiu 26:2

“Ni nyi ke iweehn ilee le gur nin yuglagir a chiig. Bi na li ta Uninfosaal a Bigin ki sei le bin kpa u lidapunpunl bu.”

Matiu 27:63

Le ki tan bei u ke, “Ti baa, ti tiɛr ke tibɔkar daan nmɔn kaah nan be-n, u nan bei ti ke, ‘Iweehn itaa daal n li fii nkumin.’

Tibɔnyaan ti Mak ŋmee ti na 10:34

le bi li laa u ki sii timɔsann ki ŋaa u ki boo u, ki nan ku u, amaa ni ween itaa daal u li fii nkumin.”

Tibɔnyaan ti Mak ŋmee ti na 8:31

Le Yisa ni nan wɔɔn u bɔɔnɔɔb ke, see Uninfosaal a Big jin fala, le kitiŋ a ninkpeeb, nin kumanug a yudam, nin ban wɔɔnn Uwonbɔr a siimin na li yii u, ki ji ku u, amaa ni ween itaa daal le u li fii nkumin.

Tibɔnyaan ti Mak ŋmee ti na 9:12

Le Yisa bei bi ke, “Ibamɔn see ke Elaja chinn, ke un nan mann tiwann yɔɔr biɛn nbamɔm. Ba ŋa wee ni sɔb Uwonbɔr a gbɔŋin ke, Uninfosaal a Big na li ji fala, wee bin yii waa?

Tibɔnyaan ti Luk ŋmee ti na 24:26

Naa ye ni kpaa le ke Masiya n ji fala nmɔn, wee ki nan kɔɔ u pagin naa?”

Tibɔnyaan ti Luk ŋmee ti na 9:44

“Ni loor ni tuli ki gbir nan wee n yin pag nan nbamɔm: Bi na li ta Uninfosaal a Big ki ŋubin bininfob a nɔɔn.”

Jɔnn 10:18

Uba kaa fee n miɛfolin nmɔn n ban ni, amaa n tɔɔl a wiib le n ta bil bi. N jɔɔ tininkper a pɔɔm ki li fir taa ki bil nin tininkper a pɔɔm ki ji li fir gaa li. N nan gaa nsiim nan n Baa-n ban le.”

Jɔnn 2:19

Le Yisa jiin bi ke, “Ni worin iwonjiɛn niin nan ke, N ji li fiin i iweehn itaa daal.”

Jɔnn 3:14

Moziz kaah nan yuur liwaalabil paab kukunkɔɔgin man nin, ni kpaa le nin bi nan yuur uninfosaal a bija mu paab,

2 Timoti 2:12

ni ye ti pɔɔn tiba ke, ti mu wo li ji u nnaamin. Ni ye ti yii u ke, u mu wo li yii ti