Tibɔnyaan ti Mak ŋmee ti na 6:11 - UWONBƆR A GBƆNPƆŊ LIKƆƆNL

¹¹ Ni ye ni foo kitiŋ kiba ni, wee bininfobin kaa gaa ni ke, ki mu kaa ji pel ni wɔɔnim n ke, ni nya kitiŋ nmɔn yaan na, wee ki pir ni taai a tan ki jaa kitiŋ nmɔn yaan na, wee ni li ye siɛra biig ki sei bi.”

Uwumbɔr aagbaŋ

¹¹ Kitiŋ kibaa aanib yaa kaa gaa nimi, ki yaa yii nimi aabɔr kan, ni nya nima, ki kpaar nitaa aatatan lii nima. Nimina le ga li ye nsurm ki tii bi.”

Tibɔnyaan ti Mak ŋmee ti na 6:11 ပူးပေါင်းရင်းမြစ်များ

Matiu 12:36

Amaa n bei ni le, tibɔr a ji daal Uwonbɔr na li ji uninfo biɛn tibɔr nin baah pag tibɔyɔɔr tan biɛn nin bu.

Tibɔnyaan ti Mak ŋmee ti na 6:10

Ni ye ni foo iniin yan yaan wee bi gaa ni kuchɔŋ ke, ni li be niin ki tan kpaa ni nya daal.

Tibɔnyaan ti Luk ŋmee ti na 9:5

Kitiŋ kan yaab kaa chee gaa ni wee ni yin nya ke, ni pir ni taai a tann ki jaa niin na wee nin wɔɔn bi kaa che a siɛra.

Lituln 18:6

Amaa le Juu yaabin kaa chee Pɔɔl a bɔr nmɔn ni, le ki sugir u. Le Pɔɔl gbagbag u wan yeewaŋ, le ki ke, “Ni cham li be ni tɔɔl a yuli bu! N tun maah ye n tun man le. Naah nyan dinan ki chaa, n yin jo ban kaa ye Juu yaabin ban le.”

Rom Yaab 2:16

Ni niɛ nan na yin tun lidaal lan wee Uwonbɔr na yin ji bininfob a bɔwoonkaar Yisa Masiya bu, ke n bɔŋann nin kaah wɔɔn man nin.

Rom Yaab 2:5

Amaa ni tukangbiril nin naah kaa ban ni kpenn ni sufu-n bu, le ni kpiɛg U ŋuufiiŋ lan yab ki tenn ni ba lidaal man wee Uwonbɔr a ŋuufiiŋ nin U buchin bɔjilin na yin degirin nin.

2 Piita 2:6

Le U nan bii Sodom nin Gomoriya ki nan che bi gaa nŋmi ki nan kpann nfatam, ki ŋa bi limagil ke ban kaa jɔɔ nween nin kaah na li kan man.

2 Piita 2:9

Ni ye Uyudaan ŋa man biɛn ke, U nyi waah li ŋa man ki fee ban ye biwonjiɛmin ki jaa bi mugilin, amaa le ki guu ban kaa ye bibuchimin tibɔr a ji daal, nin waah na tugir ki dar bi tuli man.

2 Piita 3:7

Uwonbɔr a mɔleen iba nmɔn le U ji ta guu papaab nin tum kan be daandaan nan ke nŋmi n nan gaa, ni si le ki guu tibɔr a ji daal nin ban kaa ye biwonjiɛmin a biim.

1 Jɔnn 4:17

Ni niɛ nan bu, njiɛm ŋa dede ti ban na le ti li fir jɔɔ tidindann tibɔr a jidaal, nan bu-n ti nann U le dulinya nan yaan.

Juud 1:7

Ni ye man le a li ke, Sodom nin Gomoriya nin ntim man nan mal bin a ninfob kaah nan tun iwanchɔgin toon bi piibanlin nin bi jabanlin nin ichɔgin. Bi ma ye limagil ki wɔɔn ban nan yin kɔɔ nŋmi-n a fala a jim kaah na li ye man.