Tibɔnyaan ti Mak ŋmee ti na 14:26 - UWONBƆR A GBƆNPƆŊ LIKƆƆNL

²⁶ Le bi nan gaa iwonjiɛn lan, ki nyan ki jon Olif a siigi a jɔɔlin a paab.

Uwumbɔr aagbaŋ

²⁶ Le bi gaa Uwumbɔr aalahn, ki buen Olif aasui aajool paab.

Tibɔnyaan ti Mak ŋmee ti na 14:26 ပူးပေါင်းရင်းမြစ်များ

Matiu 21:1

Baah nan tan mal Jerusalam ki be Befeg a tiŋ kan tab lijɔɔl lan wee bi yi li ke Olif a Siigi a Jɔɔlin, le Yisa tun u bɔɔnɔɔbin bilee,

Matiu 26:30

Le bi nan gaah iwonjiɛn lan, ki nyan ki jon Olif a Siigi a Jɔɔl a paab.

Tibɔnyaan ti Mak ŋmee ti na 14:25

Ibamɔn le n bei ni nan, maa ji li nyi ki nyu isiloon a daam nan ni see lidaal man wee n na yin nyu miwanpɔm Uwonbɔr a naamin ni.”

Tibɔnyaan ti Luk ŋmee ti na 22:39

Le Yisa nan nyan ki jon Olif a Jɔɔl a paab, ke waah pii ti ŋaan man nin, le u bɔɔnɔɔb nɔɔ u.

Jɔnn 18:1

Yisa kaah nan nan miɛ Uwonbɔr ki diɛ-n, le uma nin u bɔɔnɔɔb nan lɔŋ Kidironn a fataŋ. Lidool limiɛnin olif a siigi nan be niin, le uma nin u bɔɔnɔɔb nan tan kɔɔ niin.

Lituln 16:25

Le kunyiɛgtasiig le Pɔɔl nin Silasi nan miɛ Uwonbɔr ki gaa liwonpagil a lai-n ki pagir Uwonbɔr, le ban loo kpiɛ bi bu-n nin pelig.

1 Korenti 14:15

Ke n ni yin ŋa nii? N li miɛ Uwonbɔr n naaŋin, le ki ji miɛ u n sufu ni, n li gaah ilan n naaŋin ki ji gaah n sufu ni.

Kolosiya 3:16

Ni che Masiya a bɔŋann nin li be nin ni nbamɔma, wee ni li wɔɔn ni tab, ki gbeer tab nin nlamgɔrikaam, ki li gaah ilan, liwonpagil a lan, nin Kinaaŋ a lan nin linungbeel ni sufu ni ki sei Uwonbɔr.

Jemisi 5:13

Ni ni uba be tibɔmugkaarin naa? Un miɛm Uwonbɔr. Ni ni uba jɔɔ lipoopenl laa? Ni che un gaah ilan ki pag Uwonbɔr.

Tibɔkpiirkaan 5:9

Le bi gaah ilan pɔɔn ki ke, “Fin le kpaan nin a yuur kugbɔŋ nmɔn ki loor ndaagimin, nan bu-n fin le bi nan kɔr, le a ta a cham ki da bininfob ki sei Uwonbɔr ki nyan imaal biɛn nin ileen biɛn, nin bininfob biɛn nin ibol biɛn ni.