Matiu 5:10 - UWONBƆR A GBƆNPƆŊ LIKƆƆNL

¹⁰ Tikaar be ban kan limugil nbuchin binben bu, nan bu-n paab a naamin ye bi yaal le.

Uwumbɔr aagbaŋ

¹⁰ Binib bi ji falaa Uwumbɔr aasan aadiim pu na, waanyoor bi bi pu. Bima le yeh uma Uwumbɔr aanaan.

Matiu 5:10 ပူးပေါင်းရင်းမြစ်များ

Matiu 10:23

Bi nan mugir ni kitiŋ kiba ni ke, ni nya niin wee ki lɔŋ ki tɔu; N bei ni ibamɔn le, naa li fir gɔnn Juu yaab a tim nan biɛn ni, le Uninfosaal a Big ndan.

Matiu 19:14

Le Yisa bei bi ke, “Ni che nbuwaab nmɔn n dan n ban ni ki laa ŋɔɔ bi, nan bu-n bi bosu le kpaan nin paab a naamin.”

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Matiu 5:3

“Tikaar be ban ye bilanjiim kinaaŋin ni, nan bu-n paab a nnaamin ye bi yaal le.

Tibɔnyaan ti Mak ŋmee ti na 10:14

Waah nan kan bi tann bi bu-n ni, le u ŋuul nan fii bi bu, le u bei bi ke, “Ni che nbuwaab nmɔn n dan n ban ni, ki laa ŋɔɔ bi, nbuwaab nan kaah be man nan Uwonbɔr a niin a naamin ye bi yaan le.

Tibɔnyaan ti Mak ŋmee ti na 10:30

u na li kan tiwann ke tin jo waah nan jiɛn tiwann tan ni biɛn. U na li kan iniin, nin watiib nin kpetiib, nin ninsiɛb, nin nam, nin nbum, nin tikpaann, a kobig kobig kutingbɔŋ nan yaan, ki biɛ na li kan limugil ki kpiɛ; le n-yonn man chaan nan le un nan kan limiɛfol lan kaa jɔɔ ndiɛm nan.

Tibɔnyaan ti Luk ŋmee ti na 21:12

“Amaa ni nan biɛn nan yin ŋa ke, bi li choo ni ki mugir ni. Bi na li ta ni ki jo tiwonjiɛndirin nin tiloondirin, le ki ji li ta ni jo bibɔryudam nin kitiŋ a yudam ban, ki ji ni tibɔr n yinl bu.

Tibɔnyaan ti Luk ŋmee ti na 22:29

N Baa Uwonbɔr kaah jim nnaam man nin, mu yaa naam le n yin jin ni mu,

Tibɔnyaan ti Luk ŋmee ti na 6:20

Le Yisa nan lig u bɔɔnɔɔbin ki bei ke: “Tikaar be nim ban ye bilanjiimin bu, nan bu-n Uwonbɔr a naam ye ni yaan le.

Tibɔnyaan ti Luk ŋmee ti na 6:22

Tikaar be ni bu, n-yonn man wee bininfob nan ni, n-yonn man wee bininfob wiɛr ni, ki sugir ni, kaa ban ni yin tibir bu-n, Uninfosaal a Bigin bu.

Jɔnn 15:20

Ni li tiɛr imɔbon yan wee n nan pag ki sei nin na: ‘Utoontunn kaa yab jon u daau wi.’ Ni ye bi nan mugirim ke, bi li mugir ni mu. Ni ye bi chee sei n wɔɔm ke, bi li chee sei ni mu a wɔɔm.

Lituln 5:40

Le biyudam nmɔn nin chee Gamaliɛl a mɔb ki yin itoon nin ki kɔɔn, ki che bi boo bi ki ta bi jaa, ki sei bi bimɔb ke, bi li nyi ki laa mɔɔn Yisa a yinl nmɔn ni.

Lituln 8:1

Sɔɔl tɔɔl nan chee Sitifin a kum buu. Lidaal nmɔn le limugil takpenl nan dan biwonjiɛm a laguŋ kan nan be Jerusalam n bu, le bi biɛn nan nyan ki yal jon Judiya nin Samariya a tinbumin, ki jiɛn Yisa a toon n yaa binba nin yaan.

2 Korenti 4:17

Nan bu-n fala kan kaa kpiɛg wee ti jin ki wama nan, ni ma yin che ti kan kupag kan yab ki jon ni biɛn nan.

Filipi 1:28

naah kaa san bininfob ban fann ni nan. Ni ma ye siɛra ki wɔɔn bi ke baa li kan nnyaŋim mi, amaa nim li kan n nŋmarim man nyan Uwonbɔr ban.

2 Timoti 2:12

ni ye ti pɔɔn tiba ke, ti mu wo li ji u nnaamin. Ni ye ti yii u ke, u mu wo li yii ti

2 Timoti 3:11

nin baah mugirim man, nin n fala a jim, nin tiwann tan biɛn nan kam Antiɛg, nin Ikoniɛm nin Lisitira, nin maah nan pɔɔn nba ki kan limugil lan. Nin ni ma biɛn Uyudaan nan nyan ma.

Jemisi 1:12

Tikaar be wan jɔɔ limɔril limagil a poolin nin bu, nan bu-n ni ye u nyaŋ limagil ki diɛ ke u li kan u naan yuchigirig kan ye limiɛfol wee Uwonbɔr nan siin limɔsiinl ke u li ta sei ban ban win.

Jemisi 5:11

Ke naah nyi man ni, ni ye tinyɔɔr le ki sei ban jin fala. Ni gbir Job kaah nan jɔɔ limɔril man u fala a jimin, ki ji kan ni joorim Uwonbɔr kaah tun nan ki sei wa. Uyudaan ye Unyunyunbasann le.

1 Jɔnn 3:12

Ni laa be ke Keenn ni, wan nan ye ulinlaril a ninfou wee ki nan ku u waalin nni. Babu wee u nan ku u waalaa? Nan bu-n u toon yin nan ye tibir le, le u waal mu a toon nan ye tibuchinn.

Tibɔkpiirkaan 2:10

Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.