Matiu 22:11 - UWONBƆR A GBƆNPƆŊ LIKƆƆNL

¹¹ “Amaa ubɔrin kaah nan kɔɔ un nan poor bichamin, le u kan uja uba ŋmar bi sisiigin kaa yee lipiichanil a wan yɔɔri.

Uwumbɔr aagbaŋ

¹¹ “Le ubɔrkpaan ngbaan koo ni u nan lik binib bi dan bi nan ji tijikaar ngbaan na, le ki kan uja u kaa pee tibɔndinn aawanpeenkaan na.

Matiu 22:11 ပူးပေါင်းရင်းမြစ်များ

Matiu 13:30

Mambu, ni jiɛn na wee i li be ki tan kpaa lidichiɛl a yonn, wee n che bidichiɛb n chinn ki gaar tinaniin ni ki poon wee n nyɔɔi nŋmi; wee ki ta idi ŋan ni ki kun tan ŋa n naapɔɔgin.’ ”

Matiu 22:10

Le u toontumin nyan ki jon kitiŋ poolin a sanjali bu ki tan yin ban biɛn wee bi kan, tininfobir nin bininfoŋam biɛn, le bicham dan ki nan gbee lipiichanil a niin nin kenken.

Matiu 3:12

U ŋmag u dilenn yikpeŋin le ki yin lenn idi nmɔn biɛn nbamɔm, ki nyan ndibimin ki ŋuun u binbolin, le ki nyɔɔ kufoŋin nŋmi man kaa jɔɔ njunimi.”

Rom Yaab 13:14

Amaa ni ta Uyudaan Yisa Masiya ki yee ke kuwan yee waŋin, ki laa ban nsan man wee ni li nɔɔ ki tun tigbanann a kɔlisa birugin a bami.

Rom Yaab 3:22

Nbuchin binben man nyan Uwonbɔr ban nmɔn nyan yada kan wee bi jɔɔ nin Yisa Masiya nle, ki tenn ban biɛn ŋa u yada-n. Naa jɔɔ nbɔgirimi,

1 Korenti 4:5

Ni bu ni laa ji uba tibɔr daandaan nan wee n-yonn kaa la foo, ni li guu n-yonn man wee Uyudaan na li foon. U ma na li nyan nan be libunbɔnlin nween ni, ki kpiir tibir tan be uninfo a sufu-n npaan ni, iyaayoo bininfob biɛn na li kan bi pɔg Uwonbɔr ban.

2 Korenti 5:3

Nan bu-n ti nan kɔɔ iniin nmɔn yaan ke, taa na yin gaan ni.

Galantiya 3:27

Nim ban wee bi fun ni Uwonbɔr a nyunful Masiya a yinlin nin, nim le ta Masiya ki yee ke kuwan yeewaŋin.

Efesusi 4:24

wee ki ta tigbanann pɔnn tan wee Uwonbɔr nan naan nin ki yee ki li nann Uwonbɔr nin ibamɔn a buchinn nin kasi a binbem.

Tibɔkpiirkaan 16:15

“Lig! N li dan ke unaayigin! Tikaar be wan kaa dɔɔ jiɛn, wee ki ŋmag u wann yeewann, wee u laa nan choon gaan wee u yul nkpo.”

Tibɔkpiirkaan 19:8

Le Uwonbɔr sei u bɔɔnh nmɔn itan ŋan yan nyagin ki be chasi, ke un yee.” (Itan ŋan nin le si Uwonbɔr a ninfogannkaab a buchin toon a taai yin.)

Tibɔkpiirkaan 2:23

N li ku u buwaab. Le biwonjiɛm a laginn biɛn n biɛ ke min le ye wan dibir bininfob a sufu nin bi potiɛl, le n li yɔ ni biɛn ni ŋaar bu.

Tibɔkpiirkaan 3:18

Mambu n kpaan ni le ke ni daam salima kan pul nŋmi-n wee ki mann nin n ban, wee ni ŋa biwandam; ki ji daa tiwann yɔɔr penn tan wee ni li yee, ki fir degin ni fai naah gaan nin bu; wee ki daa nnunkpam n ban ki li balig wee ki ga.