Tibɔnyaan ti Mak ŋmee ti na 13:11 - UWONBƆR A GBƆNPƆŊ LIKƆƆNL

¹¹ Bi nan ta ni ki jon bibɔjib ban ke, ni laa che ni mug ni naah li pag man ni, n-yonn nmɔn nan foo ke, Kasi a Naaŋ li wɔɔn ni naah li pag man, tibɔr tan wee ni na yin pag nmɔn kaa na yin ye ni baantɔɔl a bɔri, ni na yin nya Kasi a Naaŋin ban le.

Uwumbɔr aagbaŋ

¹¹ Bi yaa chuu nimi, ki di buen bibɔjirb chee kan, ni taa puen dak nisui ni ke ni ga len kinye. N‑yoonn ngbaan yaa nan fuu ni kan, ni len Uwumbɔr aah ga tuk nimi pu na. Naa ye nimi le ga len. Uwumbɔr Aafuur Nyaan le ga len.

Tibɔnyaan ti Mak ŋmee ti na 13:11 ပူးပေါင်းရင်းမြစ်များ

Matiu 10:17

Ni li nyi bininfob bu, bi na li choo ni ki ta ni jo bibɔjib ban, ki boo ni tiwonjiɛndirin.

Tibɔnyaan ti Mak ŋmee ti na 13:12

Iyaayoo nmɔn, uninfo na li gbii u baantɔɔl a na big bu ki che bin ku u, bibaam mu na yin ŋa man le ki sei bi tɔɔl a buwaab, le nbuwaab mu na yin kɔn nin bibaam le, ki che bin ku bi.

Tibɔnyaan ti Mak ŋmee ti na 13:9

“Ni li guu ni ba man. Bi na li choo ni ki ta ni jo bibɔjib ban ki boo ni tiwonjiɛndirin. Min bu ni na li sir ntim a ninkpeeb nin bibɔrtiib a nintogil, ki bei bi n bɔŋann ni.

Tibɔnyaan ti Luk ŋmee ti na 21:12

“Amaa ni nan biɛn nan yin ŋa ke, bi li choo ni ki mugir ni. Bi na li ta ni ki jo tiwonjiɛndirin nin tiloondirin, le ki ji li ta ni jo bibɔryudam nin kitiŋ a yudam ban, ki ji ni tibɔr n yinl bu.

Jɔnn 3:27

Le Jɔnn jiin ki len ke, “Uninfo le li fir gaa nan nyan paab ki tenn u le.

Lituln 2:4

Le bi biɛn nan gbee nin Kasi a Naaŋ ki piin ki pag ileen pɔɔn kinaaŋin a pɔɔmin.

Lituln 3:13

Uwonbɔr wan nan ye Abiraham nin Azig nin Jekɔb nin ti yaajam a Wonbɔru nan, U ma ye wan don U toon tun, Yisa le ni ta u ki ŋubin bi yudam a nɔɔn ke bin ku u, le Palati nan bigin un jaa u, le ni ji yii u Palati a nintogil.

Lituln 4:31

Baah miɛ Uwonbɔr ki diɛ nan, le baah be kudiig kan a poolin nin degin. Le Kasi a Naaŋ gbeen bi biɛn nan, le bi pag Uwonbɔr a bɔr nin lipoobil.

Lituln 6:10

Amaa baa nan fir pag nyaŋ Sitifin ni, nan bu-n u na pag nin nlam gɔr kaam le nin Kinaaŋ a pɔɔm.

Lituln 6:15

Le ban nan lagin ka Juu yaab a yudam a laguŋ nmɔn yaan biɛn nan ta bi numbili ki kpaa Sitifin, ki nan kan u num paam kaah nann Malaka a num.

Lituln 7:55

Amaa le Sitifin gbee nin Kasi a Naaŋ, le ki waan lig papaab, ki kan Uwonbɔr a pag, le Yisa si Uwonbɔr a nɔɔjiim paam,

1 Korenti 2:13

Taah pag imɔleen yan nmɔn kaa nyan Uninfosaal a wɔɔnim a lamin ni, amaa imɔleen nmɔn nyan Kinaaŋin le, yan ye kinaaŋ a mɔleen ki wɔɔn ibamɔn ni.

Efesusi 3:5

Uwonbɔr kaa nan kpiir tibɔwoonkaar nmɔn ki wɔɔn n-yonn man nan jon nin a ninfobi, amaa daandaan nan Kinaaŋin kpiir tibɔwoonkaarin ki wɔɔn Uwonbɔr a kasi a tooi nin u linlema.

Jemisi 1:5

Ni ye ni ni uba par nlam ke, u yaadaan n miɛm Uwonbɔr wan tenn bininfob nin tibuchinn wee kaa galin uba-n li ta sei u.

1 Piita 1:12

Ni nan kpiir ki wɔɔn bi ke baa nan tun tenn biba le, amaa nim. Bilinlemin kaah nan pag tiwann tan wee ni gbirin wee ban mɔɔn tibɔŋann nin mɔɔn ti sei ni Kasi a Naaŋ kan nyan paabin a pɔɔm bu-n. Hali malakam ban bin biɛ tiwann nmɔn le.