Tibɔnyaan ti Mak ŋmee ti na 10:17 - UWONBƆR A GBƆNPƆŊ LIKƆƆNL

¹⁷ Yisa kaah nan nyan ni yaan ki chaa nmɔn, le uja uba guun kenn u ki gbaan u nintogil, le ki baan u ke, “Wan wɔɔn ŋan, n yin ŋa nii wee ki nan kan limiɛfol lan kaa jɔɔ ndiɛm aa?”

Uwumbɔr aagbaŋ

¹⁷ Yesu aah nyan nima chee na, le uja ubaa san choo u chee, le ki nan gbaan unimbiin ni, ki baa u ke, “Umɔmɔkr nyaan, m ga ŋa kinye ki kan limɔfal li kaa kpa ndoon na?”

Tibɔnyaan ti Mak ŋmee ti na 10:17 ပူးပေါင်းရင်းမြစ်များ

Matiu 17:14

Baah nan foo kuninfogbaluŋin ban ni; le uja uba dan ki nan gbaan Yisa a nintogil. Le ki bei u ke,

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Matiu 28:8

Le bipiibin nyan kukaag nmɔn ban ki guun jon ke bin tan bei u bɔɔnɔɔbin, le bijawaam jɔɔ bi, amaa le ki sin jɔɔ npopeen.

Tibɔnyaan ti Mak ŋmee ti na 1:40

Tɔ, le kikɔŋ kiba nan dan Yisa ban, ki nan gbaan u nintogil ki balin u ke, “Ni ye a ban ke, a li fir che n pɔɔg.”

Tibɔnyaan ti Mak ŋmee ti na 10:18

Le Yisa jiin ki bei u ke, “Ba ŋa wee a yim uninfo ŋan naa? Uba kaa be ki ye uninfo ŋan ni, see Uwonbɔr a binba.

Tibɔnyaan ti Mak ŋmee ti na 12:14

Le bi nan foon ki baan u ke, “Wan wɔɔn, ti nyi ŋaah pag ibamɔn, kaa san bijawaam nin bininfob kaah li tiɛr man ni. A biɛ wɔɔn bininfob Uwonbɔr a sam nin ibamɔn, le a baga kaa be nin uninfo kaah ye wan ni. Mambu, bei ti ni, ni ŋan nin ti yɔ lampo ki sei Rom a tiŋ a bɔru Siiza, bee ti laa yɔɔ?”

Tibɔnyaan ti Mak ŋmee ti na 9:25

Yisa kaah nan kan ke bininfobin nan mann tir ki chaan bi ban ni, le u tiɛn kinaanbiig nbu ke, “Fin kinaanbiig tukpaabig nan, min le seiŋ bimɔb ke a nya u ni ki laa ji nyi ki jirin u ni jigin ni.”

Tibɔnyaan ti Luk ŋmee ti na 10:25

Kulaguŋ kiba ni le ban nyi nsiim chobchob nan a ni uba nan fii sir ki ban un mag Yisa, le ki baan u ke, “Wan wɔɔn, n yin ŋa niin wee ki kan limiɛl lan kaa jɔɔ ndiɛm maa?”

Jɔnn 3:2

Daal liba a nyiɛg le u nan dan Yisa ban le ki nan ke, “Rabbi, ti nyi ke a ye wan wɔɔnn le ki nyann Uwonbɔr ban. Nan bu-n uba kaa li fir ŋa ligaril a siɛram yan wee a ŋaan nan wee naa ye Uwonbɔr le be u ban ni.”

Jɔnn 5:39

Ni tinn Uwonbɔr a gbɔŋin le linunmanl ki tiɛr ke nsɔbimin bu ni li kan limiɛfol lan kaa jɔɔ diɛmi. Nsɔbim nan mu li wɔɔn siɛra maah ye wan,

Jɔnn 6:40

Baa-n kaah ban man ye le ke wan biɛn lig kan Bija-n ki ŋa u yada ke u li kan limiɛfol lan kaa jɔɔ diɛmin, le lidajoorikaalin n li don u paab.”

Lituln 16:30

Le u nan ta bi ki nyan tan baan bi, “N yin ŋa ni wee ki kan feegabaa?”

Lituln 2:37

Bininfobin kaah nan gbir man ni, le bi sufu nan bii takpem, le bi baan Piita nin u tooi tabin ke, “Ti na a buwaab ti yin ŋa nii?”

Lituln 20:32

“Daandaan nan, n jɔɔ ni ki ŋubin Uwonbɔr a nɔɔn nin U nyunyunbasanl a mɔleen yin bu, U bɔr nmɔn le li fir che ni nɔɔ nbamɔm, ki li fir sei nim ban biɛn wee u ŋa ni u kasi a ninfobin lifaal.

Lituln 9:6

Daandaan nan fiim ki li chaa kitiŋ nmɔn yaan na, bi li beiŋ nan kpaa talar wee a ŋa.”

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

Rom Yaab 6:23

Titoonbir a nyɔɔr ye nkum le, amaa le Uwonbɔr a piin ye limiɛfol lan kaa jɔɔ ndiɛm ti Yudaau Masiya ni.

Efesusi 1:18

N ji miɛ Uwonbɔr le ke Un ligir ni sufu wee ni biɛ tama kan bu wee U yin ni-n, ki ji biɛ U jilima takpenl a faal lan wee U nan siin limɔsiinl ki sei U ninfogannkaabin,

Taitus 3:7

U nyunyunbasanl bu le U ke tibɔr ŋan, ti na li ŋa Uwonbɔr a faajib ki jɔɔ limiɛfol lan kaa jɔɔ diɛmin a tama.

Hiibru Yaab 1:14

Naa ye malakam biɛn ye nnaam ban tun itoon le ki tenn ban biɛn yin kan nŋmarimin naa?

1 Piita 1:4

ki sei ti lifaal lan kaa li nyi buri, bee ki bii bee ki wiiri. Le li be paab ki guu nim,

1 Jɔnn 2:25

Waah siin ti limɔsiinl lan ye le ke, U li sei ti limiɛfol lan kaa jɔɔ diɛm.