Tibɔnyaan ti Mak ŋmee ti na 1:5 - UWONBƆR A GBƆNPƆŊ LIKƆƆNL

⁵ Le bininfob nan nyan Judiya a tingbɔŋin biɛn nin Jerusalam a timin, ki dan u ban ki nan kpiir bi toonbir, le u nan fun bi Uwonbɔr a nyunful Jɔdann a kpenn.

Uwumbɔr aagbaŋ

⁵ Le kinipaak nyan Judea aatim mɔmɔk ni, ni Jerusalem aatiŋ ni, ki dan u chee, ki nan kpiir baatunwanbir tuk Uwumbɔr. Le Jɔnn muin bi nnyun ni, Jɔɔdann aamɔɔl ni.

Tibɔnyaan ti Mak ŋmee ti na 1:5 ပူးပေါင်းရင်းမြစ်များ

Matiu 4:25

Le kuninfogbaluŋ nan nyan Galilii, nin Ntim Piigin nin Jerusalam nin Judiya, nin Jɔdann a kpenn dool yaab biɛn nan nɔɔ u.

Tibɔnyaan ti Mak ŋmee ti na 1:4

Tɔ le Jɔnn nan dan, ki nan be kukunkɔɔg a paab ki fu bininfob Uwonbɔr a nyunfulin, ki mɔɔn linyunful lan ye nkpenim nin tibir a jiɛn per.

Tibɔnyaan ti Mak ŋmee ti na 1:6

Jɔnn nan yee alakoomi a gbɔŋ le, ki ji lol kugbɔŋ a changbam u chaŋin, u jiir nan ye itɔɔn nin inaanyoon a seer le.

Jɔnn 1:28

Ni nan biɛn nan ŋa Betani, Jɔdann a kpengonl lan yaan wee Jɔnn nan fu bininfob Uwonbɔr a nyunfulin le.

Jɔnn 3:23

Jɔnn tɔɔl nan fu bininfob Uwonbɔr a nyunful le Anon kan mal Salim a tiŋin, nan bu-n nnyum takpem le nan be niin, le bininfob nan ti chaan u ban le u fu bi Uwonbɔr a nyunful.

Jɔnn 5:35

Jɔnn le nan ye fila kan gaan ki sei ni nwonween, le ni nan gann n-yonn nba ki ji nwonween nmɔn a mɔm.

Lituln 19:18

Le ban nan ye biwonjiɛmin takpem nan nyan npaan ni ki nan kpiir bi toonbir.

Lituln 2:38

Le Piita bei bi ke, “Ni jiɛn ni toonbir a tuma, wee ti fu ni biɛn nan Uwonbɔr a nyunful, Yisa Masiya a yinl bu, wee Uwonbɔr njiɛn ni bir ki per ni, ki sei ni ipiin yan ye Kasi a Naaŋin.

Jemisi 5:16

Mambu, ni kpiir ni bir ki wɔɔn taba, ki li miɛ Uwonbɔr ki tenn taba wee ni kan kutebug. Ubuchinn a wonmiɛl jɔɔ npɔɔn le mitoon yin.