Matiu 26:55 - UWONBƆR A GBƆNPƆŊ LIKƆƆNL

⁵⁵ Iyaayoo nmɔn le u baan kuninfogbaluŋin ke, “N ye ban kɔnn nin tininkper a sanliiru le ni dan nin njum nin ilangul ke ni nan choom maa? N nan ti be iwonjiɛn niin le iweehn biɛn ki wɔɔn bininfob Uwonbɔr a bɔr, amaa le naa ti chor mi.

Uwumbɔr aagbaŋ

⁵⁵ N‑yoonn ngbaan le u baa kinipaak ngbaan, “Ni joo kijaak aajum, ni ŋichakukul ni nan chuu mi ke maah ye ufifiir le na aa? M nan bi Uwumbɔr Aadichal ni iwiin mɔmɔk, ki tuk binib Uwumbɔr aabɔr, le naa chuu mi.

Matiu 26:55 ပူးပေါင်းရင်းမြစ်များ

Matiu 21:23

Yisa kaah nan kɔɔ iwonjiɛn niin a loob n-yaan ki wɔɔn Uwonbɔr a bɔr n-yonn man ni, le kumanug a yudam nin kitiŋ nmɔn a ninkpeeb dan u ban ki nan baan u ke, “Ŋma a ninkper a pɔɔm wee a jɔɔ tun itoon nan biɛn naa? Ke ŋma seiŋ tininkper a pɔɔm nmɔn naa?”

Matiu 26:47

U mɔb kaa la nan lu, le Judasi wan ye u tooi piig nin bilee a ni uba, degirin nin kuninfogbaluŋ, le biba ŋmag bitɔb a jum, le biba mu ŋmag ilangul. Kumanug a yudaau nin bininkpeeb li na tun bi.

Tibɔnyaan ti Mak ŋmee ti na 10:1

Le Yisa nan nyan ki chaa Judiya a tingbɔŋin ki tan don Jɔdann a mɔgilin. Le bininfob takpem nan lagin u ban, le u yaan ti nan wɔɔn bi Uwonbɔr a bɔr ke waah pii ti wɔɔn man nin.

Tibɔnyaan ti Mak ŋmee ti na 12:35

Yisa kaah nan be wɔɔn bininfob iwonjiɛn niin n ni, le u nan baan bi nbinbaan ke, “Ba ŋa wee ban wɔɔnn Uwonbɔr a siimin ke Masiya n ye Defid a yaabil lee?

Tibɔnyaan ti Luk ŋmee ti na 19:47

Idaa biɛn u nan be iwonjiɛn niin le ki wɔɔn. Amaa le kumanug a ninkpeeb, nin ban wɔɔnn Uwonbɔr a siim, nin kitiŋ nmɔn a ninkpeeb nan lolig le baah li ŋa man ki ku u.

Tibɔnyaan ti Luk ŋmee ti na 20:1

Weemba daal waah nan be iwonjiɛn niin a loob ki wɔɔn bininfob ki mɔɔn Uwonbɔr a bɔr ŋann ni, le kumanug a ninkpeeb nin ban wɔɔnn Uwonbɔr a siim nin kitiŋ nmɔn a ninkpeeb donn u ban.

Tibɔnyaan ti Luk ŋmee ti na 4:20

Le u kpab kugbɔŋin ki jiin sei kuwonjiɛndiig n-yaa toontunn uba, le ki sin kal. Le bininfob ban biɛn be kudiig nmɔn yaan nin lig u.

Jɔnn 7:14

Kuchiig nmɔn a jim nan nan por sisiigin le Yisa nin nan jon tan kɔɔ iwonjiɛn niin a loob ki be wɔɔn bininfob.

Jɔnn 7:28

Yisa kaah la nan be iwonjiɛn niin nin, le u tiɛn paab npɔɔn bu ki ke, “Nn, ni nyim, le ki nyi ma nyan nan yaan. Maa dan do n baantɔɔl a pɔɔm bu, amaa wan nan tunimin le ye ubamɔndaan. Nim kaa nyi wi,

Jɔnn 8:2

Kutaayɔg paam le u ji nan kpiir uba iwonjiɛn niin a loob, niin le bininfob biɛn nan lagin ki ka jin u, le u nan kal ke un wɔɔn bi.

Jɔnn 8:20

U nan pag imɔbon nan le ki wɔɔn bininfob waah nan be iwonjiɛn niin a nan paam mal baah nan ta kumanug adaka siin nan yaan nin. Amaa uba kaa nan choo wi, nan bu-n u yonni kaa la nan fo.