Tibɔnyaan ti Mak ŋmee ti na 9:20 - UWONBƆR A GBƆNPƆŊ LIKƆƆNL

²⁰ Le bi ta ki dan Yisa ban. Kinaanbiigin kaah kan Yisa n-yonn man nin, le ki fii kibigin bu, ki nyiɛ u tum, le u dɔ ki bilin, le kumɔsangbugbalug nya u mɔnn.

Uwumbɔr aagbaŋ

²⁰ Le bi joo ni u Yesu chee. Libimbikl ngbaan aah kan Yesu na, le li cha ubo ngbaan aawon gbaa sakpen. Le u lir kitiŋ, ki binni. Le umɔb puk tipupukr.

Tibɔnyaan ti Mak ŋmee ti na 9:20 ပူးပေါင်းရင်းမြစ်များ

Tibɔnyaan ti Mak ŋmee ti na 1:26

Le kinaanbiigin fiɛn uja-n ki jaa, le ki sin yigin papaab, le ki ni nyan u ban.

Tibɔnyaan ti Mak ŋmee ti na 9:18

Nan yaan biɛn wee kinaanbiigin nan fii ke, ki nyiɛr u tum le, le kumɔsangbugbalug nya u mɔnn le u ŋma u nyii. Le u gbanann n pɔɔg kenken; le n balin a bɔɔnɔɔb nan ke, bin nyan kinaanbiig nmɔn le bi walin gur.”

Tibɔnyaan ti Mak ŋmee ti na 9:19

Iyaayoo le Yisa ni nan fu bi bu ki ke, “Nim daandaan nan a ninfob ni yada waar pam, ni ban n yuur ni ban ki tan kpaan nii, wee ki li jɔɔ limɔril ni buu? Ta kibig nmɔn ki dan do.”

Tibɔnyaan ti Mak ŋmee ti na 9:21

Le Yisa baan u baa ke, “Ibayoo wee ni piin ki ŋaa u man naa?” Le u jiin ke “Ni piin u buwaan nin le.

Tibɔnyaan ti Mak ŋmee ti na 9:26

Le kinaanbiig nmɔn nan yigin ki yuur kibigin ki nyiɛ tum gbab, le ki nyan u ni, le kibig nmɔn ni nan nann ke ki kpo le-n, le bininfobin ni nan fabin ki ke, “Tɔ, u kpou.”

Tibɔnyaan ti Luk ŋmee ti na 4:35

Le Yisa tiɛn kinaanbiig n bu ke, “Ŋmim tifur, ki sin nya uja nmɔn yaan na.” Le kinaanbiigin nyiɛ uja-n tum, bi sisiigin, le ki sin nyan u ni; waah nan nyiɛ u tumin, waa nan sei u kidaŋi.

Tibɔnyaan ti Luk ŋmee ti na 8:29

Nan bu-n Yisa pii nan pag nin tininkper a pɔɔm ki sei nnaanbiimin ke bi nya uja-n yaan na. Isaŋ takpem ni nan fii u bu le, hali nin baah nan lol u nɔɔi nin u taai nmɔn biɛn ni, u nan ti chinn tikulorin le, le nnaanbiim nmɔn nan ti taar u ki jo kukunkɔɔg bu.

Tibɔnyaan ti Luk ŋmee ti na 9:39

kinaanbiig le fii u bu ki che u kuun ki nan lur likpikpiil ki nan bir, le kumɔsangbugbalug nya u mɔnn, ni le ŋaan u man le kaa ban nin jaa wi, ni na li bii u.

Tibɔnyaan ti Luk ŋmee ti na 9:42

Hali kibigin kaah nan chaan Yisa ban n-yonn man nin, le kinaanbiig nmɔn nyiɛ u tum le u dɔ liɛr, iyaayoo le Yisa tiɛn kinaanbiig nmɔn bu, ki che kibigin kan kutebug, le u ta u ki sei u baa.

Jɔnn 8:44

Ni ye ni baa, ulinlaril, a buwaab le, ki ban ni li ŋaan ni baa kaah ban man. U pii nan ye uninfokur le npiinimin, kaa ŋmag ibamɔn ni, nan bu-n ibamɔn kaa be u ban ni. U nan por tibɔkar ke, u pag u bol a leen le, nan bu-n u ye tibɔkar daan le ki ji ye tibɔkar a baa.

1 Piita 5:8

Ni choom niba ki li nyi niba bu. Ni dataag ulinlaril le choon le jin ke ugbegin wan ŋuun ki ban uninfo un choo niɛ-n.