Matiu 5:16 - UWONBƆR A GBƆNPƆŊ LIKƆƆNL

¹⁶ Ni mu li ŋaan man na, ni che ni wonweem li ween bininfob ban na, wee bi li ga ni ŋaar kaah ŋan wee ki don ni Baa wan be paab nan a yinl.

Uwumbɔr aagbaŋ

¹⁶ Ni li bi kina man. Cha binib mɔmɔk kan nimi aawiihn aah wiin pu na, aan bi kan nimi aatunyaan aan ki pak Nite Uwumbɔr u bi paacham na.”

Matiu 5:16 ပူးပေါင်းရင်းမြစ်များ

Matiu 23:5

“Bi tun man biɛn ki ban bininfob le nkan: Lig baah ta Uwonbɔr a siim ki sɔb tabin bi yutun bu, ki ŋa bi daalam a mɔgbai fɔg ki ban bininfobin kan;

Matiu 23:9

Ni laa yi uba ke ni Baa, dulinya nan yaan ni, nan bu-n ni jɔɔ Baa uba le kpeŋileŋ, le u be paab.

Matiu 5:45

wee ni fir ŋa ni Baa wan be paab nan a buwaab, nan bu-n u ma che nween wonn tininfobir nin bininfoŋam bu, ki ji che utaal nu bibuchim nin ban kaa ye bi buchim a timin.

Matiu 6:16

“Ni ye ni lol imɔɔŋ ke, ni laa bii ni num paam ke bilinlarib kaah ŋaan man nin ni, nan bu-n bi ti bii bi num paam le, ke bininfob biɛn n kan ki biɛ ke bi lol bi mɔɔŋi le. N bei ni ibamɔn le, bi pii gaa bi yɔra.”

Matiu 6:9

“Naah li miɛ Uwonbɔr man sɔ: ‘Ti Baa wan be paab, che a yinl li be kasi,

Matiu 9:8

Kuninfogbaluŋin kaah kan man ni, le bijawaam choo bi, le bi pag Uwonbɔr nin waah sei uninfosaal tininkper a pɔɔm nan a booli.

Tibɔnyaan ti Luk ŋmee ti na 11:2

Le U bei bi ke, “Ni yin miɛ Uwonbɔr ke, ni len ke: ‘Ti Baa, che a yinl le be kasi, che a naam n foon.

Jɔnn 15:8

Ni nan li ye n Baa a pag, ke ni lo iloon takpem, ki wɔɔn ni ba ke ni ye n bɔɔnɔɔb le.

Lituln 9:36

Upii wonjiɛn uba mu nan be Jopa, le u yinl ye Tabita, (amaa le Girig a leen yin, bi nan yi u ke Dokasi). U nan tun itoon ŋan le iyoo biɛn ki tenn faladam.

1 Korenti 14:25

Iyaayoo le u sufu ni a bɔwoonkaar biɛn li nyan npaan ni, le un gbaan tum ki jiɛn Uwonbɔr ki len ke, “Uwonbɔr sin be nin ni.”

2 Korenti 9:13

Naah ter bi nbu, ni ma wɔɔn naah ye ban, bininfob li pag Uwonbɔr nin limɔcheel lan wee ni jɔɔ ki kpenn ni binbem ki sei Masiya u bɔŋann nbu-n, nin naah por ipiin ni ki sei bi nin bininfob biɛn man.

Galantiya 1:24

Le bi don Uwonbɔr a yinl min bu.

Efesusi 2:10

Uwonbɔr le naan tim, Yisa Masiya bu le u sei ti itoon ŋan a binbem, ke ti li tun man wee u pii nan lol ke ti li tun nin na.

Efesusi 5:8

Ni gbaa tɔɔl la nan be libunbɔnlin le, amaa le ti Yudaau bu, ni nin kpann ban be nwonweenin le daandaan nan. Mambu ni li be ke nwonween a buwaaba,

1 Tesalonika 2:12

ki pɔɔgir ni gbanann, ki sɔŋir ni sufu, ki balin ni ke ni li be nbinben ŋan man gbeeg Uwonbɔr wan yin ni ki ta ni kɔɔn U naam man jɔɔ jilima-n a num.

1 Timoti 2:10

amaa wee ki li tun nan ŋan na, ni ma ŋan ki sei bipiib ban ke bi jiɛn Uwonbɔr.

1 Timoti 5:10

wee bininfob nyi u nbamɔm u toon ŋan bu, ki ta jiin waah wubiri u buwaab man, nin waah tun jiininba a toon ki tenn biwonjiɛm man, nin waah gaan bicham u niin man, nin waah li tenn ban be limugilin literil lan, nin waah ta u ba ki sei itoon ŋan nin biɛn man.

1 Timoti 5:25

Man mu le ji ye ni, itoon ŋan mu be npaan ni le, hali itoon ŋan yan kaa be npaan ni nin kaa li fir woon ni.

1 Timoti 6:18

Bei bi wee bi li tun nan ŋan na, ki li ye bijɔɔndam itoon ŋan nin, ki li por baah jɔɔ nan ki tenn taba ki laa jɔɔ woog tabi.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Taitus 2:7

Nin niwann biɛn ni ŋaam limagil ki sei bi ki li tun nan ŋan na. A wɔɔm a poolin ke, a wɔɔn bi tininforin nin inunman na.

Taitus 3:14

Ni kpaa le nin ti ninfob ntinn ki ta biba ki sei itoon ŋan a tum, ki ter bi lidaal biɛn baah ban nan, wee ki laa be nbinben man kaa jɔɔ tinyɔɔri.

Taitus 3:4

Amaa Uwonbɔr wan ye ti feeru nan a ŋam nin U bam kaah nan degirin nin,

Hiibru Yaab 10:24

Ni che ti baga li be taah li ŋa man ki li pɔɔgir ti kpiɛtiib a sufu, wee nin che ti fir wɔɔn ti jiɛm nin tab kaah ye man ki li tun itoon ŋan.

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

1 Piita 2:9

Amaa nim ye bininfob gannkaab le, ki ye bininfob ban ye ibɔrniin a minmanib, ki ye kasi a bol, ki ye Uwonbɔr yaab, ke ni pag Uma wan yin ni ki nyan ni libunbɔnlin ki ta ni ŋa ligaril a wonweem n-yaan nin.

1 Piita 3:1

Nim biniinpiib, man mu le ye ni, ni li cheel ni chiɛb a mɔɔŋi ya, ni ye bi ni uba kaa ŋa Uwonbɔr a bɔr yada ke, ni binbem bu bi li ŋa yada, ke naa kpaa talar nin ni pag niba gbaa,

1 Piita 3:16

ki che ni potiɛl li ŋan na, wee ban pag bii ni nin kininaŋ ni binbenŋam Masiya ni-n nji ifa bi tingbiig nmɔn bu.

1 Piita 4:11

Ni ye uba pag ke, u li pag tibɔr tan ye Uwonbɔr a mɔleen ya. Ni ye wan yin tun ke, u li tun nin npɔɔn man wee Uwonbɔr ta sei win na, wee niwann biɛn ni Uwonbɔr a yinl n kan kupag Yisa Masiya bu. Kupag nin npɔɔn ye u yaan le hali nin iyoo yan kaa jɔɔ diɛmi. Ibamɔn.

1 Piita 4:14

Ni ye bi sug ni Masiya a yinlin bu ke, ni kan tikaara, nan bu-n Kinaaŋ a pag nin Uwonbɔr be nin ni.