Tibɔnyaan ti Mak ŋmee ti na 3:18 - UWONBƆR A GBƆNPƆŊ LIKƆƆNL

¹⁸ nin Anduru, nin Filib, nin Batolomiu, nin Matiu, nin Tomasi nin Jemisi wan ye Alifiu a bija nan, nin Tadiɛsi, nin Simɔnn wan wee bi yi u ke Zealo wee u nan kɔn u bol a kaal bu-n,

Uwumbɔr aagbaŋ

¹⁸ ni Andru, ni Filip, ni Batolomiu, ni Matiu, ni Tomas, ni Jems u ye Alfeus aajapɔɔn na; ni Tadeus; ni Simonn u nan ban u kuln waatiŋ aadim na;

Tibɔnyaan ti Mak ŋmee ti na 3:18 ပူးပေါင်းရင်းမြစ်များ

Matiu 13:55

Naa ye kanpinta a bija-n le yen naa? Naa ye u na le bi yin Meri nnaa? U watiib le kaah ye Jemisi nin Josef nin Simɔnn nin Judasi nnaa?

Matiu 9:9

Le Yisa nyan nin yaan ki chaa, ki tan kan uja uba, le bi yi u ke Matiu, ki miin u ka u toon yin le bilanpogaab a nanbonn; le Yisa bei u ke, “Fii ki li nɔɔm ni.” Le u fii ki nɔɔ u.

Tibɔnyaan ti Mak ŋmee ti na 2:14

Waah nan choon ki chaa-n, le ki tan kan uja uba le u yinl ye Liifai, wan nan ye Alifiu a bigin, ki miin u be u toon yin le, lampogaab a nanbonn. Le Yisa bei u ke, “Fii ki li nɔɔm ni.” Le u fii ki nɔɔ u.

Tibɔnyaan ti Mak ŋmee ti na 3:17

nin Jemisi nin u waal Jɔnn, ban nan ye Zebedi a naachim nan, (le Yisa nan sei bi liyinl ke Bɔɔnejesi, le ni taai le ye ntatiɛn bum);

Tibɔnyaan ti Mak ŋmee ti na 3:19

ki kpiɛ Judasi Isikariya (wan nan kɔɔr Yisa nan).

Tibɔnyaan ti Mak ŋmee ti na 6:3

Kanpinta-n le kaa yen naa? Naa ye Meri a bija-n le yen naa? U ma kaa ye Jemisi nin Josef nin Judasi nin Simɔnn a kpel n naa? U ninsiɛb le kaa be nan do nan naa?” Ni ma bu le bi yii u bɔr.

Jɔnn 1:40

Anduru, wan ye Simɔnn Piita a waalin nan ye bininfob bilee ban nan gbir Jɔnn kaah nan pag man nin wee ki nan nɔɔ Yisa-n a ni uba le.

Jɔnn 11:16

Le Tomasi (ni taai le ye kijaaŋ), bei u bɔɔnɔɔtabin ke, “Ni che ti mu njo, wee ni tan ye tim nin u ma nkpo ke ti kpo.”

Jɔnn 14:22

Le Judasi (wan ye Tadiɛsi) len ke, “Amaa, Uyudaan, ba ŋa wee a yin ta a ba ki wɔɔn ti wee kaa yin wɔɔn dulinya yaabaa?”

Jɔnn 21:2

Simɔnn Piita, nin Tomasi (wan wee bi yi u ke kijaaŋin), nin Nataniɛl (wan nyann Kena kan be Galilii a tiŋin nin), nin Zebedi a naachimin, ki kpiɛ Yisa a bɔɔnɔɔb bilee bi biɛn nan lagin be le.

Lituln 1:13

Baah foo Jerusalam n-yonn man nin, le bi jon tan kɔɔ iniin yan yaan wee bi ti be-n, i nan ye tidititɔɔr le. Ban nan be nin yaan le ye Piita, Jɔnn, Jemisi nin Anduru; Filib nin Tomasi, Batolomiu nin Matiu; Jemisi wan nan ye Alifiu a bija-n, nin Simɔnn wan wee bi nan yi u ke zealo, nin Judasi wan ye Jemisi a bija-n.

Lituln 15:13

Baah nan pag ki diɛ n-yonn man nin, le Jemisi pag paab ke: “N nabum, ni pelim man.

Lituln 21:18

Le ni won kutaag, le Pɔɔl nin tim ban gurin jon ke ti tan poor Jemisi. Biwonjiɛn ninkpeebin mu nan be niin.

1 Korenti 15:7

U nan degir Jemisi bu, le ki nan degir u tooi nbiɛn bu.

1 Korenti 9:5

Nsan kaa be nin ti ta uwonjiɛnpii ki che u li nɔɔ ti choon ke ti toontuntab nin ti Yudaau a watiib nin Piita kaah ŋaan man n naa?

Galantiya 1:19

Maa nan kan Yisa a tooi bimiɛnin a ni uba, see ti Yudaau a waal Jemisi a binba.

Galantiya 2:9

Jemisi nin Piita ki kpiɛ Jɔnn ban wee bi lig ki miin bi ye bininfojabin, bi tɔɔl nan biɛ ke Uwonbɔr le seim itoon gannkaa nmɔn; ni ma che bi nan sei min nin Banabasi inɔɔ. Ni ma nan ye chee sei tab a nɔɔseil. Tim nin bi ma nan chee sei tab ke min nin Banabasi li mɔɔn tibɔŋannin ki tenn ban kaa ye Juu yaaba, wee bi mu li mɔɔn ti ki tenn Juu yaab.

Jemisi 1:1

Min Jemisi wan ye Uwonbɔr nin Uyudaan Yisa Masiya a yomu-n: N poor Uwonbɔr a ninfob ibol piig nin ilee yan yal be dulinya nan a logi ina nan biɛn nin.

Juud 1:1

Min Juud wan ye Yisa Masiya a toontunnu ki ye Jemisi a nabigin, Le sɔb kugbɔŋ nan tenn bininfob ban wee Uwonbɔr yin bin, wee bi ye Uwonbɔr a ninfob jiɛkaab wee Yisa Masiya ŋmag bin: