Matiu 26:41 - UWONBƆR A GBƆNPƆŊ LIKƆƆNL

⁴¹ Ni ligira wee ki li miɛ Uwonbɔr a, wee ki laa nan kɔɔ libiginlin ni. Kinaaŋ ma ban amaa le tigbanann kaa jɔɔ npɔɔn ni.”

Uwumbɔr aagbaŋ

⁴¹ Ni li ka lik man, aan ki li mee Uwumbɔr, aan ki taa koo ntɔŋ ni. Nisui ban ke ni li lik, le tiwon aa pɔɔ.”

Matiu 26:41 ပူးပေါင်းရင်းမြစ်များ

Matiu 24:42

“Mambu, ni li nyi man, nan bu-n naa nyi lidaal lan wee ni Yudaau yin dan ni.

Matiu 25:13

“Mambu ni li guu ni ba man, nan bu-n naa nyi lidaal lan bee n-yonn man ni.

Matiu 26:38

Le u bei bi ke, “Lisufubiil lan dan n bu nan yab le ki ban lin kum. Ni li be do ki li guu kpiɛg n buu.”

Matiu 6:13

Ki laa liin ti ki kɔɔn libiginlin ni, amaa wee ki nyan ti titoonbirdaan a nɔɔn.’

Tibɔnyaan ti Mak ŋmee ti na 14:38

Le ki bei bi ke, “Ni ligir ki miɛ Uwonbɔr a wee ki laa kɔɔ nton nan yaan ni. Ni naam ma ban ni tun nan ŋan, amaa le ni gbanann kaa pɔɔ.”

Tibɔnyaan ti Luk ŋmee ti na 11:4

Jiɛn tibir ki per ta ke ti mu kaah jiɛn ban bii ti a bir ki per bi man nin ki laa liin ti ki kɔɔn libiginlin ni.’ ”

Tibɔnyaan ti Luk ŋmee ti na 21:36

Ni li guu nbamɔma, ki sin li miɛ Uwonbɔr wee ni fir guun ŋmar nan biɛn yin ŋa nan, wee ni nan fir ki sir uninfosaal a bija-n a nintogil.”

Tibɔnyaan ti Luk ŋmee ti na 22:40

Waah nan tan foo niin nin, le u bei bi ke, “Ni miɛ Uwonbɔr wee ki laa kɔɔ libiginlin ni.”

Tibɔnyaan ti Luk ŋmee ti na 22:46

Le u baan bi ke, “Ba ŋa wee ni dɔ jiɛn naa? Ni fiim ki miɛ Uwonbɔr wee ki laa nan kɔɔ libiginl nan yaan ni.”

Tibɔnyaan ti Luk ŋmee ti na 8:13

Man mu nan lu kutintiɛg nan bu mu nann bininfob ban gbir n bɔr nin npopeen, wee ta laa jiir bi sufu ni nbamɔm n le; bi ŋa Uwonbɔr yada n-yonn wama nan le, tɔ, le nton pii bi ke, le bi yii n nɔɔm.

Rom Yaab 8:3

Uwonbɔr tun nan wee nsiimin kaa fir tun nna nan bu-n uninfosaal a gbanann kaa nan fir ŋmag nsiim nmɔn ni, le U tun U tɔɔl a big le ki nann uninfosaal wan ye tibirdaan nin ke un nan mann tibir a manug. Le ki bii tibir tan be uninfosaal a gbanann nin ni-n,

1 Korenti 10:13

Nbigim le kaa be ki nyaŋ ni see nbigim man be nin uninfosaal biɛn n yaa binba. Uwonbɔr ye u bamɔndaan le, waa li che nbigim n foon ni ban ki jo ni pɔɔm a tarigi. Amaa ni ye nbigim foon ni ban ke, u ji li fir naan nsan ki sei ni wee ni nɔɔ nya ki mann sir mi bu.

1 Korenti 16:13

Ni li guu niba man, ki che ni yada li pɔɔu, ki li ye bininfob ban jɔɔ lipoobil nin npɔɔn.

1 Korenti 9:27

Aai, n mug n gbanann le ki ŋa ti tiyomir, ke maah mɔɔn tibɔŋannin ki tenn n tab man ni, ni bɔɔn bu min tɔɔl n laa nan lann n yɔri.

Galantiya 5:24

Masiya kaah ye ban nin ta tigbanann a kɔlisa nin bi binben biimin biɛn ki kpaa lidapunpunl buu.

Efesusi 6:18

Ni li miɛ Uwonbɔr Kinaaŋin ki li miɛ U nan yaan biɛn wee ni be nin liwonmiɛl lan a booli biɛn wee ni ban. Ki che ni niɛ nan li be ni sufu ni, ni li guu ni ba wee ki li miɛ ki tenn Uwonbɔr a ninfogannkaabin biɛn na.

1 Piita 4:7

Tiwann biɛn a diɛm mala. Mambu ni che ni potiɛri li ween na wee ki li chor ni ba wee ni li fir miɛ Uwonbɔr.

1 Piita 5:8

Ni choom niba ki li nyi niba bu. Ni dataag ulinlaril le choon le jin ke ugbegin wan ŋuun ki ban uninfo un choo niɛ-n.

2 Piita 2:9

Ni ye Uyudaan ŋa man biɛn ke, U nyi waah li ŋa man ki fee ban ye biwonjiɛmin ki jaa bi mugilin, amaa le ki guu ban kaa ye bibuchimin tibɔr a ji daal, nin waah na tugir ki dar bi tuli man.

Tibɔkpiirkaan 16:15

“Lig! N li dan ke unaayigin! Tikaar be wan kaa dɔɔ jiɛn, wee ki ŋmag u wann yeewann, wee u laa nan choon gaan wee u yul nkpo.”

Tibɔkpiirkaan 3:10

Naah nyigin wee ki jɔɔ limɔril ki ŋmag n siimin bu, n na li nyan ni limugil lan yin foon ki nan mag ban be dulinya nan yaan biɛn nin.