Matiu 27:63 - UWONBƆR A GBƆNPƆŊ LIKƆƆNL

⁶³ Le ki tan bei u ke, “Ti baa, ti tiɛr ke tibɔkar daan nmɔn kaah nan be-n, u nan bei ti ke, ‘Iweehn itaa daal n li fii nkumin.’

Uwumbɔr aagbaŋ

⁶³ le ki bui u, “Timi aaninkpel, ti teer ke unyamɔndaan ngbaan aah nan bi na, u nan bui ke u yaa kpo kan, iwiin itaadaal u ga fikr nkun ni.

Matiu 27:63 ပူးပေါင်းရင်းမြစ်များ

Matiu 16:21

Naah nan nyan iyaayoo ki jɔɔ chaa, le Yisa nan piin ki bei u bɔɔnɔɔb ke ni kpaa le ke un jo Jerusalam, amaa kitiŋ a ninkpeeb, nin biminmanib a yudam, nin ban wɔɔnn Uwonbɔr a siim nan, li mugir u takpem ki ku u; amaa iweehn itaa daal Uwonbɔr li fiin u nkumin.

Matiu 17:23

Bi na li ku u, le iweehn itaa daal u li fii nkumin.” Le ni bii u bɔɔnɔɔbin a sufu.

Matiu 20:19

bi na li ta u sei ban kaa ye Juu yaab nan le bin laa u, ki boo u inaalab, ki kpaa u lidapunpunl bu, amaa iweehn itaa daal u li fii nkumin.”

Matiu 26:61

ki len ke, “Uja nan le ke, ‘N jɔɔ npɔɔn man li fir ber iwonjiɛn niin nan ki ji ta iweehn itaa ki ma i.’ ”

Matiu 27:64

Mambu, sei bitɔtob bimɔb wee bi li ka ki guu kukaag nmɔn ki tan kpaa iweehn itaa nmɔn daal, naa ye man ke, u bɔɔnɔɔb na li dan ki nan kur u, ki sin len ke u fii nkumin le. Le bi bɔkar nmɔn na li jo chinchinn yaarin.”

Matiu 28:6

Waa be do; u fii nkumin na, ke waah nan len man ni. Ni dan ki nan lig waah nan dɔ nan yaan ni.

Tibɔnyaan ti Mak ŋmee ti na 10:34

le bi li laa u ki sii timɔsann ki ŋaa u ki boo u, ki nan ku u, amaa ni ween itaa daal u li fii nkumin.”

Tibɔnyaan ti Mak ŋmee ti na 8:31

Le Yisa ni nan wɔɔn u bɔɔnɔɔb ke, see Uninfosaal a Big jin fala, le kitiŋ a ninkpeeb, nin kumanug a yudam, nin ban wɔɔnn Uwonbɔr a siimin na li yii u, ki ji ku u, amaa ni ween itaa daal le u li fii nkumin.

Tibɔnyaan ti Mak ŋmee ti na 9:31

ki wɔɔn u bɔɔnɔɔbin ni, le ki bei u bɔɔnɔɔbin ke, “Bi na li ta Uninfosaal a Big ki ŋubin bininfob a nɔɔn le bin ku u, amaa ni ween itaa daal, u li fii nkumin.”

Tibɔnyaan ti Luk ŋmee ti na 18:31

Le Yisa nan yin u bɔɔnɔɔb piig nin bilee-n ki nyan ngbaan ki tan bei bi ke, “Ti chaa do Jerusalam le nan, le niwann nan biɛn wee Bilinlemin nan sɔb ki jiin min Uninfosaal a Bigin paamin li gbeen.

Tibɔnyaan ti Luk ŋmee ti na 18:33

Le ni ween itaa daal u li fii nkumin.”

Tibɔnyaan ti Luk ŋmee ti na 23:2

Le bi nan piin ki galin u ke, “Ti kan uja nan le u be bei ti ninfob ke bi laa yɔ lampo ki tenn Siiza, ki ke u ma ye Masiya, ki ye ubɔr.”

Tibɔnyaan ti Luk ŋmee ti na 9:22

Le ki ji bei bi ke, “Ni kpaa le ke min Uninfosaal a Big n ji fala takpem. Le Juu yaab a ninkpeeb nin kumanug a ninkpeeb nin ban wɔɔnn Uwonbɔr a siim nan li yiim, ki ji kum, amaa iweehn itaa daal, Uwonbɔr li fiinim nkumin.”

Jɔnn 2:19

Le Yisa jiin bi ke, “Ni worin iwonjiɛn niin nan ke, N ji li fiin i iweehn itaa daal.”

Jɔnn 7:12

Yisa a bɔr nan ŋuulin le kuninfogbaluŋ nmɔn yaan. Le biba ke, “U ye uninfoŋan le.” Le biba jiin ke, “Aai, u lar bininfob le.”

Jɔnn 7:47

Le Farasiimin jiin ke, “Ni ban ni ke u ji lar ni mu le bee?

2 Korenti 6:8

biba tenn ti jilima le biba mu kaa tenn ti jilima, biba pag ki mann ti le biba mu pag ki bii ti; ti ye bibamɔn pagib le amaa le bi yin ti tibɔkardam;