Matiu 5:22 - UWONBƆR A GBƆNPƆŊ LIKƆƆNL

²² Amaa N bei ni le ke uninfo wan fiin u ŋuul u nabig bu ke u li kan litudaril tibɔr a ji daal. Le wan mu ji sug u nabig ke, ‘wan yɔli nan’ ke, ni ye bin ta u ki jo Juu yaab a yudam a laguŋ ban le. Bee wan mu ji sug u nabig ke, ‘kujɔrug nan!’ Ke, u na li be nŋmi man kaa jɔɔ ndiɛmin a daŋin.

Uwumbɔr aagbaŋ

²² Min le tuk nimi ke unii umɔk gee liŋuul una aabo pu na, bi ga ji u tibɔr. Unii umɔk tuk una aabo, ‘Saa bi tibɔr tibaa ni,’ bibɔjirb aaninkpiib ga ji u tibɔr. Unii umɔk tuk una aabo ke, ‘Si ujɔr’ na, u ŋeer u koo mmii mu kaan junn na ni.

Matiu 5:22 ပူးပေါင်းရင်းမြစ်များ

Matiu 10:17

Ni li nyi bininfob bu, bi na li choo ni ki ta ni jo bibɔjib ban, ki boo ni tiwonjiɛndirin.

Matiu 10:28

Ni laa san ban li fir ku ni gbanann, wee kaa sin li fir ku ni naamin ni, amaa ni li san Uwonbɔr wan li fir ku ni gbanann nin ni naam biɛn nŋmi-n ni na.

Matiu 12:24

Amaa Farasii yaabin ma kaah gbir man nmɔn, le bi len ke “Nnaanbiim a bɔru le sei u npɔɔn nmɔn, ke u li nyan nnaanbiim bininfobin.”

Matiu 17:5

Piita a mɔb kaa la nan lu tumi, le kitalangbɔŋ peŋ nyan paab ki nan degin bi bu, le bi gbir likukɔl liba pag kitilangbɔŋin, ki ke, “N bija sɔ, wan wee n num gbee, ni pelim u bɔr man.”

Matiu 18:21

Le Piita dan Yisa ban ki nan baan u ke, “Uyudaan, ni ye n nabig tun ki galim ke, itaa iŋaa wee n yin jiɛn per waa? Itaa ililee?”

Matiu 18:35

“Naa jiɛn per ni tab nin ni sufu biɛn ke, man le n Baa wan be paab nan yin ŋa ni mu.”

Matiu 23:15

“Woo nim ban wɔɔnn Uwonbɔr a siim nin Farasii yaab nan, nim le ye bilinlarib nmɔn, nan bu-n ni don imɔg ki lagir ntim ki ban wan li kpenn u binbem ki li nɔɔ ni bɔɔn le, le ni ye ni nan kan uba wee u nɔɔ ni ke, ni che u labir Sintani a ŋmiimin a big, le u binbem nmann ki kpiɛ nfim milee ki jo ni yaal.

Matiu 23:33

“Nim iwaalab nan! Nim iwaalab a buwaab nan! Ni yin ŋa nii wee ki ŋmar nŋmi-n a kɔɔm maa?

Matiu 25:41

“Le u na li bei ban si u nɔɔgam paamin, ‘Nim ban wee limɔpool nɔɔ nan, fɔɔr n ban na, ki li chaa ki tan kɔɔ nŋmi man gaan kaa jɔɔ njunim wee Uwonbɔr mann ki guun ulinlaril nin u malakam mi.

Matiu 26:59

Le kumanug a yudamin nin Juu yaab a bɔjib ban wee bi yi bi ke sanhidirin nan pɔɔn bi ba ke bin gbir tibɔkar dam a mɔnn, ki kan Yisa a bir wee ki ku u.

Matiu 3:17

Le likukɔl nyan paab ni ki len ke, “N bija sɔ, u ma le N jiɛ, u ma le N num gbee.”

Matiu 5:34

Amaa N bei ni le, Ni laa poo kolibi: Laa poo paabi, nan bu-n ni ye Uwonbɔr a naam a bol le;

Matiu 5:44

Amaa n bei ni le, ni li jiɛ ni dataama, ki li miɛ Nween ki tenn ban mugir ni nan na,

Tibɔnyaan ti Mak ŋmee ti na 14:55

Le kumanug a ninkpeeb nmɔn nin bininkpeeb nmɔn biɛn pɔɔn bi ba ke bin gbir siɛradam a mɔnn, wee ki kan Yisa a bir wee ki ku u, le kaa kan u biri.

Tibɔnyaan ti Mak ŋmee ti na 15:1

Kumanug a ninkpeeb, nin kitiŋ nmɔn a ninkpeeb, nin ban wɔɔnn Uwonbɔr a siim, nin Juu yaab a ninkpeeb biɛn nan lagin njakpanyiɛn, ki lol ilol, le ki baan Yisa tikulor ki ta u jon kitiŋ nmɔn a bɔr ninkpelu wan wee bi yi u ke Palati n ban.

Tibɔnyaan ti Luk ŋmee ti na 12:5

Amaa n li wɔɔn ni naah li san wan. Ni li san Uwonbɔr man, wan li fir ku tigbanann, ki ji jɔɔ npɔɔn man li fir ta ŋa nŋmi man kaa jɔɔ njunim nan yaan. Ibamɔn le n bei ni nan, ni li san waah man.

Tibɔnyaan ti Luk ŋmee ti na 22:66

Naah nan won kutaag njakpanyiɛn le Juu yaab a ninkpeeb nin kumanug a yudam nin ban wɔɔnn Uwonbɔr a siim lagin, le bi taa Yisa jon bi nintogil.

Jɔnn 11:47

Le biminmanib a yudaau nin Farasiim nan yin Juu yaab a yudam a laguŋ. Le bi baan ke, “Ti ka ŋaan baa? Ni lig uja nan kaah ŋaan ligaril a siɛram takpem man.

Jɔnn 15:25

Amaa ni nan li ye nin gbeen nsiimin kaah nan sɔb man nin: ‘Bi nam le laa jɔɔ bu.’

Jɔnn 7:20

Le kubabugin jiin ke, “Kinaanbiig le jɔɔŋ. Ŋma gbaar un ku ŋaa?”

Jɔnn 8:48

Le Juu yaab jiin u ke, “Taa jɔɔ ibamɔn nin taah ke a ye Samariya a ninfo le ki jɔɔ kinaanbiigaa?”

Lituln 17:18

Le ban wɔɔnn wee bi yi biba ke Epikurusi, ki yi biba mu Sitoog nan, mu nan dan ki nan far limɔkpel nin Pɔɔl. Le bi ni biba nan pag nin tab ke, “Wan be jabin nan mu ke baa?” Le biba jiin ke, “Ni nann ke u pag iweenchaan iba a bɔr le-n.” Bi nan len man babu, Pɔɔl nan mɔɔn Yisa a bɔŋann nin le nin u kum a fiim.

Lituln 22:30

Naah nan won kutaag wee bitɔtogib a yudaau nmɔn nan ban un biɛ igalin yan wee Juu yaab pag ki jiin Pɔɔl paam nan a bamɔn chib chibin, le ni nan won kutaag, le u che bi lor u, le ki sin sei bimɔb ke, kumanug a ninkpeeb nin Juu yaab a yudamin biɛn lagin ni, le ki che Pɔɔl dan ki nan sir bi nintogil.

Lituln 23:1

Le Pɔɔl lig Juu yaab a yudam nmɔn chiir ki nan len ke, “N nabum, maah be ki nan kpaa dinan, n biɛ n sufu ni ke n tun ki gbeen n toon kaah ye man Uwonbɔr ban na.”

Lituln 24:20

Bee ban be do nan, che bin wɔɔn tibir tan wee bi nan kan n tun, maah nan sir Juu yaab a yudam a nintogilin.

Lituln 4:15

Le bi nan che bi nyan Juu yaab a yudam a laguŋ a diig nmɔn yaan, amaa le bi paar ki gbeer tab.

Lituln 5:21

Baah gbir u bɔr nmɔn, le bi jon ki tan kɔɔ iwonjiɛn niin nmɔn yaan, njakpanyiɛn ki piin ki wɔɔn bininfob. Biminmanib a yudaau nin u tabin kaah nan dan ni, le bi yin Iziral yaab a yudamin biɛn, le ki tun ke bin tan nyan Yisa a toon yin kuloondiigin ni ki ta bi dan.

Lituln 5:27

Baah nan ta itoon nin jirin n-yonn man nin, le bi che bi sir Juu yaab a yudam a nintogil, wee biminmanib a yudaan win baan bi ibinbaan,

Lituln 6:12

Baah len man n-yonn man nin, le bininfobin, nin bininkpeebin, nin ban wɔɔnn Uwonbɔr a siimin a ŋuui fii, le bi fii ki choo Sitifin, ki ta u jon Juu yaab a yudamin ban.

Lituln 6:15

Le ban nan lagin ka Juu yaab a yudam a laguŋ nmɔn yaan biɛn nan ta bi numbili ki kpaa Sitifin, ki nan kan u num paam kaah nann Malaka a num.

Lituln 7:37

U yaa Moziz le ji nan bei Iziral yaab ke, ‘Uwonbɔr na li tun ulinlenn uba ni ban ke waah tunim man nin, u yin nya ni tɔɔl a ninfobin le.’

Rom Yaab 12:10

Ni ta ni baga ki ŋa kunabitiig a jiɛmin yaan. Ki li tenn tab jilima ki jon ni tɔɔl.

1 Korenti 6:10

bee binaayigib, bee kujaŋuuŋ, bee bidanyub bee bitingbiib, bee ban ji tab dulim bi niɛ nan biɛn kaa na yin kɔɔ Uwonbɔr a naamin ni.

1 Korenti 6:6

Le ni tug tab ki chaa bibɔjib ban, hali nin ban kaa ye biwonjiɛmin, le bi ji ni bɔr!

1 Tesalonika 4:6

ni ma bu tibɔr nan yaan uba laa tun ki bii u kpiɛg bee ki ji u kpiɛg dulimi. Uyudaan li dar bininfosaalib ban biɛn tun tibir nan a booli a tul, ke taah pii chinn bei ni ki kpaan ni man nin.

Taitus 3:2

bi laa jɔɔ kutingbiig u ba bu, ki li be nin nposɔɔn, ki li jɔɔ nbinben ŋan, ki li tenn bininfob biɛn ibamɔn a jilima.

Hiibru Yaab 12:25

Ni laa nyi yii Uwonbɔr wan pag nan ni. Ni ye baa nan ŋmar baah nan yii wan a kpaan yin dulinya nan yaan nin ban ke, ŋma nin nan chaa baan timaa, ni ye ti labir ti bɔɔn kpaa wan be papaab ki kpaan ti nan ke naa?

Hiibru Yaab 5:9

waah nan nan ŋa nan kpaan ki diɛ-n, le u nin ye feegabdaan ki sei ban biɛn chee u mɔbin,

Jemisi 2:20

Fin kujɔrug nan, a ban a biɛ ke yada wan kaa tun itoon ye yɔlii?

Jemisi 3:6

Lilanbil mu tɔɔl ye nŋmi le, ki ji ye dulinya nan a bɔbir ki be tigbanann a yagi biɛn, ki tenn tigbanann nmɔn biɛn tijaginn, ki jɔɔ nŋmi nyɔɔr tigbanann nmɔn a binbemin biɛn, le Sintani a ŋmiim man kaa junn nin mu nnyɔɔ lilanbil nmɔn.

1 Piita 2:23

Baah nan sugir win, waa nan sug bi ki jiin ni; waah nan jin fala-n, waa nan fann uba, amaa u nan ta u ba le ki ŋa Uwonbɔr wan ji bininfob biɛn a bɔr kaah kpaa man nin a nɔɔn,

1 Piita 3:9

Ni laa jɔɔ tibir ki yɔ tibiri bee ki laa sug ban sug ni ki jiin ni, amaa ni li kaab tikaar ŋan tenn ban kaa ŋaa ni choba, ni niɛ nan bu le Uwonbɔr nan yin ni ke ni nan kan tikaar a faal.

1 Jɔnn 2:9

Wan ke uma be nwonween nin amaa wee ki sin nan u nabig ke, udaan la be libunbɔnlin le.

1 Jɔnn 3:10

Ni niɛ le che ti biɛr ban ye Uwonbɔr a buwaab nin ban ye ulinlaril a buwaab: Ban kaa tun nan ŋan bee kaa jiɛ bi nabumin kaa ye Uwonbɔr a buwaabi.

1 Jɔnn 5:16

Ni ye uba kan u nabig tun tibir tan kaa joor nin nkum ke, un miɛm wee Uwonbɔr n sei udaan limiɛfol. N pag jiin ban a bir kaa ye bin kpo nle. Tibir tiba be ki ye nkum. Naa ye ti a bir le n ke un miɛ.

Juud 1:9

Amaa hali malakam a ninkpelu Maakil, nin Sintani kaah nan far limɔkpel nin tab ulinlenn Moziz a gbanann bu-n, waa nan chee ki jɔɔ kutingbiig a galin nin Sintani, amaa le ki len ke, “Uyudaan li fuun a bu!”

Tibɔkpiirkaan 20:14

Le u ta nkum nin kitakpiin tiŋ ki gab nŋmi a mɔgilin yaan. Nŋmi a mɔgil nmɔn le ye nkum man kpiɛ milee.