Matiu 26:10 - UWONBƆR A GBƆNPƆŊ LIKƆƆNL

¹⁰ Le Yisa biɛ bi ŋulin nmɔn bu, le ki baan bi ke, “Ba ŋa wee ni mugir upii nan man naa? Ni wan nan ŋan le u tun ki seim nmɔn.

Uwumbɔr aagbaŋ

¹⁰ Yesu nan bee baah len pu na, le ki baa bi, “Ba ŋa ni muk upii ngbaan kina? U tun lituln li ŋan na le ki tii mi.

Matiu 26:10 ပူးပေါင်းရင်းမြစ်များ

Matiu 26:11

Bilanjiim man li gbaa be ni ban, amaa min kaa yin gbaa be ni ban ni.

Matiu 26:9

Ti bi li fir kɔɔr tulaali nan ki gaa ilig takpen ki ta ter bilanjiim.”

Tibɔnyaan ti Mak ŋmee ti na 14:6

Le Yisa bei bi ke, “Ni jiɛn upii nmɔn na. Ni wan ŋanl le u tun ki seim nan, ke ba ŋa wee ni mugir u man naa?

Tibɔnyaan ti Luk ŋmee ti na 8:49

Yisa kaah la nan be pag man nin, le u ninfo uba nyan Jairu a niin ki ke, “A bisa-n kpo, laa ji che wan wɔɔnn ji fala ki chaan a niin ni.”

2 Korenti 9:8

Le Uwonbɔr le che U nyunyunbasanl takpem li be ni bu, wee niwann biɛn nin iyoo biɛn ke, ni li jɔɔ naah ban nan biɛn, wee ni che ke ni fir tun itoon biɛn.

Galantiya 1:7

taa le ye tibɔŋann ma kolibi. Ibamɔn buu bininfob biba li yin ta kuŋmaruŋ ki ŋa ni sufu ni ki degin ni Masiya a bɔŋann nmɔn.

Galantiya 5:12

Min bi ban ke bininfob ban mugir ni lipunjiil bu nan n bin jiɛn lipunjiil wee ki li faar bi bau.

Galantiya 6:17

N bɔjoor kaar ye nan le, uba laa ji mugirimi, n pii jɔɔ Yisa a daagim n gbanann nin.

Efesusi 2:10

Uwonbɔr le naan tim, Yisa Masiya bu le u sei ti itoon ŋan a binbem, ke ti li tun man wee u pii nan lol ke ti li tun nin na.

Kolosiya 1:10

Ti miɛ ni niɛ le ke ni fir be nbinben man kpaan ki gbee Uyudaan a num niwann biɛn nin: Ki lo iloon yan ye itoon ŋan biɛn a looi, ki yabirig nin Uwonbɔr a nyinyim.

2 Tesalonika 2:17

Un sei ni lipoobil ki pɔɔg ni gbanann nin itoon ŋan nin imɔleen ŋan.

1 Timoti 3:1

Ni niɛ nan ye ibamɔn le: Ni ye uninfo tiɛr u sufu ni ke u ban un ŋa uwonjiɛn sanliir ke, ni kpaan nin un tun itoon ŋan.

1 Timoti 5:10

wee bininfob nyi u nbamɔm u toon ŋan bu, ki ta jiin waah wubiri u buwaab man, nin waah tun jiininba a toon ki tenn biwonjiɛm man, nin waah gaan bicham u niin man, nin waah li tenn ban be limugilin literil lan, nin waah ta u ba ki sei itoon ŋan nin biɛn man.

2 Timoti 2:21

Ni ye uninfo ŋmag uba nin tibuchinn kaa tun tibir ke, bi li ta u ki tun ibuchin toon, yan ye kasi, ki ŋan sei Uyudaan wee ki ŋa sili nin un tun itoon ŋan nin ke.

Taitus 1:16

Bi len ke bi nyi Uwonbɔr, amaa le bi toon yin wɔɔn ke bi yii wa. Uwonbɔr nan bi binbem nmɔn. Bi ye tukangbirdam le kaa li fir tun litoon ŋanli.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Taitus 3:1

Tiɛr bininfob nmɔn ke bi li nɔɔ biyudam nin bibɔrtiib a siim kaah wɔɔn man nin, ki li cheel bi mɔɔŋi, ki ŋa sili nin bin tun niwann nan ŋan biɛn,

Taitus 3:14

Ni kpaa le nin ti ninfob ntinn ki ta biba ki sei itoon ŋan a tum, ki ter bi lidaal biɛn baah ban nan, wee ki laa be nbinben man kaa jɔɔ tinyɔɔri.

Taitus 3:8

Tibɔr nan ye ibamɔn le. Le n ban ni li jɔɔ ti ki wɔɔn bi iyoo biɛn wee nin che ban ŋa Uwonbɔr yada-n n choo biba ki ta bi saŋi ki tun itoon ŋan. Ni ma ye nan ŋan ki jɔɔ tinyɔɔr ki sei uninfo biɛn.

Hiibru Yaab 13:21

un sei ni nan ŋan biɛn wee ni ta tun u bam, ki che ni tinn nan li gbee u num, Yisa Masiya, wan ŋan nin npagim iyoo yan kaa jɔɔ ndiɛm bu. Ibamɔn.

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.