Matiu 5:7 - UWONBƆR A GBƆNPƆŊ LIKƆƆNL

⁷ Tikaar be binyunyunbasam bu, nan bu-n bi ma le bi na li san kunyunyunbaag.

Uwumbɔr aagbaŋ

⁷ Binib bi kpa linimbaasaln na, Uwumbɔr aanyoor bi bi pu. U mu ga san bi kinimbaak.

Matiu 5:7 ပူးပေါင်းရင်းမြစ်များ

Tibɔnyaan ti Mak ŋmee ti na 11:25

Ni ye ni yin miɛ Uwonbɔr ke, wee ki tiɛr ke uba tun ki bii ni ke, jiɛn per wa, wee ni baa wan be paab nan mu li jiɛn ni toonbir per ni.

Tibɔnyaan ti Luk ŋmee ti na 6:35

“Amaa ni li jiɛ ni dataama, ki li tun nan ŋan ki tenn ba, ki li peŋ ba, ki laa tiɛr ke bi li yɔ jiin ni. Ni nyɔɔr na li yab, le ki ji na li ye Uwonbɔr wan be paab nan a buwaab, nan bu-n u ma tun nan ŋan ki tenn ban a num kaa gbee niba nin bipootondam.

Rom Yaab 11:30

A li ke nim ban kaa la nan chee Uwonbɔr a mɔb isaŋ iba wee Uwonbɔr nan san ni kunyunyunbaag Iziral yaab a mɔyiilin bu-n,

1 Korenti 7:25

Daandaan nan, nim ban kaa la nyi bipiib nin ban kaa la nyi bijab nan man, Uyudaan kaa seim nsan ke n bei ni niba, amaa Uyudaan a nyunyunbasanl bu le n ji ni bɔr ke uninfobamɔn nin.

2 Korenti 4:1

Naah ye Uwonbɔr a nyunyunbasanl bu le u ta itoon nan ki ŋa ti nɔɔn ni, nibu che naa gbɔɔ ti gbanann ni.

Efesusi 4:32

Ni li ŋaan tab tiŋanna, ki li san tab kunyunyunbaaga, ki li jiɛn tab a bir ki per ke Uwonbɔr kaah jiɛn per ti Masiya bu man nin.

Kolosiya 3:12

Mambu, naah ye Uwonbɔr a ninfogannkaabin wee u jiɛ ni ki ŋa ni kasi-n, ni ta linyunyunbasanl nin tiŋann, nin jiininba, nin nbinben ŋan nin limɔril ki kpann daala ki yee u.

1 Timoti 1:13

Hali maah le nan sugir u, ki mugir u, ki pag tibɔbir ki tenn win, u nan sam kunyunyunbaaga, nan bu-n maa nan nyi maah tun nan ni, maah kaa nan jɔɔ yada-n bu.

1 Timoti 1:16

Amaa ni niɛ bu le Uwonbɔr nan sam kunyunyunbaag, ke min wan ye chinchinn a birdaau win, wee Masiya n fir wɔɔn u mɔril lan kaa jɔɔ tarig wee ni li ye limagil ki sei ban li ŋa Yisa yada ki kan limiɛfol lan kaa jɔɔ ndiɛmi.

Hiibru Yaab 4:16

Ni bu ni che ti fɔɔr mal Uwonbɔr wan ye unyunyunbasann nin a naangbɔŋin ban nin tidindann, wee ti kan linyunyunbasanl n-yonn man wee ti ban.

Hiibru Yaab 6:10

Uwonbɔr ye wan ŋan le, Waa li tam ni toon nin naah jiɛ U man ki ter U ninfob ki la biɛ nin ter bin bu.

Jemisi 2:13

nan bu-n, ban kaa san bikpiɛtiib kunyunyunbaagin, Uwonbɔr mu na li ji bi tibɔr kaa yin san bi kunyunyunbaagi. Linyunyunbasanl jon tibɔr a jima.

Jemisi 3:17

Amaa nlam man nyan paab a naamin nin, chinchinn mi ma ye kasi ki ye man jɔɔ limɔril nin jiininba, ki gbee nin linyunyunbasanl nin nbinben ŋan, nin ibamɔn a pagim.

1 Piita 2:10

Isaŋ iba naa nan ye bininfobi, amaa daandaan nan ni ye Uwonbɔr a ninfob le; isaŋ iba naa nan kan linyunyunbasanli, amaa daandaan nan ni kan linyunyunbasanla.