Matiu 28:18 - UWONBƆR A GBƆNPƆŊ LIKƆƆNL

¹⁸ Le Yisa fɔɔr mal bi, ki len ke, “Uwonbɔr seim paab nin tum a ninkpera.

Uwumbɔr aagbaŋ

¹⁸ Le Yesu bui bi, “Uwumbɔr tii mi mpɔɔn mɔmɔk, paacham ni taab.

Matiu 28:18 ပူးပေါင်းရင်းမြစ်များ

Matiu 11:27

“Tɔ, n Baa le wɔɔm tibɔr nan biɛn. Uba kaa nyi min Bija-n kaah ye wan ni see n Baa-n; le uba mu kaa nyi n Baa-n ni, see min, wan ye u bija nan, ke maah kpiir ki wɔɔn ban wee n ban ni.

Matiu 16:28

N bei ni ibamɔn le, biba be doo kaa li kpo see ke bi nan kan Uninfosaal a Big kaah na li foon nin nnaam man.”

Matiu 26:64

Le Yisa jiin u ke, “Nn, ke ŋaah len man ni. Amaa n bei ni le: Naah nyan daandaan nan ki chaa, ni li kan Uninfosaal a Big kaah ka Liwonbɔr Gbingbemilin a nɔɔjiim paam, ki na li kan waah be paab titalangbann ni ki chaan.”

Tibɔnyaan ti Luk ŋmee ti na 10:22

N Baa le ta ni nan biɛn ki seim; uba kaa nyi Bija-n kaah ye wan ni see Baa nmɔn a binba, le uba mu kaa nyi Baa nmɔn kaah ye wan ni see Bija-n nin ban mu wee Bija-n gann ki kpiir ki wɔɔn ni.”

Jɔnn 13:3

Yisa kaah nan nyi ke Baa-n ta niwann biɛn ki ŋa u nɔɔn nin, le ki ke u nan nyann Uwonbɔr ban le ki ji yin jir Uwonbɔr ban;

Jɔnn 17:2

Nan bu-n fin le sei u tininkper a pɔɔm le u jon bininfob biɛn ke un sei ban biɛn wee A ta sei win limiɛfol lan kaa jɔɔ ndiɛm.

Jɔnn 3:31

“Wan nyann paabin le jon ni biɛn; wan nyann tumin ye tum yaau le, le ki pag ke wan nyann tumin. Wan nyann paabin le jon ni biɛn.

Jɔnn 3:35

Baa-n kaah jiɛ Bija-n bu le u ta niwann biɛn ki ŋa u nɔɔn.

Lituln 10:36

Ni nyi tibɔr tan wee Uwonbɔr nan pag sei Iziral yaab ki wɔɔn bi tibɔŋann tan ye nposɔɔn Yisa Masiya bu, u ma ye ti biɛn a Yudaau.

Lituln 2:36

“Mambu ni che Iziral yaab biɛn n biɛ ni niɛ: Yisa wan wee ni nan kpa u lidapunpunl bu-n, U ma le Uwonbɔr ŋa u Uyudaan nin Masiya.”

Rom Yaab 14:9

Ni niɛ nan bu, le Masiya nan kpo ki fii nkumin naah li ŋa man wee U li ye ban fo nin ban kpo a Yudaau.

1 Korenti 15:27

“U ta niwann biɛn ki ŋa u nɔɔn na.” Amaa naa wɔɔn ke Uwonbɔr tɔɔl kpiɛ niin ni, U ma ta niwann biɛn ki ŋa Masiya a nɔɔn.

Kolosiya 2:10

le Uwonbɔr ta Masiya le ki gbeen ni, wan ye npɔɔn biɛn nin tininkper a pɔɔm a yudaau win.

Hiibru Yaab 1:2

amaa idaa yan joor nan, u che U bija le pag sei ti, wan wee U ŋau niwann biɛn a faajiru win, nin wan bu wee U nan naan dulinya nan nin.

Hiibru Yaab 2:8

ki ta niwann biɛn ki ŋa u nɔɔn.” Uwonbɔr kaah ta niwann biɛn ki ŋa Yisa a nɔɔn nin, Uwonbɔr kaa nan che niba gur kaa ye u yaan ni. Amaa daandaan nan taa kan waah ye niwann biɛn man ni.

1 Piita 3:22

Yisa wan nan don paab ki be Uwonbɔr a nɔɔjiim paam nin Malakam nin tininkper a pɔɔm nin ipɔɔn biɛn yan cheel u mɔbin.

Tibɔkpiirkaan 11:15

Le malaka wan kpiɛ milile mu pee u naatuŋ, le ikukɔpɔɔr be paab ki tann ki len ke: “Dulinya a naam kpann ti Yudaau nin U Masiya yaala, le u li ŋmag u naam hali nin isaŋ yan kaa jɔɔ diɛm.”

Tibɔkpiirkaan 17:14

Bi na li to Kipeebigin bitɔb, amaa Kipeebigin na li nyaŋ bi, nan bu-n kipeebig nmɔn le ye biyudam a yudaau nin bibɔrtiib a bɔru, le ban na li be u ban ye ban wee u yin ki gann bi, wee bi ye yadadam ki nɔɔ win.”

Tibɔkpiirkaan 19:16

U wann yeewann nin u panl bu, le liyinl liba nan sɔb paa ke: BIBƆRTIIB BIƐN A BƆRU NIN BIYUDAM BIƐN A YUDAAU.