Matiu 7:21 - UWONBƆR A GBƆNPƆŊ LIKƆƆNL

²¹ “Naa ye ban biɛn beim ke, ‘Uyudaan, Uyudaan,’ li na li kɔɔ paab a naamin ni, amaa wan chee ki tun n Baa wan be paab a bamin.

Uwumbɔr aagbaŋ

²¹ “Naa ye binib bimɔk yin mi ke ‘Dindaan, Dindaan’ na le ga koo Uwumbɔr aanaan ni. Binib bi ŋani Nte Uwumbɔr u bi paacham na aah gee pu na le ga koo waanaan ni.

Matiu 7:21 ပူးပေါင်းရင်းမြစ်များ

Matiu 12:50

Nan bu-n wan tun n Baa wan be paab nan a bam ke, u ma ye n waal nin n ninsa nin n na.”

Matiu 16:17

Le Yisa jiin ke, “Fin Simɔnn Jona a bija nan, tikaar be a bu, nan bu-n naa ye uninfosaal le kpiir tibɔr nan ki wɔɔn niŋi, amaa n Baa wan be paab nan le kpiir ti ki wɔɔniŋ.

Matiu 18:10

“Ni li nyi man ki laa yin nbuwaab nan a ni uba yɔli; nan bu-n n bei ni le, bi malakam ban be paab nan be n Baa wan be paabin a nintogil le iyoo biɛn.”

Matiu 18:19

“N ji bei ni le, ni ninfob bilee kpaag bimɔb dulinya nan yaan ki miɛ n Baa Uwonbɔr wan be paab nan niba bu ke, u li tun naah ban man ni ki sei ni.

Matiu 18:3

le ki bei bi ke, “N bei ni ibamɔn le, wan kaa kpenn u binbem wee ki be ke kibigin ke, waa li kɔɔ paab a naamin yaan ni.

Matiu 18:35

“Naa jiɛn per ni tab nin ni sufu biɛn ke, man le n Baa wan be paab nan yin ŋa ni mu.”

Matiu 19:24

N ji bei ni le ke, ni pɔɔ pam nin ujɔɔndaan nnan kɔɔ paab a naamin ki jon alakoomi kaah li kuur siɛrig a bolin ki nyau.”

Matiu 25:10

“Amaa baah nan labir jon ke bin tan da fila nyumin, le lipiichanil daan nmɔn foon. Bilandam biŋmu ban nan ŋa sili-n ma nan nɔɔ u le ki jon ipiichan niin ki tan kɔɔ ndiin le bi loon ki kpal linaanganl.

Matiu 25:21

“Le u yudaau nmɔn jiin bei u ke, ‘N faan, a ye utoontunn ŋan le! Ki ji tun nbamɔm, ŋaah ŋmag wama nan nbamɔm nan, mambu, n yin ta tiwann takpem a ninkper le ki ŋa a nɔɔn. Npopeen man wee n jɔɔ nan, ni ye min nin fin yaal le.’

Matiu 26:39

Le u fɔr ki jon bi nintogil wama, ki gbaan le u yutunl tan ma tum, le ki miɛ Uwonbɔr ke, “N Baa, ni bi li fir ke, a laa che n nyu kiyiinyɔɔg nan yaan ni. Amaa che a bam le n tun, wee ni laa ye min a bami.”

Matiu 26:42

Le u ji nan jir nfim milee ki tan miɛ ke, “N Baa, ni ye kiyiinyɔɔg nan kaa li fir lagir n bu wee ni ye n nyu ki yaan le ke, a che a bam ntun.”

Tibɔnyaan ti Mak ŋmee ti na 3:35

Wan biɛn tun Uwonbɔr a bamin, u ma ye n kpel nin n waal nin n ninsa nin n na.”

Tibɔnyaan ti Mak ŋmee ti na 9:47

A numbil mu li ti ji yin che a yiim ke, a logir mi ki nyan na, ni ŋan nin uninfo li jɔɔ nnumbim nba ki tan kɔɔ Uwonbɔr a niin a naamin ki jon nin u li jɔɔ inunbil ilee wee ki tan kɔɔ nŋmi man kaa jɔɔ njunim n-yaan na.

Tibɔnyaan ti Luk ŋmee ti na 11:28

Le U jiin ke, “Tikaar be bininfob ban gbir Uwonbɔr a bɔr ki chee ti nan bu,”

Tibɔnyaan ti Luk ŋmee ti na 13:25

Ni ye uniindaan nan fii ki loon linaanganl wee ni paar ki si nkaafiin ki kpaar linaanganl ki ke, ‘Uninkpel, loora wee ti kɔɔ ke.’ “Amaa u li ke, ‘Maa nyi ni; kaa nyi naah nyan nan yaan ni.’

Tibɔnyaan ti Luk ŋmee ti na 18:25

Ibamɔn, alakoomi kaah li kuur siɛrig a bonlin kaa pɔɔ foo nin ujɔɔndaan n fir kɔɔ Uwonbɔr a naamin ni.”

Tibɔnyaan ti Luk ŋmee ti na 6:46

“Ba ŋa wee ni yim ‘Uyudaan, Uyudaan,’ kaa sin tun maah len man naa?

Jɔnn 14:7

Ni ye ke a sin nan biɛm ke, a li biɛ n Baa-n baantɔɔl. Daandaan nan ki jɔɔ chaa, a num kan wa le ki biɛ wa.”

Jɔnn 15:23

Wan nam ke u nan n Baa baantɔɔl le.

Jɔnn 3:5

Le Yisa jiin ke, “N beiŋ ibamɔn le, uba kaa li fir kɔɔ Uwonbɔr a naamin ni, see ke bi ma u nin nnyum nin Kasi a naaŋin.

Jɔnn 5:17

Le Yisa bei bi ke, “N baa le tun U toon le ki nan kpaa dinan, le n mu, tɔɔl, tun le.”

Jɔnn 6:40

Baa-n kaah ban man ye le ke wan biɛn lig kan Bija-n ki ŋa u yada ke u li kan limiɛfol lan kaa jɔɔ diɛmin, le lidajoorikaalin n li don u paab.”

Jɔnn 7:17

Ni ye wan gann ke un tun Uwonbɔr a bam ke, u li biɛ ke n wɔɔnimin nya Uwonbɔr ban le bee ni ye n tɔɔl a biɛm lee.

Lituln 14:22

ki pɔɔgir bi bɔɔnɔɔbin a gbanann nin bi sufu ke bi mann sir bi yada bu nin ibamɔn na. “Ni kpaa le nin ti kɔɔ tibɔmug kaarin takpem wee ki nin nan kɔɔ Uwonbɔr a naamin.”

Rom Yaab 12:2

Ni laa chee sei dulinya nan yaab a binbem jigin ni, amaa ni mann pɔŋ ni potiɛla wee ni binbemin kpenn. Ni ma le ni li fir mag ki chee Uwonbɔr a bam kaah ye man. U bam man ŋan ki jɔɔ linungbeel ki be chasi-n.

Rom Yaab 2:13

Nan bu-n naa ye ban gbir nsiimin le ye bibuchim Uwonbɔr ban ni, amaa ban chee sei nsiimin bi ma le bi na li yin bi bibuchim.

Efesusi 6:6

Ni laa jɔɔ limɔcheel ki tenn bi ke bi num ngbee ni n-yonn man wee bi be ni ban ni, amaa ni li jɔɔ limɔcheel nan li gbee Uwonbɔr a num nin ni sufu biɛn naah ye Masiya a yomin bu.

Kolosiya 4:12

Epafarasi, wan ye ni ni uba wee ki ji ye ni toontunn kpiɛg Masiya a toon nin mu poor ni. U miɛ Uwonbɔr le nin linunmanl iyoo biɛn ki tenn ni, ke ni sir kenken ki li ye bininfob chegirikaab ban tun Uwonbɔr a bam.

1 Tesalonika 4:3

Ni ye Uwonbɔr a bam le ke ni li be kasi wee ki nyan ni ba iwanchɔgin toon nin ni jabanlin bee ni piibanlin;

1 Tesalonika 5:18

niwann biɛn a poolin ke ni li poor Uwonbɔr a, Uwonbɔr a bam le yen ki sei ni Masiya bu.

Taitus 1:16

Bi len ke bi nyi Uwonbɔr, amaa le bi toon yin wɔɔn ke bi yii wa. Uwonbɔr nan bi binbem nmɔn. Bi ye tukangbirdam le kaa li fir tun litoon ŋanli.

Hiibru Yaab 13:21

un sei ni nan ŋan biɛn wee ni ta tun u bam, ki che ni tinn nan li gbee u num, Yisa Masiya, wan ŋan nin npagim iyoo yan kaa jɔɔ ndiɛm bu. Ibamɔn.

Hiibru Yaab 4:6

Ni le la biɛn nin ye man le ke biba na li kɔɔ lifooril nmɔn yaan, amaa ban nan chinn ki gbir tibɔŋann nmɔn nin kaa nan kɔɔ lifooril nmɔn yaan ni, nan bu-n bi mɔyiil nbu.

Jemisi 1:22

Ni laa pelig imɔleen nin a binba, wee ki lar niba. Ni tum yaah len man nin.

1 Piita 2:15

Nan bu-n ni ye Uwonbɔr a wiib le ke ni tun itoon ŋan nan li loon tijɔri tan kaa nyi niba-n a mɔleen.

1 Piita 4:2

Naah ŋa man nin, waa che u binbem a joorim dulinya nan yaan ye tigbanann a kɔlisa, amaa Uwonbɔr kaah ban man.

Tibɔkpiirkaan 2:27

‘U na li ta kukurug a jaangbiɛg le ki ŋmag dulinya yaab; u li burbur bi ke tiyɔgirin’ a li ke maah gaa tininkper a pɔɔm n Baa ban man nin.

Tibɔkpiirkaan 22:14

“Tikaar be ban ŋunn bi wann yɔɔr bu, bi na li kan nsan limiɛfol a siigin ki nɔɔ itimansanmɔnn nin yaan ki kɔɔ kitiŋ nmɔn yaan.

Tibɔkpiirkaan 3:5

Wan fir nyaŋ ke u li yee tiwanpenn ke baah yee man nin. Maa li nyan udaan a yinl limiɛfol a gbɔŋin yaan ni, amaa le ki na li tiɛr u yinl n Baa nin U malakam a nintogil.