Matiu 4:23 - UWONBƆR A GBƆNPƆŊ LIKƆƆNL

²³ Yisa nan chonn jin Galilii a tim biɛn ni le, ki wɔɔn tiwonjiɛndirin, ki mɔɔn Uwonbɔr a naam a bɔŋann ni, ki che ban bu iwiɛn a booli biɛn kan kutebug.

Uwumbɔr aagbaŋ

²³ Le Yesu bɔ dii Galilee aatim mɔmɔk ni, ki koo mmeen aadir ni, ki tuk binib Uwumbɔr aabɔr ki mooni Uwumbɔr aanaan aabɔnyaan tee, le ki cha bibum bi kpa iween aabɔŋ mɔmɔk na, ni binib bimɔk kaa pɔɔ na pɔɔk.

Matiu 4:23 ပူးပေါင်းရင်းမြစ်များ

Matiu 11:5

ke ni kan bijɔɔm ligir, le nwɔbim a taai tann le bi choon, le nkɔm a gbanann ŋaŋ, le bitukpaab gbir, le bitakpiib fii nkumin, le tibɔŋann nin nan mɔɔn ki sei bilanjiim.

Matiu 12:9

Le Yisa nyan nin yaan ki jon tan kɔɔ bi wonjiɛndiigin,

Matiu 13:19

Ni ye uninfo gbir paab a naam nan a bɔr nan wee kaa biɛ titaai ke, kininbɔŋ le dan ki nan choo nyan nan bun u sufu ni, ni ma ye ndibim man nan lu nsan ni.

Matiu 13:54

Ki kun u baantɔɔl a tiŋ, ki tan wɔɔn bininfob Uwonbɔr a bɔr, kuwonjiɛndiigin. U wɔɔnim nmɔn nan ŋa bininfobin ligaril le, le bi baan tab ke, “La ban wee uja nan kan nlam nin npɔɔn ki tun ligaril a toon nan naa?

Matiu 14:14

Yisa kaah nyan kuŋaluŋ n-yaan ki kan kuninfogbaluŋin ni, le kunyunyunbaag choo u, le u teb bi wiɛn.

Matiu 24:14

Le bi na li mɔɔn paab a naam nan a bɔŋann ilog biɛn nin ki ŋa siɛra ki sei ibol biɛn wee dulinya a diɛmin nin foon.

Matiu 3:2

ki ke “Ni jiɛn tibira, nan bu-n paab a naamin a jim mala.”

Matiu 9:35

Yisa nan choon ki gɔnn ntintakpem nin ntinbum biɛn nin, ki kɔɔ tiwonjiɛndirin, ki mɔɔn Uwonbɔr a naam a bɔŋann ni ki wɔɔn bininfob, ki che ban bu iwiɛn a booli kan kutebug.

Tibɔnyaan ti Mak ŋmee ti na 1:14

Le bi nan choo Jɔnn Wan nan Fu Bininfob Uwonbɔr a Nyunful nan, ki tan ŋa kuloondiigin; ni bɔɔn bu le Yisa nan jon Galilii a tingbɔŋin, ki tan mɔɔn Uwonbɔr a bɔŋann nin.

Tibɔnyaan ti Mak ŋmee ti na 1:21

Le Yisa nin u bɔɔnɔɔb nan tan kɔɔ Kapeniɛm a tiŋin, le Juu yaab a kpakɔɔl daal nan foo, le u paa kɔɔ kuwonjiɛndiigin ki piin ki wɔɔn bininfob Uwonbɔr a bɔr.

Tibɔnyaan ti Mak ŋmee ti na 1:39

U nan chonn Galilii a tingbɔŋ biɛn, ki mɔɔn tibɔŋann nmɔn, tiwonjiɛndirin, ki ji nyan nnaanbiim bininfobin.

Tibɔnyaan ti Mak ŋmee ti na 3:10

waah nan che bibaarib takpem pɔɔg nbu le ban biɛn nan bu-n nan fɔɔr ki mal u ki ban bin maa u.

Tibɔnyaan ti Mak ŋmee ti na 6:2

Le likpakɔɔl daal nan foo, le u kɔɔ kuwonjiɛndiigin ke un wɔɔn bininfob Uwonbɔr a bɔr. Bininfobin kaah nan gbir u wɔɔnimin, le ni gar bi biɛn, le bi baan tab ke, “Uja nan kan nlam nan la ban naa? U ŋa niin ki fir tun ligaril a toon nan naa? U kan ni niɛ nan biɛn laa?

Tibɔnyaan ti Mak ŋmee ti na 6:6

amaa bininfobin kaah kaa nan ŋa u yada-n bu le ni nan gar u. Man le Yisa nan chonn ntinbumin ki wɔɔn Uwonbɔr a bɔr,

Tibɔnyaan ti Luk ŋmee ti na 10:9

ki che bibaarib npɔɔg kitiŋ nmɔn yaan, ki bei bi ke, ‘Uwonbɔr a naamin mal na.’

Tibɔnyaan ti Luk ŋmee ti na 13:10

Juu yaab a kpakɔɔl daal le Yisa nan be wɔɔn Uwonbɔr a bɔr kuwonjiɛndiigin kiba yaan,

Tibɔnyaan ti Luk ŋmee ti na 16:16

“Bi nan mɔɔn Nsiimin nin Bilinlem a bɔr le hali nin Jɔnn kaah nan nan foon. Naah nan nyan iyaayoo ki nan kpa daandaan nan, bi mɔɔn tibɔŋann tan pag ki jiin Uwonbɔr a niin a naam npaam le, le bininfob mugir biba ke bin nan kɔɔ Uwonbɔr a niin a naam nmɔn yaan.

Tibɔnyaan ti Luk ŋmee ti na 20:1

Weemba daal waah nan be iwonjiɛn niin a loob ki wɔɔn bininfob ki mɔɔn Uwonbɔr a bɔr ŋann ni, le kumanug a ninkpeeb nin ban wɔɔnn Uwonbɔr a siim nin kitiŋ nmɔn a ninkpeeb donn u ban.

Tibɔnyaan ti Luk ŋmee ti na 4:14

Yisa nan jir Galilii le Kinaaŋ pɔɔmin. Le u bɔr nan mɔɔn itingbaa biɛn.

Tibɔnyaan ti Luk ŋmee ti na 5:17

Weemba daal Yisa kaah nan be ki wɔɔn le Farasii yaab nin ban wɔɔnn Uwonbɔr a siim ban nan nyan Galilii a timin nin Judiya a timin nin Jerusalam a timin nan ka u ban. Le Uwonbɔr a pɔɔm nan be u ban le u che bibaarib kan kutebug.

Tibɔnyaan ti Luk ŋmee ti na 6:17

Le Yisa nin u bɔɔnɔɔb nan nɔɔ jiirin ki nan sir npaan nin. Le u bɔɔnɔɔb takpem mu nan be niin, le bininfob takpem nan be niin ki kpiɛ, bi nan nyan Judiya a tiŋin nin Jerusalam, nin nnyum takpem a timin Taya nin Sidonn a tingbaan yin le;

Tibɔnyaan ti Luk ŋmee ti na 6:6

Juu yaab a kpakɔɔl liba daal jigin, le Yisa kɔɔ kuwonjiɛndiigin ki wɔɔn bininfob Uwonbɔr a bɔr. Le uja uba nan be niin le u nɔɔjiim kpo.

Tibɔnyaan ti Luk ŋmee ti na 7:21

Iyaayoo nmɔn le Yisa nan che bibaarib takpem pɔɔg, le ki nyan nnaanbiim bininfobin ki ligir bijɔɔm takpem.

Tibɔnyaan ti Luk ŋmee ti na 7:22

Le u bei Jɔnn a tooi ke, “Ni li jir ki tan bei Jɔnn naah kan nan nin naah gbir man: Bijɔɔm ligir, le nwɔbim choon, le nkɔm kan kutebug, le bitukpaab gbir, le bitakpiib fii nkumin, le bi mɔɔn tibɔŋann ni ki sei bilanjiim.

Tibɔnyaan ti Luk ŋmee ti na 8:1

Ni bɔɔn bu le Yisa nan kɔɔ ntim takpemin nin ntim bumin ki mɔɔn Uwonbɔr a naamin kaah yin be man a bɔŋann, le u bɔɔnɔɔb piig nin bilee-n nan nɔɔ u.

Tibɔnyaan ti Luk ŋmee ti na 9:11

Amaa le kuninfogbaluŋin nan nan gbir man, le ki nɔɔ u ki jon. Waah nan kan bi ki miin bi chaan n-yonn man nin, le u gaa bi ki wɔɔn bi Uwonbɔr a naamin a bɔr, le ki che ban kaa nan pɔɔ kan kutebug.

Tibɔnyaan ti Luk ŋmee ti na 9:60

Le Yisa bei u ke, “Che bitakpiibin pii bitakpiib tab. Amaa fin li chaa ki tan mɔɔn Uwonbɔr a naam nan a bɔr.

Jɔnn 18:20

Le Yisa nan jiin ke, “N pag npaan ni le ki sei dulinya, n gbaa wɔɔn tiwonjiɛn dirin bee iwonjiɛn niin le, nan yaan wee Juu yaab biɛn lagin tab. Maa la nyi pag niba ki woon ni.

Jɔnn 6:59

Waah nan be Kapeniɛm a wonjiɛndiigin ki wɔɔn nin le u nan len man.

Jɔnn 7:1

Ni bɔɔn bu, le Yisa nan choon gɔnn Galilii a timin, kaa nan ban u li be Judiya, nan bu-n Juu yaab ban nan be niin ni nan si guu le ke bin ku u.

Lituln 10:38

ni biɛn nyi Uwonbɔr kaah gbeen Yisa wan nyan Nazarif nan U pɔɔm man, ki sei u Kasi a Naaŋ nin npɔɔn nin waah nan choon ki tun itoon ŋan ki teb ban biɛn nan be ulinlarin a pɔɔmin ni, nan bu-n Uwonbɔr le nan be u ban.

Lituln 18:4

Le likpakɔɔl daal biɛn ke Pɔɔl n kɔɔ kuwonjiɛndiigin, ki far Juu yaab nin Girig yaab limɔkpel ki ban bin chee u bɔr tan wee u pag tenn bin.

Lituln 20:25

“Daandaan nan n nyi ke maah nan choon ki mɔɔn Uwonbɔr a naam a bɔrin ki tenn nim ban nin, ni ni uba kaa ji li kan mi.

Lituln 28:31

U nan mɔɔn Uwonbɔr a naamin a bɔr le, ki wɔɔn bininfob Uyudaan Yisa Masiya a bɔr nin lipoobil le uba kaa ŋɔɔr wi.

Rom Yaab 10:15

Ke bi yin ŋa nii ki mɔɔn ti wee naa ye bi tun bi lee? A li ke naah sɔb man Uwonbɔr a gbɔŋin nin, “Ban mɔɔn tibɔŋann nin tenn bininfobin tenn bi tibɔmɔnn le.”