Matiu 20:28 - UWONBƆR A GBƆNPƆŊ LIKƆƆNL

²⁸ Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Uwumbɔr aagbaŋ

²⁸ ki li bi ke min Unibɔn Aabo aah bi pu na; maa dan dulnyaa wee ni ke bi nan tun lituln tii mi, m dan ke m nan tun lituln tii binib, ki kpo ke m gaa binib pam lii la.”

Matiu 20:28 ပူးပေါင်းရင်းမြစ်များ

Matiu 20:27

Ni laa che man be ni ban ni, le wan ban u liin ni sam ke un kpann ni toontunnu.

Matiu 26:28

N cham man ye Uwonbɔr a poorin sɔ, ncham man kpaar ki wur bininfob takpem bu, wee bi kan tibir a jiɛnper nan.

Matiu 8:20

Le Yisa jiin ke, “Tiŋɔgir jɔɔ ifal, le nnɔɔm man laan paab nan mu jɔɔ titar, amaa Uninfosaal a Big kaa jɔɔ waah li dɔɔn nan yaan ni.”

Tibɔnyaan ti Mak ŋmee ti na 10:45

Uninfosaal a Big kaa dan ke bininfob n tun ki sei u le, amaa u dan ke u nan tun ki sei bininfob le, le ki ji ta u miɛl ki da bininfob takpem.”

Tibɔnyaan ti Mak ŋmee ti na 14:24

Le u bei bi ke, “N cham le yen, le n cham li kpaar ki wur, bininfob takpem bu, ki wɔɔn ke Uwonbɔr poo tipoor pɔn na.

Tibɔnyaan ti Luk ŋmee ti na 22:27

Nan bu-n wan ka ji tijiir nin wan tol tijiir, ŋma ye uninkpel laa? Naa ye wan ka ki ji-n naa? Amaa n be ni sisiigin le ki nann utoontunn wan tol tijiirin.

Jɔnn 10:15

a li ke Baa-n kaah nyim man nin wee n mu nyi Baa-n, le n ta n miɛfol kpenn ipee-n.

Rom Yaab 4:25

Ti toon bir bu le Uwonbɔr nan ta Masiya sei nkum amaa le U fiin u nkumin ke Un ŋa ti bininfoŋam Uwonbɔr ban.

2 Korenti 8:9

Ni nyi ti Yudaau Yisa Masiya a nyunyunbasanl kaah ye man. U nan ye uwandaan le, amaa nim bu le u kpann faladaan, naah li ŋa man wee u fala nmɔn n che ni kpann biwandam.

Galantiya 3:13

Masiya nan ta u ba le ki mann nkpenim a manug ki fee ti nyan nsiim a mɔpool lan nan nɔɔ ti-n ki jaa, waah nan gaa ti a sisibol ki sir ki che limɔpool nmɔn jin u nbu, nan bu-n ni sɔb Uwonbɔr a gbɔŋin ke: “Limɔpool be wan biɛn bi jɔn u busub bu.”

Efesusi 1:7

Yisa a chamin bu le ti kan nkpenim a manug, ni ma ye tibir a jiɛn per, Uwonbɔr a nyunyunbasanl takpenlin bu

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

1 Timoti 2:6

uma nan ta u miɛl ki daa bininfob biɛn, Uwonbɔr kaah nan pag siɛra kan ni a yoo dede.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Hiibru Yaab 2:10

Waah yin ta nbuwaab takpem ki kɔɔn kupagin nin, ni nan kpaan ke Uwonbɔr wan nan naan niwann biɛn, nin wan bu wee niwann biɛn be-n, Un ŋa bi feegab a daau kasi u fala a jim bu.

Hiibru Yaab 5:8

Hali nin waah le nan ye Uwonbɔr a Big nmɔn biɛn ni u nan tinn limɔcheel le u fala a jimin,

Hiibru Yaab 9:28

man mu le Masiya a manugin nan mann nba bu ki nyan bininfob takpem a bir; le u ji li jirin, kaa ye u nan ji tibir a fala, amaa u li ŋmag feegab ki nan sei ban guu win.

1 Piita 2:24

Uma tɔɔl le nan tu ti yaa bir u gbanann nin lidapunpunl bu, wee nin che ti kpo tibir bu ki kan limiɛfol nbuchin binben nin ban; u daŋin bu le ni kan kutebug.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

1 Jɔnn 2:2

Uma ye tibir a manug kan ŋunn ti bir, le naa ye tim a binba a bir bu amaa nin dulinya munl nan biɛn a bir.

Tibɔkpiirkaan 1:5

Linyunyunbasanl nin nposɔɔn lan ji nyan Yisa Masiya, wan ye ibamɔn a siɛradaau win, kibininkpeeg kan chinn fii nkumin, nin wan ye dulinya nan a bɔrtiib biɛn a bɔru win li be ni ban. Wan jiɛ ti wee ki ta u cham ki nyan ti tibirin nin,