Matiu 9:9 - UWONBƆR A GBƆNPƆŊ LIKƆƆNL

⁹ Le Yisa nyan nin yaan ki chaa, ki tan kan uja uba, le bi yi u ke Matiu, ki miin u ka u toon yin le bilanpogaab a nanbonn; le Yisa bei u ke, “Fii ki li nɔɔm ni.” Le u fii ki nɔɔ u.

Uwumbɔr aagbaŋ

⁹ Le Yesu siir nima ki buen. Waah cha na, le u kan ulampoogaar ubaa bi yin u ke Matiu. U ka baah gaal lampoo nin chee na. Le Yesu bui u, “Li dii mi.” Le u fii ki dii u.

Matiu 9:9 ပူးပေါင်းရင်းမြစ်များ

Matiu 10:3

Filib nin Batolomiu; Tomasi nin Matiu wan nan ye ulanpogaar nan, nin Jemisi wan nan ye Alifiu a bija nan, nin Tadiɛsi,

Matiu 20:4

Le u bei bi ke, ‘Ni li chaa n kpaabin ki ta li kou, wee n yɔ ni nan kpaan ni.’

Matiu 8:22

Le Yisa bei u ke, “Li nɔɔm ni wee ki che bitakpiib li pii bi taba.”

Matiu 9:10

Yisa kaah nan be Matiu a niin ki ji kujɔɔg a jiir n-yonn man ni, le bilanpogaab biba nin tibirdam takpem kɔɔn ki nan kal kpiɛ Yisa nin u bɔɔnɔɔbin bu ki ji bi ban.

Tibɔnyaan ti Mak ŋmee ti na 3:18

nin Anduru, nin Filib, nin Batolomiu, nin Matiu, nin Tomasi nin Jemisi wan ye Alifiu a bija nan, nin Tadiɛsi, nin Simɔnn wan wee bi yi u ke Zealo wee u nan kɔn u bol a kaal bu-n,

Tibɔnyaan ti Luk ŋmee ti na 6:15

nin Matiu, nin Tomasi, nin Jemisi wan ye Alifiu a bija nan; nin Simɔnn wan wee bi nan yi u ke Zealo;

Lituln 1:13

Baah foo Jerusalam n-yonn man nin, le bi jon tan kɔɔ iniin yan yaan wee bi ti be-n, i nan ye tidititɔɔr le. Ban nan be nin yaan le ye Piita, Jɔnn, Jemisi nin Anduru; Filib nin Tomasi, Batolomiu nin Matiu; Jemisi wan nan ye Alifiu a bija-n, nin Simɔnn wan wee bi nan yi u ke zealo, nin Judasi wan ye Jemisi a bija-n.

Galantiya 1:16

ki kpiir U bija wan be n ni-n ki wɔɔn ke n ta u ki mɔɔn ki sei ban kaa ye Juu yaabin, maa nan gbeer uba,