Matiu 5:37 - UWONBƆR A GBƆNPƆŊ LIKƆƆNL

³⁷ Fin le li che a ‘Nn’ ye ‘Nn’ bee a ‘Aai’ li ye ‘Aai’, nan biɛn kpiɛ ni nan bu ke, ni nyan ulinlaril ban le.

Uwumbɔr aagbaŋ

³⁷ Ni po len ke ‘Een’, bee ‘Aayii’. Ni yaa ki kpee nibaa kan, naa ŋan.”

Matiu 5:37 ပူးပေါင်းရင်းမြစ်များ

Matiu 13:19

Ni ye uninfo gbir paab a naam nan a bɔr nan wee kaa biɛ titaai ke, kininbɔŋ le dan ki nan choo nyan nan bun u sufu ni, ni ma ye ndibim man nan lu nsan ni.

Matiu 13:38

Dulinya nan mu le ye bukpaabin, idibool ŋan nin le ye Uwonbɔr a naamin a ninfob; le tinaniin nin mu le ye kininbɔŋ a ninfob;

Matiu 15:19

Uninfo a sufu ni le tipotiɛbir, nin lininfokul, nin iwanchɔgin toon, nin lipiibanl nin lijabanl, nin nnaayigim, nin tibɔkar a siɛra, nin kutingbiig nya.

Matiu 5:36

A mu laa ji len ke a poo a yuli, nan bu-n ŋaa li fir che kuyukpobig kuba npenn bee ku nbɔnn ni.

Matiu 6:13

Ki laa liin ti ki kɔɔn libiginlin ni, amaa wee ki nyan ti titoonbirdaan a nɔɔn.’

Jɔnn 17:15

N wonmiɛl kaa ye A nyan bi dulinya nan yaan ni, amaa n miɛ le ke A guur bi ki nyan bi tibir daan a nɔɔn.

Jɔnn 8:44

Ni ye ni baa, ulinlaril, a buwaab le, ki ban ni li ŋaan ni baa kaah ban man. U pii nan ye uninfokur le npiinimin, kaa ŋmag ibamɔn ni, nan bu-n ibamɔn kaa be u ban ni. U nan por tibɔkar ke, u pag u bol a leen le, nan bu-n u ye tibɔkar daan le ki ji ye tibɔkar a baa.

Efesusi 4:25

Mambu ni laa ji por tibɔkar ki tenn tabi, uninfo biɛn li pag ibamɔn ki tenn u kunkɔɔn taba, ke ti biɛn ye tigbanann tiba a ninfob le.

Efesusi 6:16

Nan kpiɛ ni niɛ nan biɛn bu ye, ni ta yada ki kpann nan li guu ni wee ni fir ki ŋmar ulinlaril a piin yan nyɔɔr nŋmi-n.

Kolosiya 3:9

Ni laa por tibɔkar ki tenn ni tabi, nan bu-n ni pii pir ni binben kpeg a ŋaarin ki gaba,

Kolosiya 4:6

Ni che ni bɔr a pagim li gbee nin linyunyunbasanl ki mɔ ke n-yaamin, wee ni li nyi naah li jiin bininfob biɛn a binbaan yin man.

2 Tesalonika 3:3

Amaa Uyudaan ye yada daan le, u li pɔɔg ni gbanann ki guur ni wee kininbɔŋ n laa kan ni.

Jemisi 5:12

N nabum, nan jon ni biɛn ye le ke, laa poo paab a naamin bee dulinya bee niba a wan ni. Che a “Nn” li ye nn, le a “Aai” mu li ye aai, wee bi laa galiŋi.

1 Jɔnn 2:13

N sɔb kugbɔŋ nan le ki tenn nim ban ye baam, nan bu-n ni nyi u wan nan be npiinimin nbu. N sɔb le ki tenn nim ban ye iwanpɔlin, nan bu-n ni nyaŋ titoonbir daan nin na. N sɔb le ki tenn nim ban ye n buwaab, nan bu-n ni biɛ ti Baa-n nna.

1 Jɔnn 3:12

Ni laa be ke Keenn ni, wan nan ye ulinlaril a ninfou wee ki nan ku u waalin nni. Babu wee u nan ku u waalaa? Nan bu-n u toon yin nan ye tibir le, le u waal mu a toon nan ye tibuchinn.

1 Jɔnn 5:18

Ti nyi uninfo wan biɛn wee Uwonbɔr ma win kaa gbaa tun tibiri. Wan wee Uwonbɔr nan ma-n le guu u, le ulinlaril kaa li fir sei u kidaŋi.