Tibɔnyaan ti Mak ŋmee ti na 16:17 - UWONBƆR A GBƆNPƆŊ LIKƆƆNL

¹⁷ Amaa ban ŋaam yada nan li tun ligaril a toon; bi na li yin n yinl ki nyan nnaanbiim bininfobin, ki ji pag ileen pɔɔn,

Uwumbɔr aagbaŋ

¹⁷ Binib bi gaa mi ki kii na ga tun lijinjiir aatun. Maayimbil pu le bi ga nyan tiyayaar binib ni; bi ga len iliin yayan;

Tibɔnyaan ti Mak ŋmee ti na 16:17 ပူးပေါင်းရင်းမြစ်များ

Tibɔnyaan ti Mak ŋmee ti na 9:38

Tɔ, le Jɔnn bei Yisa ke, “Wan wɔɔn, ti kan uja uba mu kaah jɔɔ a yinl ki nyan nnaanbiim bininfobin, le ti fuun u bu ke un ta jiɛn na, waah kaa ye ti ni uba-n bu.”

Tibɔnyaan ti Luk ŋmee ti na 10:17

Pilile nin bilee nan nan jirin nin npopeen le ki bei u ke, “Uyudaan; hali nnaanbiim chee sei ti le a yinl bu.”

Jɔnn 14:12

N bei ni ibamɔn le, wan biɛn ŋaam yada ke u li tun maah tun man nin. U li tun tiwann tan jon man, nan bu-n n chaa Baa-n ban le.

Lituln 10:46

Nan bu-n bi gbir baah pag ileen pɔɔn ki donn Uwonbɔr a yinl. Le Piita ke,

Lituln 16:18

U le nan ŋaan man le lidaal biɛn. Waah ŋaan man ni le Pɔɔl a ŋuul nan fii, le u gbiɛ lig u le ki bei kinaaŋ kan be u ni nmɔn ke, “Yisa Masiya a yinl bu, n ke a nyam u ni.” Libol nmɔn le kinaaŋin nyan u ni.

Lituln 19:6

Le Pɔɔl ta u nɔɔi ki paan bi bu, le Kasi a Naaŋ jiirin bi bu, le bi nin pag ileen pɔɔn, ki ji pag ilinlen leen.

Lituln 2:33

Le Uwonbɔr ji ta u kaan U nɔɔjiim paam. Waah kal n-yonn man nin, le u gaa Kasi a Naaŋ kan wee Uwonbɔr nan siin limɔsiinl ke U na li sei win, Kasi a Naaŋ nmɔn le u ta sei ti, le ti gbir ki kan.

Lituln 5:16

Le bininfob ban be Jerusalam a tinbumin mu tu bibaarib, nin ban wee nnaanbiim mugir bin ki dan, le bi biɛn nan kan kutebug.

Lituln 8:7

U na nyan nnaanbiim takpem bininfobin, le bi yigin papaab ki sin nyan, ki ji teb tigbanann kpiindam nin nwɔbim takpem kan kutebug.

1 Korenti 12:10

Kinaaŋ kiba nmɔn le sei uba ligaril a toon a pɔɔm, ki sei uba ilinlen leen a pagim a piini, ki sei uba npɔɔn le u biɛr nnaam a bɔgirim, ki sei uba mu ileen pɔɔn a booli a pagim, le ki sei uba mu ileen pɔɔn nmɔn a kar wɔɔn a pɔɔm.

1 Korenti 12:28

Biwonjiɛmin, Uwonbɔr nan gann itoon le chinchinn, le ki paan bilinlem, ban kpiɛ mitaa le u gann ban wɔɔnn, le ki nin paan ban tun ligaril a toon, le ki ji paan ban jɔɔ kutebug a piini, nin ban li fir ter bitab, le ki gann bitoontum sanliib, nin ban pag ileen pɔɔn a booli.

1 Korenti 12:30

Ti biɛn le jɔɔ kutebug a piin yaa? Ti biɛn le pag ileen pɔɔn naa? Ti biɛn le kar wɔɔn naa?.

1 Korenti 13:1

Ni ye n pag bininfosaalib a leen nin Malakam a leen, amaa wee kaa jɔɔ njiɛm ke, n nann kileŋ le bee libulonl ki mɔr yɔli.

1 Korenti 14:2

Wan pag ileen pɔɔn ke, waa pag tenn uninfosaali, amaa u pag tenn Uwonbɔr le. Uba kaa biɛr i taai amaa u pag liwool a bɔr nmɔn kinaaŋ a pɔɔmin le.