Matiu 6:2 - UWONBƆR A GBƆNPƆŊ LIKƆƆNL

² “Ni ye a yin pu bilanjiim ipiin ke, a laa mɔɔn ke bilinlarib kaah ŋaan man tiwonjiɛndirin, nin isanjal bu ke bininfob n kan bi toon ŋan wee ki pag bin ni. Ibamɔn le n bei ni nan, bi pii ga bi yɔra.

Uwumbɔr aagbaŋ

² “Aa yaa tii ugiin tiwan kan, taa joo kiloŋ gbaa ke biŋmaŋmannim aah ŋani pu mmeen aadir ni, ni kitiŋ ponn ni, ke binib pak bi na. M tuk nimi mbamɔn la, bi kan baapal le na.

Matiu 6:2 ပူးပေါင်းရင်းမြစ်များ

Matiu 15:7

Nim bilinlarib nan! Azaya kaah nan pag ilinlen leen ki jiin ni paami sin ye ibamɔn le:

Matiu 16:3

Amaa ni ye ke njakpanyiɛn titalangbann mann ki nan bɔnn ke, ni ti bei le ke ‘Dinan ma, ntafaam li da.’ Ni bugir titalangbann a sam, amaa le kaa sin fir bugir n-yonn nan ma.

Matiu 22:18

Amaa le Yisa nan nyi bi potiɛbir nmɔn bu, Le ki ke, “Nim bilinlarib nan, ba ŋa wee ni ban ni pem maa?

Matiu 23:5

“Bi tun man biɛn ki ban bininfob le nkan: Lig baah ta Uwonbɔr a siim ki sɔb tabin bi yutun bu, ki ŋa bi daalam a mɔgbai fɔg ki ban bininfobin kan;

Matiu 23:6

Bi jiɛ jilima a kikaabol le tijiir a chiigin, ki jiɛ bi li kaa bininkpeeb a kikaabol tiwonjiɛn dirin;

Matiu 24:51

U na li gaa u ki por por, ki ta u ŋa bilinlarib a binbebol, nan yaan wee bininfob na li mɔr ki fabin ki ŋma bi nyin.

Matiu 5:18

N bei ni ibamɔn le, paab nin tum kaa na li be, hali nsɔbimin a wama kaa li nyi bor nsiimin yaan ni, see ke ni biɛn nan nan tun ki diɛ.

Matiu 6:16

“Ni ye ni lol imɔɔŋ ke, ni laa bii ni num paam ke bilinlarib kaah ŋaan man nin ni, nan bu-n bi ti bii bi num paam le, ke bininfob biɛn n kan ki biɛ ke bi lol bi mɔɔŋi le. N bei ni ibamɔn le, bi pii gaa bi yɔra.”

Matiu 6:3

Amaa ni ye a pu ulanjiin ke, laa che a nɔɔgam li nyi a nɔɔjiim kaah tun nan ni.

Matiu 6:5

“Ni ye a miɛ Uwonbɔr ke, a laa miɛ ke bilinlarib kaah tun man nin ni, nan bu-n bi ban bi li si tiwonjiɛndirin le, nin kitiŋ poolin a sanjali bu, ke bininfobin kan bi. N bei ni ibamɔn le, bi ma gaa bi yɔr ki gbeeu.

Matiu 7:5

Fin ulinlaril nan, chinn nyan lidagenl lan be a tɔɔl numbilin ni na, wee ki ni fir kan nbamɔm ki nyan lidabul lan be a kpiɛg a numbilin ni.

Tibɔnyaan ti Mak ŋmee ti na 12:39

le bi kɔɔ kuwonjiɛndiigin ke, bi ban bin kal bininkpeeb a kikaabol le; bi ji jon kuchiigin mu ke, bi ban bin kal biyudam a kikaabol le;

Tibɔnyaan ti Mak ŋmee ti na 7:6

Le Yisa jiin ke, “Uwonbɔr a linlenu Azaya kaah nan len man nin sin ye ibamɔn le. Ni ye tibɔkar dam le ke waah nan sɔb man nin. “Uwonbɔr len ke: ‘Bininfob nan, yim Uwonbɔr, ki tenn nim jilima bi mɔɔŋin le, amaa le bi sufu fɔg nim takpem.

Tibɔnyaan ti Luk ŋmee ti na 11:41

Amaa ni ta nan be ni yirin nin ni samin ni ki sei faladam ma wee ni bɔɔn nin ni poolin biɛn le ŋan.

Tibɔnyaan ti Luk ŋmee ti na 11:43

“Woo nim Farasii yaab, Ni ban ni li ka ininfogbingbem a kikaabol le kuwonjiɛndiigin ki ban bininfob li poor ni nin jilima kinyaŋin.

Tibɔnyaan ti Luk ŋmee ti na 12:33

Ni kɔɔr ni wan yɔɔr tan wee ni jɔɔ-n ki ta ni ligi ki sei bilanjiim ma, ni ban ilig a bɔɔlim man kaa li chari, ki ban lifaal lan kaa jɔɔ diɛmi ki be Uwonbɔr a niin ni. Nan yaan wee unaayig kaa li fir kɔɔ ki tan su, wee ikootug mu kaa li fir mɔɔ ki bii i.

Tibɔnyaan ti Luk ŋmee ti na 12:56

Nim bilinlarib nan, ni ŋaa nii ki biɛr utaal nin kutuntoŋ ki bɔgir wee kaa sin li fir biɛ isaŋ nan ma a bɔgirim maa?

Tibɔnyaan ti Luk ŋmee ti na 13:15

Le Uyudaan jiin u ke, “Nim bilinlarib nan! Ni ŋma kaa loor ni naau bee ni boŋ ki ta jo nkpen ki tan nyun ki likpakɔɔl daal laa?

Tibɔnyaan ti Luk ŋmee ti na 20:46

“Ni li nyi ban wɔɔnn nsiimin bu. Bi ban bi li chonn yee daala fufɔgir le, ki jiɛ bi li poor bi nnyam ni, ki jiɛ bininkpeeb a kikaabol tiwonjiɛndirin nin jilima kuchiigin.

Tibɔnyaan ti Luk ŋmee ti na 6:24

Amaa woo, nim bijɔɔndam, nan bu-n nim pii kan ni wiiba.

Tibɔnyaan ti Luk ŋmee ti na 6:42

A ŋa nii, ki bei a kpiɛg ke “N jɔ, che n nyan lidabul lan be a numbil ni nan, le kaa sin gar lidagenl lan be a tɔɔl a numbil ni nan naa? Fin ulinlaril nan, choo ki nyan lidagenl lan be a numbil ni, wee ki nin fir kan nbamɔm ki nyan lidabul lan be a kpiɛg a numbil ni.

Jɔnn 13:29

Judasi kaah nan guu iligin, bibam nan tiɛr ke Yisa bei u waah li da nan le kuchiigin bu, bee ki ta niba ki sei bilanjiim.

Jɔnn 5:41

“Maa ban kupag bininfob ban ni,

Jɔnn 5:44

Ni ye ke ni ban tab a pagim ke, ni yin ŋa niin ki ŋa yadaa, wee kaa sin pɔɔg ni ba ke ni kan kupag kan nyan Uwonbɔr uba-n ban naa?

Jɔnn 7:18

Wan pag u tɔɔl a bɔr ke u pag man un kan u tɔɔl a jilima le, amaa wan tun ki ban Uwonbɔr wan nan tun win kan jilima ke u ye ubamɔndaan le; waa jɔɔ igalin iba.

Lituln 10:2

Kɔnelu nin u niin yaab biɛn nan ye biwonsam le. U nan ter bilanjiim pam, ki miɛ Uwonbɔr iyoo biɛn.

Lituln 10:31

ki len ke, ‘Kɔnelu, Uwonbɔr gbir a miɛm ma, ki li tiɛr a piini yan wee a pu bilanjiimin.

Lituln 10:4

Kɔnelu kaah kan malaka nmɔn nin, le bijawaam choo u, le u baan u ke, “Uyudaan baa yen naa?” Le malaka nmɔn jiin ke, “A miɛm nin a teril lan wee a jɔɔ ter bilanjiimin ye litiɛril a piin le Uwonbɔr ban.

Lituln 11:29

Le Yisa a bɔɔnɔɔbin lol ke bin ter biwonjiɛn tab ban be Judiya a tiŋin uninfo biɛn kaah li fir man a tarig.

Lituln 24:17

“Maah nyan Jerusalam ni yuur pam, le n nan jir niin ki ŋmag ipiin ke n ta sei n ninfob ban ye bilanjiimin, ki sin mann kumanug.

Lituln 9:36

Upii wonjiɛn uba mu nan be Jopa, le u yinl ye Tabita, (amaa le Girig a leen yin, bi nan yi u ke Dokasi). U nan tun itoon ŋan le iyoo biɛn ki tenn faladam.

Rom Yaab 12:8

ni ye wan a piin ye u li pɔɔgir u tab a gbanann ke, che u li pɔɔgira; ni ye wan a piin ye u li chaar tijiir ki ter bitab bi bɔr mugkaarin ke, che u li pu man na; ni ye wan a piin ye un ŋa usanliir le ke, che u li jɔɔ nsaliibinben nbamɔm; ni ye wan a piin ye u li san bininfob kunyunyunbaag le ke, che u li ŋaan man nin npopeen na.

1 Korenti 13:3

Ni ye n ta maah jɔɔ nan biɛn ki sei faladam, hali ki nan ta n gbanann sei bin nyɔɔ nŋmi wee kaa sin jɔɔ njiɛm ke, maa jɔɔ tinyɔɔri.

Galantiya 2:10

Nan biɛn wee bi nan pag joor ye le ke ti li tiɛr bilanjiim bu, nan wee n jɔɔ linunmanl ki ban n tun.

Efesusi 4:28

Wan nan ti su ke, ni kpaa talar le un jiɛn nnaayigim, amaa wee ki li tun na, ki ta u tɔɔl a nɔɔi ki li ŋaan nan ŋan na, wee ki li fir kan niba ki por sei bilanjiim.

1 Tesalonika 2:6

Taa nan ban bininfob n pag ti, bee ni ni uba n pag ti bee uninfo uba n pag ti. Taah ye Yisa a toon yin ti bi yin ye litugil le ki sei ni,

1 Timoti 6:18

Bei bi wee bi li tun nan ŋan na, ki li ye bijɔɔndam itoon ŋan nin, ki li por baah jɔɔ nan ki tenn taba ki laa jɔɔ woog tabi.

Filemonn 1:7

A jiɛm nmɔn seim nmɔn le takpem nin ngbananpɔɔn, nan bu-n fin n nabig, a pɔŋ Uwonbɔr a ninfogannkaab a sufuu.

Hiibru Yaab 13:16

Ni laa tam itoon ŋan a tumi, ki li por tab naah jɔɔ nan na, man a manug le Uwonbɔr a num gbee.

1 Piita 4:11

Ni ye uba pag ke, u li pag tibɔr tan ye Uwonbɔr a mɔleen ya. Ni ye wan yin tun ke, u li tun nin npɔɔn man wee Uwonbɔr ta sei win na, wee niwann biɛn ni Uwonbɔr a yinl n kan kupag Yisa Masiya bu. Kupag nin npɔɔn ye u yaan le hali nin iyoo yan kaa jɔɔ diɛmi. Ibamɔn.