Matiu 26:28 - UWONBƆR A GBƆNPƆŊ LIKƆƆNL

²⁸ N cham man ye Uwonbɔr a poorin sɔ, ncham man kpaar ki wur bininfob takpem bu, wee bi kan tibir a jiɛnper nan.

Uwumbɔr aagbaŋ

²⁸ Maasin le na. Maasin pu, le Uwumbɔr puu tipuupɔln ki tii nimi. Maasin ga nya binib pam aatunwanbir pu, aan Uwumbɔr di cha pinn bi.

Matiu 26:28 ပူးပေါင်းရင်းမြစ်များ

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Matiu 26:27

Le u ji yuur kiyiinyɔɔg nin isiloon a daam ki sei Uwonbɔr kunɔɔpoog, le ki ta sei bi, ki ke, “Ni gaa man wee ni biɛn n nyu.

Matiu 26:29

N bei ni le, maa ji li nyi ki nyu isiloon a daam nan ni, see lidaal lan wee min nin nim na li lagin ki nyu miwanpɔm, n Baa a niin a naamin.”

Matiu 6:12

Jiɛn ti bir ki per ta. Ke ti mu kaah jiɛn per ti pɔndam man ni.

Tibɔnyaan ti Mak ŋmee ti na 1:4

Tɔ le Jɔnn nan dan, ki nan be kukunkɔɔg a paab ki fu bininfob Uwonbɔr a nyunfulin, ki mɔɔn linyunful lan ye nkpenim nin tibir a jiɛn per.

Tibɔnyaan ti Mak ŋmee ti na 14:24

Le u bei bi ke, “N cham le yen, le n cham li kpaar ki wur, bininfob takpem bu, ki wɔɔn ke Uwonbɔr poo tipoor pɔn na.

Tibɔnyaan ti Luk ŋmee ti na 22:19

Le ki nan yuur boroboro, ki sei Uwonbɔr kunɔɔpoog, ki war war sei bi, ki ke “N gbanann le n jɔɔ tenn ni nan; ni li ŋaan man na, wee ki li tiɛr nbu.”

Tibɔnyaan ti Luk ŋmee ti na 22:20

Baah ji nan jin kunyiɛg a jiir ki diɛ a bɔɔn le u ji yuur kiyiinyɔɔgin, ki ke, “Kiyiinyɔɔg nan li ye Uwonbɔr a poopɔnn tan be n chamin, ki kpaar sei ni nan.

Rom Yaab 5:15

Amaa Uwonbɔr a piin yin kaa nann Adam a birin ni. Ni ye bininfob takpem kpo uninfo uba nmɔn a bir bu ke, man ke Uwonbɔr a nyunyunbasanlin ma li jo man, le U piin yan nyann uninfo uba wan ye Yisa Masiya a nyunyunbasanlin nin ma li yab ki tan lagir le Un ta sei bininfob takpem!

Rom Yaab 5:19

A li ke naah nan ye uninfo uba a mɔyiil bu le nan che bininfob takpem kpann tibirdamin, man mu le uninfo uba a mɔcheel bu mu yin che bininfob takpem n kpann bibuchim.

1 Korenti 11:25

Man nmɔn jigin baah nan jin diɛ a bɔɔn le u ji yuur kiyiinyɔɔg, ki len ke, “Kiyiinyɔɔg kan ye Uwonbɔr a poopɔnn tan ye n yaa chamin nsɔ, ni li tun man n-yonn man biɛn wee nin nan nyun ke, ni li tiɛr nbu.”

Efesusi 1:7

Yisa a chamin bu le ti kan nkpenim a manug, ni ma ye tibir a jiɛn per, Uwonbɔr a nyunyunbasanl takpenlin bu

Kolosiya 1:14

U big nmɔn le sei ti nkpenim a manug kan ye tibir a jiɛn per.

Kolosiya 1:20

Uma bu le Uwonbɔr nan che niwann biɛn jir mɔŋ nin tab, Yisa a cham man nan nyan lidapunpunl bu-n le che nposɔɔn dan.

Hiibru Yaab 10:29

Mambu, ni tiɛr ke baa a tudaril kpaan nin uninfo wan taah Uwonbɔr a bija a taal bu nan n kan naa, wan ŋa ncham man ye Uwonbɔr a poorin tijaginn a ŋaar, wee ncham nmɔn ŋunn udaan, wee udaan ji sug Uwonbɔr a nyunyunbasanl a Naaŋin naa?

Hiibru Yaab 13:20

Uwonbɔr wan ye nposɔɔndaan wan nan ta tipoor tan kaa jɔɔ diɛmin a cham ki fiin ti yudaau Yisa wan ye upeekpaaŋanin nkumin nin,

Hiibru Yaab 9:28

man mu le Masiya a manugin nan mann nba bu ki nyan bininfob takpem a bir; le u ji li jirin, kaa ye u nan ji tibir a fala, amaa u li ŋmag feegab ki nan sei ban guu win.

1 Jɔnn 2:2

Uma ye tibir a manug kan ŋunn ti bir, le naa ye tim a binba a bir bu amaa nin dulinya munl nan biɛn a bir.

Tibɔkpiirkaan 7:14

Le n jiin ke, “N yudaau, fin le nyi.” Le u len ke, “Bi ma ye ban nyann limug takpenl a poolin; ki ye ban wee bi ta Kipeebigin a cham ki ŋunn biwan yɔɔr le ti nin peen.

Tibɔkpiirkaan 7:9

Ni bɔɔn bu le n lig ki kan kuninfogbaluŋ n nintogil ban wee uba kaa li fir kan bi kanli, bi nan nyan ininfobool, nin imaal, nin bininfob, nin ileen biɛn nin le, ki si kunaangbɔŋin ban Kipeebigin a nintogil. Bi nan yee tiwanpenn le ki ŋmag tikpikpagbann bi nɔɔn.