Tibɔnyaan ti Mak ŋmee ti na 6:3 - UWONBƆR A GBƆNPƆŊ LIKƆƆNL

³ Kanpinta-n le kaa yen naa? Naa ye Meri a bija-n le yen naa? U ma kaa ye Jemisi nin Josef nin Judasi nin Simɔnn a kpel n naa? U ninsiɛb le kaa be nan do nan naa?” Ni ma bu le bi yii u bɔr.

Uwumbɔr aagbaŋ

³ Waa ye kapenta na aa? Waa ye Mari aajapɔɔn la aa? Waa ye Jems, ni Joses, ni Judas, ni Simonn aakpel la aa? Uninkpatiib aa bi do chee na la aa?” Binib ngbaan nan len kina ki yii u.

Tibɔnyaan ti Mak ŋmee ti na 6:3 ပူးပေါင်းရင်းမြစ်များ

Matiu 11:6

Tikaar be wan kan limugil wee kaa ta n bɔr gab nan bu.”

Matiu 12:46

Yisa kaah la nan be pag ki tenn kuninfogbaluŋin n-yonn man ni, le ki miin u na nin u watiib dan ki nan si nkaafiin, le ki ban bin kan u.

Tibɔnyaan ti Mak ŋmee ti na 15:40

Le Meri wan nyan Magidalin nin Meri wan ye Jemisi big nin Josesi a na nan, nin Salomi, mu nan kpiɛ bipiib biba bu le bi si nan fɔg ki lig.

Tibɔnyaan ti Mak ŋmee ti na 3:18

nin Anduru, nin Filib, nin Batolomiu, nin Matiu, nin Tomasi nin Jemisi wan ye Alifiu a bija nan, nin Tadiɛsi, nin Simɔnn wan wee bi yi u ke Zealo wee u nan kɔn u bol a kaal bu-n,

Tibɔnyaan ti Luk ŋmee ti na 2:34

Le Simiɛn nan kaab jaa bi bu, le ki sin bei kibigin a na Meri ke, “Uwonbɔr gann kibig nmɔn ke u li che Iziral yaab takpem n lu yɔli u bu; le bininfob takpem mu li kan nŋmarim u bu. Uma nan yin ye limagil lan wee bininfob takpem li pag ki bii u nan;

Tibɔnyaan ti Luk ŋmee ti na 7:23

Tikaar be wan kaa jɔɔ nbiɛnim n bu nan.”

Tibɔnyaan ti Luk ŋmee ti na 8:20

Le uba nan bei u ke, “A watiib nin a na be nkaafiin ki ban bin kaŋ.”

Jɔnn 14:22

Le Judasi (wan ye Tadiɛsi) len ke, “Amaa, Uyudaan, ba ŋa wee a yin ta a ba ki wɔɔn ti wee kaa yin wɔɔn dulinya yaabaa?”

Jɔnn 6:42

Bi nan ke, “Naa ye Yisa, Josef a bija-n sɔɔ? Wan a baa nin u naa ti nyi-n naa? U nin yin ŋaa nii ki len ke, ‘N nyan paab le ki jiirin’ naa?”

Lituln 1:13

Baah foo Jerusalam n-yonn man nin, le bi jon tan kɔɔ iniin yan yaan wee bi ti be-n, i nan ye tidititɔɔr le. Ban nan be nin yaan le ye Piita, Jɔnn, Jemisi nin Anduru; Filib nin Tomasi, Batolomiu nin Matiu; Jemisi wan nan ye Alifiu a bija-n, nin Simɔnn wan wee bi nan yi u ke zealo, nin Judasi wan ye Jemisi a bija-n.

Lituln 12:17

Le u don u nɔɔ ke bin ŋmin tifura, le ki wɔɔn bi Uyudaan kaah nyan u kuloondiigin man. Le u bei bi ke, “Ni li chaa ki tan bei Jemisi nin biwonjiɛmin nan tun nan a bɔr,” le u fɔɔr jiɛn bi ki yaar jon niba paam.

1 Korenti 1:23

amaa ti mɔɔn Masiya a kum lidapunpunl bu nle: Tibɔr nmɔn ye litangbag gbiɛrikaal le Juu yaab ban, le ki ji ye ijɔr leen ban kaa ye Juu yaabin ban.

1 Korenti 9:4

Nsan kaa be nin ti li ji ki nyuu?

Galantiya 1:19

Maa nan kan Yisa a tooi bimiɛnin a ni uba, see ti Yudaau a waal Jemisi a binba.

1 Piita 2:4

Naah chaan Uyudaan ban nin, wan ye limiɛfol a tangbagil lan wee bininfob yii win, amaa le Uwonbɔr a num gbee u le U gann win,

Juud 1:1

Min Juud wan ye Yisa Masiya a toontunnu ki ye Jemisi a nabigin, Le sɔb kugbɔŋ nan tenn bininfob ban wee Uwonbɔr yin bin, wee bi ye Uwonbɔr a ninfob jiɛkaab wee Yisa Masiya ŋmag bin: