Matiu 8:16 - UWONBƆR A GBƆNPƆŊ LIKƆƆNL

¹⁶ Lidaal nmɔn a jɔɔg, bi nan ta bininfob takpem ban wee nnaanbiim nɔɔ bin ki dan Yisa ban; le u pag limɔbonl ki nyan nnaanbiim nmɔn, le ki ji teb bibaarib nmɔn biɛn.

Uwumbɔr aagbaŋ

¹⁶ Kijook aah joor na, le binib dan Yesu chee, ki joo ni binib bi tiyayaar joo bi na pam. Yesu nan po len tibɔr baanja la, le tiyayaar ngbaan nyan bi ni. Le u cha bibum mɔmɔk mu pɔɔk.

Matiu 8:16 ပူးပေါင်းရင်းမြစ်များ

Matiu 12:22

Le bi nan ŋmagin uja uba le nnaanbiim be u ni, ki ŋa u kubirug, ki ji ŋa u ujɔɔn, le Yisa che u kan kutebug, ki nin gaa ki sin pag.

Matiu 14:14

Yisa kaah nyan kuŋaluŋ n-yaan ki kan kuninfogbaluŋin ni, le kunyunyunbaag choo u, le u teb bi wiɛn.

Matiu 8:15

Le Yisa maa u nɔɔ; le u gbanantoŋ nmɔn diɛ, le u fii ki ŋa bi kuchɔŋ.

Matiu 8:33

Le ban guu idool nmɔn fii ki guun jon kitiŋ n-yaan, ki tan mɔɔn nan biɛn tun, nin nnaanbiim kaah nyan bijab n-yaan man.

Matiu 9:2

Lig, bininfob biba nan ŋmag; tigbanann kpiindaan uba ki ta u paan kikpaarig bu, ki ta u dan Yisa ban. Yisa kaah kan ke bi ŋa u yada man ni, le u bei ubaarin ke, “N bija, che a sufu li pɔɔu ke n jiɛn a bir ki periŋa.”

Tibɔnyaan ti Mak ŋmee ti na 2:3

Bininfob biba le nan ta tigbanann kpiin daan uba ki dan Yisa ban; bi nan ye bininfob bina le.

Tibɔnyaan ti Mak ŋmee ti na 5:8

Yisa pii chinn ki fuun kinaanbiig nbu le ke, “Fin kinaanbiig nan, nyau ki sin jiɛn uja-n na.”

Tibɔnyaan ti Mak ŋmee ti na 9:25

Yisa kaah nan kan ke bininfobin nan mann tir ki chaan bi ban ni, le u tiɛn kinaanbiig nbu ke, “Fin kinaanbiig tukpaabig nan, min le seiŋ bimɔb ke a nya u ni ki laa ji nyi ki jirin u ni jigin ni.”

Tibɔnyaan ti Luk ŋmee ti na 13:12

Yisa kaah nan kan win, le u yin u nyann nintogil le ki bei u ke, “Upii, a wiɛn nmɔn jaa ŋa.”

Tibɔnyaan ti Luk ŋmee ti na 4:40

Nween kaah nan nan yin lu n-yonn man ni, le ban biɛn nan jɔɔ bibaarib bi niin yin ni nan ta bi ki dan Yisa ban; bi nan bu iwiɛn a booli a booli le u ta u nɔɔ ki ma ma bi, le bi kan kutebug.

Tibɔnyaan ti Luk ŋmee ti na 4:41

U ji nan che nnaanbiim nyan bininfobin takpem. Baah nan nyan diɛ nan le bi tiɛn nmɔpɔɔn ke, “A ye Uwonbɔr a Bija le.” Amaa le u nan fuun bi bu kaa ji nan che bi pag jigin ni, nan bu-n bi nan nyi waah ye Masiya.

Lituln 5:15

Mambu le bininfob nan nyan nin bibaarib, ki paan bi gadum nin tiwandɔɔn wann bu, nsan gbaan ke Piita nan chaa jo n-yonn man ke, u jinjiim li lu bibam bu.