Tibɔnyaan ti Mak ŋmee ti na 13:27 - UWONBƆR A GBƆNPƆŊ LIKƆƆNL

²⁷ Iyaayoo nmɔn, u na yin tun malakam le kutingbɔŋ nan yaan biɛn, liwonpɔɔnl nin liwonlul, nin nnɔɔgan, nin nnɔɔjiin, wee bin lagin Uwonbɔr a ninfogannkaabin bogiliba.

Uwumbɔr aagbaŋ

²⁷ N‑yoonn ngbaan le m ga tun Uwumbɔr aatuuntiib dulnyaa wee ponn ni mɔmɔk, liwipuul, ni liwilir, ni ŋŋangan, ni ŋŋangii wɔb, bi ti kuuni maanib mɔmɔk, ki di dan m chee.”

Tibɔnyaan ti Mak ŋmee ti na 13:27 ပူးပေါင်းရင်းမြစ်များ

Matiu 12:42

Tibɔr a ji daal Itopiya a Piibɔru na li nyann nnɔɔgan paam ki fii sir paab ki galin daandaan nan a ninfob, nin waah nan nyan kitiŋ a diɛtarig ki dan ke un nan gbir ubɔr Solomɔnn a lamgɔrikaam a bɔr, liga, uba be ki jon Solomɔnn na.

Matiu 13:41

Uninfosaal a Big na li tunn malakam bi nan gann tininfobir ban che bi tab tun titoonbir nan biɛn, nin tibir dam nan biɛn.

Matiu 13:49

Ni na yin ye man le dulinya a diɛ daal. Malakam na li dan ki nan gann bibuchim, ki jiɛn tininfobir,

Matiu 24:22

Naa ye Uwonbɔr tɔɔl li nan war limugil lan chaan nmɔn a weehn ke, uba kaa yin ŋmari. U ninfogannkaab a nyunyunbasanl bu le u li war limugil nmɔn a weehn.

Matiu 24:24

Nan bu-n tibɔkar a masiyam nin tibɔkar a linlem na li degirin ki ŋa ligaril a siɛra ki tun ligaril a toon gbingbemi, ki lar Uwonbɔr a ninfogannkaabin, ni ye ni bi li fir ke.

Matiu 24:31

Kunaatuŋ na li mɔɔ, le u li tun u malakam le bin jo ki tan lagin u ninfogannkaab ban be paab a logi biɛn.

Tibɔnyaan ti Mak ŋmee ti na 13:20

Ni ye Uyudaan kaa war fala a dam nmɔn wee i yin yab man ke, uba kaa na li ŋmari, amaa u ninfogann kaabin a nyunyunbasanl bu, u li war fala a daai nmɔn a yabim.

Tibɔnyaan ti Mak ŋmee ti na 13:22

Bilinlarib na li be. Biba mu na li bei ke bi ye Masiya le. Biba mu na li len ke bi ye Uwonbɔr a linlem le. Bi na li tun ligaril a toonl nin ligaril a siɛra ki pɔɔn bi ba ki lar Uwonbɔr a ninfogannkaab.

Tibɔnyaan ti Mak ŋmee ti na 13:28

Ni ta bikinkam ki tinn nlama man, naah ti nan kan busub nmɔn be bun tifar ke, ni biɛr ke kusiɛg foon.

Tibɔnyaan ti Luk ŋmee ti na 16:22

“Le faladaan nin nan kpo, le malakam nan ta u jon Abiraham ban. Le ujɔɔndaan nin mu nan kpo, le bi pii u.

Tibɔnyaan ti Luk ŋmee ti na 18:7

Ke Uwonbɔr kaa li sei u ninfogann kaab ban miɛ u nween nin kunyiɛgin ibamɔn naa? U li yii baa?

Jɔnn 10:16

N jɔɔ ipee iba yaa ye likpinkpenl nan a peei. Ni kpaa le n taan itɔɔl ni. I mu li pel n kukɔl, wee i nlabir ipee iba yan nɔɔ tab ki jɔɔ upeekpaar uba.

Jɔnn 11:52

le naa ye bi bol a binba bu, amaa Uwonbɔr a bum ban yaalin, ke un lagin bi bogil liba wee bi ŋa ninfo uba.

Rom Yaab 8:33

Ŋma li fir galin bininfob ban wee Uwonbɔr gann nan naa? Uwonbɔr le len ke bi bɔr ŋan.

Kolosiya 3:12

Mambu, naah ye Uwonbɔr a ninfogannkaabin wee u jiɛ ni ki ŋa ni kasi-n, ni ta linyunyunbasanl nin tiŋann, nin jiininba, nin nbinben ŋan nin limɔril ki kpann daala ki yee u.

2 Tesalonika 2:1

Ki jiin ti Yudaau Yisa a dam paam nin taah na yin lagin U ban man, le ti balin ni ke, n nabum,

2 Timoti 2:10

Mambu le n pɔɔn nba niwann biɛn nin Uwonbɔr a ninfob gannkaab nbu, ke bi mu n kan nŋmarim man be Masiya nin, nin jilima kan kaa jɔɔ ndiɛmin.

1 Piita 1:2

ban wee bi nan gann, wee ti Baa Uwonbɔr pii nan nyi ke bi li gann bin, ŋa bi kasi, Kasi a Naaŋ a toon bu-n, ki che bi chee Yisa a mɔb le u cham n ŋunn bi: Linyunyunbasanl nin nposɔɔn li be ni bu takpem.