Tibɔnyaan ti Mak ŋmee ti na 8:34 - UWONBƆR A GBƆNPƆŊ LIKƆƆNL

³⁴ Le Yisa bei u bɔɔnɔɔb nin bininfob ban biɛn nan nɔɔ win ke, bin fɔɔr ki mal u ni, le ki bei bi ke, “Wan ban un nɔɔ min ke, see ke u yii u ba, wee ki yuur u kum a dapunpunl ki li nɔɔm,

Uwumbɔr aagbaŋ

³⁴ Le Yesu yin kinipaak ngbaan ni waadidiliib, le ki bui bi, “Unii yaa ban u dii mi kan, cha u yii ubaa, ki yoor waadɔpuinkoo, aan ki li dii mi.

Tibɔnyaan ti Mak ŋmee ti na 8:34 ပူးပေါင်းရင်းမြစ်များ

Matiu 10:38

le wan kaa ta u kum a dapunpunl ki nɔɔm ke, waa kpaan nin un ŋa n bɔɔnɔɔru wi.

Matiu 16:24

Amaa le ki bei u bɔɔnɔɔb ke, “Wan ban un nɔɔm ke, see ke u yii u ba le ki yuur u kum a dapunpunl ki nɔɔm.

Matiu 27:32

Baah nan chaa nyan Palati a naakoon nin, le bi tan kan Sarene a tiŋ a jaa uba le u yinl ye Simɔnn, le bi choo u, ki mug u le u tu Yisa a dapunpunl.

Tibɔnyaan ti Mak ŋmee ti na 10:21

Le Yisa lig u chimm nin njiɛm, le ki nan bei u ke, “Niwann niba kpeŋileŋ li pariŋ; li kun na ki tan kɔɔr ŋaah jɔɔ niwann nan biɛn na, wee ki ta iligin ki sei faladama, wee ki nan kan njɔɔm Uwonbɔr a niin, wee ki ni li nɔɔm.”

Tibɔnyaan ti Mak ŋmee ti na 7:14

Le Yisa nan mann ki yin kuninfogbaluŋin u ban le ki bei bi ke, “Nim ban biɛn be do nan, ni pel nbamɔma wee ki biɛ maah yin pag tibɔr tan nan a taai.

Tibɔnyaan ti Luk ŋmee ti na 13:24

“Ni pɔɔn ni ba wee ki nan kɔɔ linaanganl lan kaa yalin nan yaan. N bei ni le, bininfob takpem na li ban bin kɔɔ niin, le kaa yin fir kɔɔ.

Tibɔnyaan ti Luk ŋmee ti na 14:33

Man li ye ni, ni ye ni ni uba kaa jiɛn waah jɔɔ nan biɛn ke, waa li fir ŋa n bɔɔnɔɔru wi.

Tibɔnyaan ti Luk ŋmee ti na 18:22

Yisa kaah nan gbir man ni, le u bei u ke, “Niba le laa pariŋ. Kɔɔr tiwann tan biɛn wee a jɔɔ-n na, wee ki ta sei faladama, wee ki li jɔɔ lifaal paab wee ki dan ki nan nɔɔm.”

Tibɔnyaan ti Luk ŋmee ti na 20:45

Bininfobin biɛn kaah nan peligin, le Yisa nan bei u bɔɔnɔɔb ke,

Tibɔnyaan ti Luk ŋmee ti na 9:23

Le u bei bi biɛn ke, “Uninfo wan ban un nɔɔ min ke, see ke, u yii u ba ki yuur u dapunpunl idaan biɛn ki li nɔɔm.

Jɔnn 10:27

N yaa pee pelig n kukɔl le; n nyi i, le i nɔɔm.

Jɔnn 19:17

Le ki che Yisa tu u tɔɔl a dapunpunl, ki nyan jon nan yaan wee bi yi ke kuyukpabugin (wee Juu yaab a leen yin Aramayig bi yi ke Goligota-n).

Lituln 14:22

ki pɔɔgir bi bɔɔnɔɔbin a gbanann nin bi sufu ke bi mann sir bi yada bu nin ibamɔn na. “Ni kpaa le nin ti kɔɔ tibɔmug kaarin takpem wee ki nin nan kɔɔ Uwonbɔr a naamin.”

Rom Yaab 6:6

Ti nyi ke ti binben kpegimin nan lagin kpaa nin Masiya u, na li ŋa man ki bii tibir a gbanann, wee ti laa ji be tibir a yomirin ni;

Rom Yaab 8:17

Daandaan nan ni ye ti sin ye Uwonbɔr a buwaab ke, man ke ti ye U faajib le, tim nin Masiya le lagin ki ye Uwonbɔr a faajib, ni ye tim nin Masiya lagin ki jin U fala-n ke tim nin U ma ji na yin lagin kan U pag.

1 Korenti 15:31

N nabum, n be nkum a daŋin le lidaal biɛn, n jɔɔ ligbingbanfaal nin taah jɔɔ nbinben man ti Yudaau Masiya-n nin bu, ni ma bu le n len man.

1 Korenti 8:13

Ni bu, ni ye nan wee n ji-n li che n na big n tun tibir ke, maa ji li ŋman tinann ni, wee ki che un lu.

1 Korenti 9:19

Hali maah ye nba wee uba a yomu kaa yem nan, n ta nba le ki kpann uyom ki sei bininfob biɛn, ke n che bininfob takpem ndan Yisa ban.

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

Galantiya 5:24

Masiya kaah ye ban nin ta tigbanann a kɔlisa nin bi binben biimin biɛn ki kpaa lidapunpunl buu.

Galantiya 6:14

Min kaa li nyi ki fa ligbingbanli, see ti Yudaau Yisa Masiya a dapunpunlin a binba bu, u dapunpunl nmɔn le ku kutingbɔŋ nan a kɔlisa n gbanann nin, le n mu a kɔlisa nyan kutingbɔŋin na.

Filipi 3:10

N ban n li nyi Masiya le nin u kum a fiim a pɔɔmin ki li jɔɔ nɔɔnintab nin u, ki ji fala wan wee u nan jin nin, ki li be ke uma nin u kumin,

Filipi 3:7

Amaa nan biɛn nan ye tinyɔɔr ki seimin daandaan nan min lig ki miin ni ye yɔli le, Masiya bu.

Kolosiya 1:24

Daandaan nan ni mɔm, nin maah jin fala kan nim bu-n, le n la gbee nin fala nmɔn le n gbanann nin ki jin nan la paar Masiya a fala a jimin paam, u gbanann nmɔn le ye biwonjiɛm a laguŋ.

Kolosiya 3:5

Mambu ni ku nan ye dulinya nan a binbem man be nin ni na: Nan ye iwanchɔgin toon, nin ni piibanlin bee ni jabanlin, nin tijaginn a toon, nin nmɔsanyunsɔɔm, nin titoonbir nin kujaŋuuŋ ni ma ye libawol manil.

2 Tesalonika 3:11

Ti gbir ke biba be ni sisiigin ki ye bigbanyagdam. Baa tun nin inunman ni; amaa le ki sin jɔɔ bi nɔɔi kɔɔn biba a bɔrin.

Taitus 2:12

U nyunyunbasanl nmɔn wɔɔn ti ke ti yiim nan kaa ye nwonjiɛn binben nin dulinya nan a kɔlisa birug biɛn, wee ki li chor ti ba ki li ye ban jɔɔ lasaab, ki li jɔɔ nwonjiɛn binben n-yonn man wee ti be nan yaan.

Hiibru Yaab 13:13

Ni che ti jo u ban kulaguŋ nmɔn a gbaam, ki tan ji ifa yan wee u jin nin.

1 Piita 4:1

Mambu, Masiya kaah nan jin fala u gbanann nin man nin, ni ŋaam sili ki li ŋmag u binbem nmɔn na, nan bu-n wan jin fala u gbanann nin nin diɛ tibir a manuga.

1 Piita 4:13

Amaa ni che ni li mɔ na nin naah por ki ji Masiya a fala-n bu, wee ni nan kan nmɔn takpen u pagin a kpiirimin.

2 Piita 1:14

nan bu-n naa li yuuri le n ta ti bil ngbaan, ke ti Yudaau Yisa Masiya kaah kpiir wɔɔnim man nin.

1 Jɔnn 3:16

Ni niɛ nan le che ti biɛr njiɛm kaah ye nan: Yisa Masiya kaah nan gaa ti kum ki kpe-n. Ni ŋan nin ti mu nkpo ti nabum bu.

Tibɔkpiirkaan 2:10

Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.