Tibɔnyaan ti Mak ŋmee ti na 7:26 - UWONBƆR A GBƆNPƆŊ LIKƆƆNL

²⁶ Upii nmɔn kaa nan ye Juu a ninfou wi, bi nan ma u Fonisiya a tiŋ le, Siriya a tingbɔŋin. Le u balin Yisa ke u nyan kinaanbiig u bisa nmɔn a gbanann nin na.

Tibɔnyaan ti Mak ŋmee ti na 7:26 ပူးပေါင်းရင်းမြစ်များ

Matiu 15:22

Ki miin Kenann a tiŋ a pii uba mu nan be liyagil nmɔn paam, ki dan Yisa ban ki nan kuun paab ke, “Uyudaan, Defid a yaabil, sam kunyunyunbaag ni. Kinaanbiig le be n bisa ni, ki mugir u takpem.”

Matiu 4:24

Le u yinl nan mɔɔn Siriya a tiŋin. Le bi nan ŋmagin bibaarib a booli biɛn, ki dan u ban: Tigbanann wiɛn, ban gbee nin nnaanbiim, ban nan lur likpikpiil, nin tigbanann kpiindam, le u teb bi biɛn.

Tibɔnyaan ti Mak ŋmee ti na 7:25

Le upii wan wee kinaanbiig nan be u bisiɛbig bu nan, nan gbir u bu, le ki dan u ban ki nan gbaan u nintogil.

Tibɔnyaan ti Mak ŋmee ti na 7:27

Le Yisa bei u ke, “Che n jin nbuwaab bi jiir chinchinn na wee, naa ŋan nin uninfo n ta nbuwaab a jiir ki sei ibɔ.”

Galantiya 3:28

Mambu, nbɔgirim kaa ji be ban ye Juu yaab nin ban kaa ye Juu yaab a sisiigin ni, kaa be biyom nin ban ye bi ba nan a sisiigin ni, kaa be bijab nin bipiib mu a sisiigin ni, ni ma bu ni biɛn ye nba le Masiya ni.

Kolosiya 3:11

Ni ma kaa jɔɔ nbɔgirim ban ye Juu yaab nin Girig yaabin, ban jii bi pun nin ban kaa jii bi pun, ban ye bicham nin bidindamin, nin ban jɔɔ kulɔŋ a binbem nin ban jɔɔ kufɔŋ a binbem, biyom nin ban ye bi ba, amaa Masiya le ye bi biɛn le ki be bi biɛn ni.