Matiu 7:7 - UWONBƆR A GBƆNPƆŊ LIKƆƆNL

⁷ “Li miɛu ke bi li ta seiŋ; li ban na, ke a li kan; li kpaar linaanganla, ke li li loor ki seiŋ.

Uwumbɔr aagbaŋ

⁷ “Ni li mee Uwumbɔr man, le u ga tii nimi. Ni li ban Uwumbɔr chee man, le ni ga kan. Ni li kpaar jaaleŋ man, le u ga piir tii nimi.

Matiu 7:7 ပူးပေါင်းရင်းမြစ်များ

Matiu 18:19

“N ji bei ni le, ni ninfob bilee kpaag bimɔb dulinya nan yaan ki miɛ n Baa Uwonbɔr wan be paab nan niba bu ke, u li tun naah ban man ni ki sei ni.

Matiu 21:22

Nan biɛn wee ni li miɛ Uwonbɔr ni bu, ni ye ni ŋa yada ke, ni sin li kan.”

Matiu 6:33

Amaa ni chinn ban U naamin nin U buchinn binbemin na, le u li ta ni niɛ biɛn ki sei ni.

Matiu 7:11

Ke ni ye nim ban ye tibirdam nan nyi ipiin ŋan ni ta sei ni buwaab ke, ni Baa Uwonbɔr wan be paab nan ma kaa nyi nan ŋan kag ki li ta sei ban miɛ waa!

Matiu 7:8

Nan bu-n wan biɛn miɛ ke u gaan le; le wan biɛn mu ban ke u li kan; le wan kpaar linaanganl le li loor tenn.

Tibɔnyaan ti Mak ŋmee ti na 11:24

Ni ma bu le n bei ni ke, ni li jɔɔ yada ni sufu ni ke naah miɛ ki ban niwann nan ni nmɔn ni pii gaa niwann nmɔn na, le ki sin li kan.

Tibɔnyaan ti Luk ŋmee ti na 13:25

Ni ye uniindaan nan fii ki loon linaanganl wee ni paar ki si nkaafiin ki kpaar linaanganl ki ke, ‘Uninkpel, loora wee ti kɔɔ ke.’ “Amaa u li ke, ‘Maa nyi ni; kaa nyi naah nyan nan yaan ni.’

Tibɔnyaan ti Luk ŋmee ti na 18:1

Le Yisa gaa u bɔɔnɔɔb libɔŋal ki wɔɔn bi ke li ŋan ni bi li miɛ Uwonbɔr iyoo biɛn, wee ki laa bagir ki ta jiɛn ni.

Jɔnn 15:16

Nim li kaa nan gann mi, amaa min li nan gann ni ke ni lo iloon yan kaa jɔɔ diɛmi. Wee Baa-n li sei ni niwann nan biɛn wee ni baan u n yinl bu.

Jɔnn 15:7

Ni ye ke ni be nin min wee n mɔleen be nin ni ke, ni baan naah ban nan biɛn bu ke, ni li kan ni.

Jɔnn 4:10

Le Yisa jiin u ke, “Ni ye ke a nyi Uwonbɔr a piin nin wan miɛŋ nnyunyukaam nan ke, a bi li baan u le u bin seiŋ limiɛfol a nyum.”

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

Rom Yaab 3:11

Uba kaa be ki biɛ ni taai yi, uba kaa be ki ban Uwonbɔr a boli.

Hiibru Yaab 11:6

Naa ye yada ke uba kaa li fir tun wee nin gbee Uwonbɔr a numi, nan bu-n wan biɛn dan Uwonbɔr ban ke ni ŋan udaan li jɔɔ yada ke Uwonbɔr be, ki ye wan tenn ban ban u nin inunman tinyɔɔr.

Jemisi 5:15

Bi miɛ nin yada ke, ubaar nmɔn li pɔɔg, Uyudaan li fiin u paab. Ni ye u ŋa tibir le ke, u li kan jiɛn per.

1 Jɔnn 3:22

ki li kan nan biɛn wee ti miɛ U, nan bu-n ti chee U siima, ki tun nan li gbee U num.