Matiu 5:30 - UWONBƆR A GBƆNPƆŊ LIKƆƆNL

³⁰ Le ni ye a nɔɔjiim le che a tun tibir ke, a ga mi gaba. A lann a gbanann bɔgil liba ke, ni sɔ nin a gbanann biɛn nan kɔɔ nŋmi-n.

Uwumbɔr aagbaŋ

³⁰ Aa yaa gee tiwan ke saah gee aaŋangii pu na kan, tiwan ngbaan yaa tɔŋ si ke aa tun titunwanbir kan, di ni lii. Saawan nibaa yaa bee yɔli kan, ni soor ni tiwon mɔmɔk koo mmii mu kaan junn na ni.”

Matiu 5:30 ပူးပေါင်းရင်းမြစ်များ

Matiu 11:6

Tikaar be wan kan limugil wee kaa ta n bɔr gab nan bu.”

Matiu 13:21

Amaa waah kaa baan inyaan nin, ni ma bu waa ŋmag ti yuuri. Iyoo yan wee tibɔmug kaar bee limugil pii u tibɔr nmɔn bu ke, le un ta gab weem.

Matiu 16:23

Le Yisa gbiɛ lig Piita ki bei u ke, “Sintani nan, fɔɔr n ban na! A ye litangbag gbiɛrikaal le n samin, nan bu-n ŋaa tiɛr nan ye Uwonbɔr yaan bu, le ki tiɛr nan ye uninfosaal yaan.”

Matiu 17:27

Amaa taah kaa ban ti bii bi sufu-n bu, li chaa limɔgilin ki tan ta njanpiin ki jaau. Ujan wan wee a chinn choo-n, a yaar u mɔb, a li kan ilig yan li fir yɔ min nin fin bu wee a ta yɔu.”

Matiu 18:8

“Ni ye a nɔɔ bee a taal li yin che a tun tibir ke, a gaa mi ki tugira. Ni ye a jɔɔ nɔɔn nba bee taal liba wee ki kan limiɛfol lan kaa jɔɔ ndiɛm ke, ni jon nin a li jɔɔ inɔɔ ilee bee itaa ilee wee Uwonbɔr n nan taaŋ ki ŋa nŋmi man kaa jɔɔ njunimin yaan na.

Matiu 22:13

“Tɔ, le ubɔrin bei ban guu-n ke, ‘Ni lol u nɔɔi nin u taai, wee ki ta u nya tan gab nkaafiin libunbɔnlin na. Nan yaan wee timɔr nin kufabuŋ nin linyinŋmanl na yin be-n.’

Matiu 25:20

Wan nan gaa miŋmu-n kaah kɔɔ n-yonn man ni, le u ta nbɔɔlim miŋmu ki kpiɛ ki ta sei u yudaau ki ke, ‘N yudaau, a nan seim salima a bɔɔlim miŋmu le, lig, n mu tun ki kan tinyɔɔr miŋmu le ki kpiɛ.’

Matiu 26:31

Le Yisa bei bi ke, “Kunyiɛg nan, ni biɛn li guun ki jiɛnim, nan bu-n ni sɔb Uwonbɔr a gbɔŋin ke: ‘N li ku upeekpaarin, le ipee yan biɛn wee u ti kpaa-n worin.’

Matiu 5:22

Amaa N bei ni le ke uninfo wan fiin u ŋuul u nabig bu ke u li kan litudaril tibɔr a ji daal. Le wan mu ji sug u nabig ke, ‘wan yɔli nan’ ke, ni ye bin ta u ki jo Juu yaab a yudam a laguŋ ban le. Bee wan mu ji sug u nabig ke, ‘kujɔrug nan!’ Ke, u na li be nŋmi man kaa jɔɔ ndiɛmin a daŋin.

Matiu 5:29

Ni ye a nɔɔjiim a numbil yin che a tun tibir ke, a logir mi gaba, a lann a gbanann bɔgil liba ke, ni sɔ nin bin nan ta a gbanann biɛn ki gab nŋmi-n.

Tibɔnyaan ti Mak ŋmee ti na 9:43

Mambu, ni ye a nɔɔ li che a yiim ke, a gaa mi ki gen na. Ni ŋan nin uninfo li jɔɔ nnɔɔ nba ki tan kan limiɛfol lan kaa jɔɔ ndiɛm ki jon uninfo li jɔɔ inɔɔ ilee wee ki tan kɔɔ nŋmi-n man kaa jɔɔ njunim nan yaan na.

Tibɔnyaan ti Luk ŋmee ti na 12:5

Amaa n li wɔɔn ni naah li san wan. Ni li san Uwonbɔr man, wan li fir ku tigbanann, ki ji jɔɔ npɔɔn man li fir ta ŋa nŋmi man kaa jɔɔ njunim nan yaan. Ibamɔn le n bei ni nan, ni li san waah man.

Tibɔnyaan ti Luk ŋmee ti na 17:2

Bi bi ta linaal ki lol jɔn u sulum ki ta u jaa limɔgilin ke ni bi sɔ, nin un che nbuwaab nan a ni uba ntun tibir.

Rom Yaab 9:33

A li ke naah sɔb man Uwonbɔr a gbɔŋin nin: “Lig, N ta litangbagil le bil Zayɔnn lan li che bininfob ngbiɛr litangbagil takpenl lan li che bininfob nlu, le wan gaa U ki jin ke waa li nyi ki ji ifa.”

1 Korenti 8:13

Ni bu, ni ye nan wee n ji-n li che n na big n tun tibir ke, maa ji li ŋman tinann ni, wee ki che un lu.

Galantiya 5:11

N nabum, ni ye n la bi mɔɔn lipunjiil a bɔr le ke, ba ŋa wee bi ji mugirim maa? Ni ye man ke igalin yan nan ŋa lidapunpunl bu n gab yɔliu.

1 Piita 2:8

nin, “Litangbagil lan che bininfob gbiɛr nin litangbagil takpenl lan che bininfob lur.” Bi gbiɛr li le, nan bu-n baah kaa chee Uwonbɔr a bɔrin bu, wee ni mu ye Uwonbɔr kaah siin bi man le yen nin.