Tibɔnyaan ti Mak ŋmee ti na 14:33 - UWONBƆR A GBƆNPƆŊ LIKƆƆNL

³³ U nan ta Piita le nin Jemisi, nin Jɔnn ki jon. Le u sufu bii ki be ke u yin kpo le-n;

Uwumbɔr aagbaŋ

³³ Le u di Piita, ni Jems, ni Jɔnn buen. Le usui bii pam. Mpombiin ni nsuugar nan muk u sakpen.

Tibɔnyaan ti Mak ŋmee ti na 14:33 ပူးပေါင်းရင်းမြစ်များ

Tibɔnyaan ti Mak ŋmee ti na 16:5

Le bi kɔɔ kukaag nmɔn yaan, ki kan unaachipɔɔn ka nnɔɔjiin paam ki yee daala peŋ fufɔbig. Le ni gar bi takpem.

Tibɔnyaan ti Mak ŋmee ti na 16:6

Le unaachipɔɔn nmɔn bei bi ke, “Ni laa che nin gar ni man ni. Ni ban Yisa wan ye Nazarif a tiŋ a ninfou wan wee bi nan kpaa u lidapunpunl bu n le. U fii nkumin na. Waa be do.

Tibɔnyaan ti Mak ŋmee ti na 5:37

Mambu le Yisa kaa nan ban uba n nɔɔ u ki jo iniin nmɔn yaan ni, see Piita nin Jemisi nin u waal Jɔnn.

Tibɔnyaan ti Mak ŋmee ti na 9:15

Kuninfogbaluŋ nmɔn kaah nan kan Yisa n-yonn man nin, le ni ŋa bi ligaril, le bi guun dan ki nan poor u.

Tibɔnyaan ti Mak ŋmee ti na 9:2

Ni ween iloob daal a bɔɔn, le Yisa nan ta Piita nin Jemisi nin Jɔnn ki don lijɔɔl fufɔgil a paab, bi binba. Iyaayoo le bi kan u gbanann kaah kpenn,

Tibɔnyaan ti Luk ŋmee ti na 22:44

Le waah nan be nton ni bu le u miɛ Uwonbɔr nin u pɔɔm biɛn. Le kutuntoŋ nan pɔɔ u bu ki nann ncham ki too tum.

Hiibru Yaab 5:7

Yisa kaah nan be dulinya nan yaan n-yonn man nin, u nan miɛ Uwonbɔr le ki bei U waah ban nan, ki mɔr nkukɔpɔɔn nin tinyinyinn ki ŋaan U, Uwonbɔr wan li fir fee u nkumin nin, waah nan jɔɔ jiininba ki tenn Uwonbɔr nin limɔcheelin bu le U nan gbir u miɛm.